សេដ្ឋកិច្ច

កម្ពុជារកចំណូលបាន ១១៥ លានដុល្លារ ពីការនាំចេញស្វាយ

បានផុស

៨ ខែ មុន

នៅ

ថ្ងៃពុធ ១៩ វិច្ឆិកា ២០២៥

ដោយ

កម្ពុជារកចំណូលបានចំនួនជាង ១១៥ លានដុល្លារ ពីការនាំចេញផ្លែស្វាយស្រស់ នៅក្នុងរយៈពេល ១០ ខែ ឆ្នាំ ២០២៥ ធ្លាក់ចុះ ១,៦៣% ធៀបនឹងរយៈពេលដូចគ្នាកាលពីឆ្នាំមុនដែលមានទំហំទឹកប្រាក់ ១១៧ លានដុល្លារ។ នេះបើយោងតាមរបាយការណ៍របស់ក្រសួងពាណិជ្ជកម្ម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ងិន ឆាយ អគ្គនាយក នៃអគ្គនាយកដ្ឋានកសិកម្ម មានប្រសាសន៍ថា ការនាំចេញផ្លែស្វាយស្រស់បានថយចុះ ដោយសាររោងចក្រដំណាប់ស្វាយក្នុងស្រុកបានប្រមូលទិញផ្លែស្វាយស្រស់មកកែច្នៃជាដំណាប់ស្វាយដើម្បីនាំចេញទៅទីផ្សារក្រៅប្រទេស។

លោក ច័ន្ទ សុផល នាយកប្រតិបត្តិនៃមជ្ឍមណ្ឌលសិក្សាគោលនយោបាយមានប្រសាសន៍ថា ផលិតកម្មស្វាយនៅកម្ពុជា មានលើសតម្រូវការប្រមាណ ១០ ដង ក្នុងមួយឆ្នាំ ខណៈអ្នកសល់ដីធំៗជាច្រើន តែងតែដាំស្វាយកែវរមៀត។

លោក ច័ន្ទ សុផល លើកឡើងថា៖ «ស្វាយនៅកម្ពុជាលើសតម្រូវការអន្តរជាតិ ១០ ដង ដូចតម្រូវការគេប្រមាណ ៣០ ម៉ឺនតោន ក្នុងមួយឆ្នាំ យើងមានសឹងតែ ៣ លានតោន មកពីដីធំៗមួយចំនួនដែលគេមាន គេមិនដឹងធ្វើអី ចេះតែដាំស្វាយទៅ ស្វាយកែវរមៀតហ្នឹងចេះតែដាំ ចាប់ដើមរដូវវស្សាដាំមិនបាច់ស្រោចទឹកទេ»៕

អត្ថបទ៖ ឡេង ដេត