សេដ្ឋកិច្ច

អាជ្ញាធរសេវាហិរញ្ញវត្ថុមិនមែនធនាគារ អនុម័តដាក់ឱ្យប្រើប្រាស់ ការផ្តល់អាជ្ញាបណ្ណ និងគ្រប់គ្រងអាជីវកម្មទ្រព្យឌីជីថល

បានផុស

៦ ខែ មុន

នៅ

ថ្ងៃសុក្រ ២ មករា ២០២៦

ដោយ

អាជ្ញាធរសេវាហិរញ្ញវត្ថុមិនមែនធនាគារ នៅថ្ងៃទី ៣១ ខែធ្នូ ឆ្នាំ ២០២៥ បានអនុម័តដាក់ឱ្យប្រើប្រាស់នូវប្រកាសស្តីពី «ការផ្តល់អាជ្ញាបណ្ណ និងការគ្រប់គ្រងអាជីវកម្មទ្រព្យឌីជីថល» របស់និយ័តករមូលបត្រកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

និយ័តករមូលបត្រកម្ពុជាបានបញ្ជាក់ថា បុគ្គលដែលទទួលបានជោគជ័យក្នុងការសាកល្បងបច្ចេកវិទ្យាព័ត៌មាន គំរូអាជីវកម្ម ផលិតផល ឬសេវាកម្មដែលពាក់ព័ន្ធនឹងទ្រព្យឌីជីថលក្នុងបរិស្ថានសាកល្បងបច្ចេកវិទ្យាហិរញ្ញវត្ថុក្នុងវិស័យមូលបត្រ អាចដាក់ពាក្យស្នើសុំអាជ្ញាបណ្ណធ្វើអាជីវកម្មទ្រព្យឌីជីថលមក និយ័តករមូលបត្រកម្ពុជា។

ប្រកាសស្តីពី «ការផ្តល់អាជ្ញាបណ្ណ និងការគ្រប់គ្រងអាជីវកម្មទ្រព្យឌីជីថល» បែងចែកជា ៩ ជំពូក ៦៣ ប្រការ ដោយបានកំណត់ពីលក្ខខណ្ឌ និងនីតិវិធីក្នុងការផ្តល់អាជ្ញាបណ្ណ បន្តអាជ្ញាបណ្ណ និងកាតព្វកិច្ចផ្សេងៗរបស់ក្រុមហ៊ុនផ្តល់សេវាទ្រព្យឌីជីថល ភ្នាក់ងារទ្រព្យឌីជីថល និងបុគ្គលពាក់ព័ន្ធ ផ្សេងទៀត ក្នុងទិសដៅធានាឱ្យមាននូវសុច្ចរិតភាពទីផ្សារ តម្លាភាព សណ្តាប់ធ្នាប់ និងកិច្ចការពារវិនិយោគិន។

ការផ្តល់អាជ្ញាបណ្ណ និងការគ្រប់គ្រងអាជីវកម្មទ្រព្យឌីជីថល របស់និយ័តករមូលបត្រកម្ពុជា បានចូលរួមចំណែកអនុវត្តគោលនយោបាយរបស់រាជរដ្ឋាភិបាលក្នុងការជំរុញកំណើនសេដ្ឋកិច្ចជាតិ ដោយស្របតាមការចង្អុលបង្ហាញផ្លូវដោយគោលនយោបាយអភិវឌ្ឍន៍បច្ចេកវិទ្យាហិរញ្ញវត្ថុកម្ពុជា២០២៣-២០២៨ របស់រាជរដ្ឋាភិបាល ព្រមទាំងស្របតាមតម្រូវការចាំបាច់ចំពោះមុខសម្រាប់ការបន្តអភិវឌ្ឍទីផ្សារមូលបត្រកម្ពុជា៕