Connect with us

សេដ្ឋកិច្ច

គិតត្រឹមខែធ្នូនេះ កម្ពុជាមានសហគមន៍កសិកម្មជាង១២០០ មានដើមទុន ជាង២៥លានដុល្លារ

បានផុស

នៅ

គិតត្រឹមខែធ្នូ ឆ្នាំ២០២១នេះ កម្ពុជា មានសហគមន៍កសិកម្មជាង១២០០ ដោយមានដើមទុនជាង២៥លានដុល្លារ កំពុងដើរតួនាទីផលិតបន្លែសុវត្ថិភាព បន្លែសរីរាង្គ ផ្លែឈើ ចិញ្ចឹមសត្វ និងចិញ្ចឹមត្រីដើម្បីផ្គត់ផ្គង់ឲ្យទីផ្សារក្នុងស្រុកតាមបច្ចេកទេសកសិកម្មទំនើប។ នេះបើតាមការបញ្ជាក់ឲ្យដឹងរបស់លោក វេងសាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងពិធីសម្ពោធដាក់ឱ្យដំណើរការមជ្ឈមណ្ឌលបន្លែសុវត្ថិភាពគំរូ និងខ្សែច្រវាក់ផលិតកម្មនៅព្រឹកថ្ងៃទី៣០ធ្នូនេះ លោក វេងសាខុន បានមានប្រសាសន៍ថា គិតត្រឹមខែធ្នូ ឆ្នាំ ២០២១ កម្ពុជាមានសហគមន៍កសិកម្មចំនួន ១ ២១៧ និងសមាជិកសរុប ចំនួន ១៥៥ ៨៥៩នាក់។ ចំណែក ដើមទុនវិញ មានសរុបចំនួន១០២ ៣៩០ ០៥៥ ៧៦៧ រៀលប្រហែល២៥ ៥៩៧ ៥១៣ដុល្លារ និងបានបង្កើត និងចុះបញ្ជីសហភាពសហគមន៍កសិកម្មចំនួន ១៥ ដែលមានសមាជិកសរុបចំនួន ២៧៦ មានដើមទុន សរុបចំនួន  ៣ ៣៨២ ៩៩៧ ៣៤៣ រៀល។

លោករដ្ឋមន្ត្រី បានបន្តថា សហគមន៍កសិកម្មទាំងនោះ បាន និងកំពុងដើរតួនាទីផលិតបន្លែសុវត្ថិភាព បន្លែសរីរាង្គ ផ្លែឈើ ចិញ្ចឹមសត្វ និងចិញ្ចឹមត្រីដើម្បីផ្គត់ផ្គង់ឲ្យទីផ្សារក្នុងស្រុក តាមរយ:ការអនុវត្តតាមបច្ចេកទេសកសិកម្មទំនើប ដោយប្រើប្រាស់ផ្ទះសំណាញ់ និងHydroponic។ រីឯ ការចុះកិច្ចសន្យាផលិ​តកម្មកសិកម្មរវាងកសិករ សហគមន៍កសិកម្ម និងវិស័យឯកជន មានចំនួនកើនឡើង ដោយគិតត្រឹមខែធ្នូ ឆ្នាំ២០២១ដូចគ្នានេះ កសិករដែលទទួលបានវិញ្ញាបនបត្រការអនុវត្តកសិកម្មល្អ CamGAP មានចំនួន ៣០៩ចម្ការ/កសិដ្ឋាន ដែលបានអនុវត្តតាមបទដ្ឋានបច្ចេកទេសទទួលបានទិន្នផលខ្ពស់ប្រកប​ដោយគុណភាព និងសុវត្ថិភាព។

លោករដ្ឋមន្ត្រី វេង សាខុន បានបន្ថែមទៀតថា ការចងក្រងជាសហគមន៍កសិកម្មនេះ ធ្វើឱ្យកសិករអាចទទួលបានទិន្នផលខ្ពស់តាមរយៈបច្ចេកទេសដាំដុះថ្មីៗ កសិផលមានទីផ្សារជួយបង្កើនជីវភាពរស់នៅកាន់តែប្រសើរឡើង៕

អត្ថបទ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

នយោបាយ១១ នាទី មុន

ថ្ងៃទី​៦ នៃ​ការឃោសនា ជួប​បញ្ហា​អាកាសធាតុ​តិចតួច ដោយសា​មាន​ភ្លៀង​ធ្លាក់

សន្តិសុខសង្គម៤៩ នាទី មុន

ជនជាតិ​ចិនតៃវ៉ាន់១៤នាក់ ​ត្រូវ​នគរបាល​បញ្ជូន​ទៅតុលាការ​ពាក់ព័ន្ធករណី​គ្រឿងញៀន​ជាង​១៤០០​គីឡូក្រាម និងសារធាតុគីមីជាង១១តោន

ជីវិតកម្សាន្ដ១ ម៉ោង មុន

តួនាង ម៉ារីម៉ា ប្រកាសក្ដែងៗនឹងធ្វើរឿងនេះ ទោះបីលំបាកចំពោះស្ត្រី

ព័ត៌មានជាតិ២ ម៉ោង មុន

ឧបនាយករដ្ឋមន្ត្រី ប្រាក់ សុខុន និង​ភ្ញៀវ​អន្តរជាតិ គោរព​វិញ្ញាណ​ក្ខ​ន្ធ​អ្នកថែរក្សា​សន្តិភាព​អង្គការសហប្រជាជាតិ​

នយោបាយ២ ម៉ោង មុន

ព្រះអង្គម្ចាស់ នរោត្តម ចក្រាវុធ យាង​ដឹកនាំ​ហែ​ក្បួន​ឃោសនា​នៅ​ខេត្តកំពង់ធំ និង​សៀមរាប​

Sokha Hotels

ព័ត៌មានពេញនិយម