សេដ្ឋកិច្ច

សណ្ឋាគារសុខាភ្នំពេញរបស់អ្នកឧកញ៉ា សុខ គង់ សាងសង់នៅឆ្នាំណា និងចំណាយអស់ប៉ុន្មាន?

បានផុស

៤ years មុន

នៅ

ថ្ងៃសុក្រ ២៨ មករា ២០២២

ដោយ

ខណៈដែលមានដំណឹងពីការប្រកាសលក់សណ្ឋាគាររ៉េស៊ីដង់សុខាភ្នំពេញ លំដាប់ផ្កាយ៥ ដ៏ល្បីល្បាញ ក្នុងតម្លៃប្រមាណ១៥០០លានដុល្លារអាមេរិក។មានប្រិយមិត្តអ្នកអានខ្លះប្រហែលមិនដឹងទេថា សណ្ឋាគារ ដែលមានការផ្តល់ជូននូវស្ដង់ដាររស់នៅប្រកប ដោយប្រណិតភាពនេះសាងសង់នៅឆ្នាំណា និងចំណាយលើការសាងសង់អស់ប៉ុន្មាន។

May be an image of 4 people and people standing

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Sokha Phnom Penh Hotel, Phnom Penh | 2022 Updated Prices, Deals

បុកគ្រឹះដំបូងនៅថ្ងៃទី៨ ខែសីហា ឆ្នាំ២០០៨ និងចំណាយថវិកាអស់ប្រមាណ ១២០លានដុល្លារសហរដ្ឋអាមេរិក ដោយមិនគិតតម្លៃដី សណ្ឋាគារ៉េស៊ីដង់ សុខាភ្នំពេញមានកម្ពស់ ១៨ ជាន់មានទីតាំងនៅទល់មុខព្រះបរមរាជវាំង ស្ថិតនៅចំចំណុចប្រសព្វនៃទន្លេចតុមុខ។ សណ្ឋាគារនេះចំណាយពេលសាងសង់ជាង៦ ឆ្នាំ និងបានបើកសម្ពោធដាក់ឱ្យដំណើរការកាលពីថ្ងៃទី ២៣ ខែមីនា ឆ្នាំ២០១៥ ក្រោយអធិបតីភាពសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។

SOKHA PHNOM PENH-WORLDHOTEL $94 ($̶1̶8̶3̶) - Prices & Hotel Reviews - Cambodia - Tripadvisor

ដំណើរការសាងសង់នៅលើផ្ទៃដីទំហំ៥ហិកតា និងមានកម្ពស់សរុប ៧២,៨៧ ម៉ែត្រ។ សណ្ឋាគារមានបន្ទប់ស្នាក់នៅសរុប៧៤៤ បន្ទប់ត្រូវបានចែកចេញជាពីរផ្នែកគឺបន្ទប់សណ្ឋាគារ ៥៤៩ បន្ទប់និងខុនដូ ១៩៥ បន្ទប់។ សណ្ឋាគារមានសាលប្រជុំធំមួយដែលអាចផ្ទុកមនុស្ស៣០០០ នាក់ និងមានកន្លែងចតយានយន្ត ៣ ជាន់ដែលអាចផ្តល់ជាចំណតរថយន្តប្រមាណ ១ ០០០ គ្រឿង ម៉ូតូ១ ០០០ គ្រឿងនិងចំណតឧទ្ធម្ភាគចក្រ ២ កន្លែងនៅលើដំបូលអគារ។

យោងតាមការចេញផ្សាយពីសារព័ត៌មានក្នុងស្រុកបានឱ្យដឹងថា អ្នកឧកញ៉ា សុខ គង់ ប្រធានក្រុមប្រឹក្សាភិបាលក្រុមហ៊ុនសូគីម៉ិច គ្រុប បានប្រកាសលក់សណ្ឋាគារសុខាភ្នំពេញក្នុងតម្លៃប្រមាណ១៥០០លានដុល្លារអាមេរិក ដើម្បីបង្វែរទុនទៅវិនិយោគនៅតំបន់ភ្នំបូកគោ និងសងបំណុលបរទេស។ប៉ុន្តែមិនទាន់មានក្រុមហ៊ុនណាចរចាទិញនៅឡើយទេ៕