សន្តិសុខសង្គម
វិស័យអាកាសចរណ៍កម្ពុជា ងើបមិនរួចពីការយាយីដោយមេរោគបំប្លែងថ្មីអូមីក្រុង
កម្ពុជា បានបើកទូលាយ ក្នុងការធ្វើដំណើរតាមផ្លូវអាកាសចេញចូលដោយសេរីពីសំណាក់ភ្ញៀវទេសចរបរទេស។ ប៉ុន្តែវិស័យនេះ នៅតែរងផលប៉ះពាល់ ដោយសារប្រទេសនៅលើពិភពលោក កំពុងទទួលរងការវាយប្រហារពីមេរោគបំប្លែងថ្មី អូមីក្រុង ដែលធ្វើឲ្យភ្ញៀវទេសចរ បារម្ភពីសុវត្ថិភាព មិនហ៊ានចេញដំណើរឆ្លងប្រទេស ហើយអាជ្ញាធរប្រទេសទាំងនោះក៏មានការរិតបន្តឹងផងដែរ។
លោក ស៊ិន ចាន់សេរីវត្ថា អ្នកនាំពាក្យ និងជារដ្ឋលេខាធិកាអាកាសចរណ៍ស៊ីវិល បានលើកឡើងថា ចាប់ពីចុងឆ្នាំ ២០២១ រហូតមកដល់ពេលនេះ មិនមានកំណើនភ្ញៀវទេសចរនោះទេ ពោលគឺជាមធ្យមប្រចាំថ្ងៃ មានអ្នកដំណើរពី ៨០០ទៅ ១០០០នាក់ ស្មើនឹង ១០ទៅ ១២ជើងហោះហើរប៉ុណ្ណោះ បើធៀបនឹងឆ្នាំ ២០១៩ មានជាង ២០០ជើង ក្នុង១ថ្ងៃ។
មន្រ្តីជាន់ខ្ពស់រូបនេះ បញ្ជាក់ថា កាលពីឆ្នាំ ២០១៩ ភ្ញៀវទេសចរចិនមានកំណើនខ្ពស់ជាងគេ តែនៅឆ្នាំ ២០២១ ធ្លាក់ចុះនៅត្រឹមជាង ៣០០០នាក់ ដោយសារប្រទេសចិនមានការតឹងតែងចំពោះការធ្វើដំណើរ។ លោកគូសបញ្ជាក់ថា បច្ចុប្បន្នភ្ញៀវទេសចរ តាមជើងហោះហើរចូលកម្ពុជាច្រើនជាងគេ គឺភ្ញៀវទេសចរវៀតណាម បន្ទាប់មកថៃ ហើយចិននៅលំដាប់លេខរៀងទី៣។
បើតាមលោក ស៊ិន ចាន់សេរីវត្ថា នៅឆ្នាំ ២០២១ វិស័យអាកាសចរណ៍ បន្តធ្លាក់ចុះភ្ញៀវជាង ៩០% ដូចឆ្នាំ ២០២០ ប៉ុន្តែកំណើនដឹកជញ្ជូនទំនិញតាមផ្លូវអាកាស មានការកើនឡើងជាង២៨%វិញ។
វិស័យអាកាសចរណ៍ បានរួមចំណែកយ៉ាងសំខាន់ក្នុងការជួយទ្រទ្រង់សេច្ឋកិច្ចជាតិ។ អ្នកនាំពាក្យអាកាសចរណ៍ស៊ីវិល បានឲ្យដឹងថា កាលពីឆ្នាំ ២០១៩ មុនការរាតត្បាតនៃជំងឺកូវីដ-១៩ វិស័យអាកាសចរណ៍រកចំណូលបានជាង ៣,០០០លានដុល្លារក្នុង១ឆ្នាំ និងធ្លាក់ចុះជាង ៩០ភាគរយ នៅឆ្នាំ ២០២០-២០២១។ វិស័យនេះ មានសន្ទុះកើនឡើងវិញ នៅចុងឆ្នាំ ២០២១ បន្ទាប់ពីកម្ពុជា បានសម្រុកចាក់វ៉ាក់ដល់ពលរដ្ឋគ្រប់ចំនួនកំណត់ និងបានបើកប្រទេសឡើងវិញគ្រប់វិស័យ។ ប៉ុន្តែនៅឆ្នាំ ២០២២ ដោយសារការផ្ទុះឡើងនៃមេរោគបំប្លែងថ្មី អូមីក្រុង ធ្វើឲ្យវិស័យនេះ រងផលប៉ះពាល់ មិនទាន់ដំណើរការល្អប្រសើរនៅឡើយ ផ្ទុយពីការប៉ាន់ស្មានរបស់មន្រ្តី ដែលធ្លាប់បានវាយតម្លៃថា នៅឆ្នាំ ២០២២នេះ វិស័យអាកាសចរណ៍ នឹងកើនឡើង ៥%បន្ថែមទៀត៕
អត្ថបទ៖ ទួន សុផល
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ