សេដ្ឋកិច្ច
តម្លៃជ្រូករស់ឡើងបន្តិច ខណៈមាន់រស់ធ្លាក់ចុះ មុនពេលបុណ្យចូលឆ្នាំថ្មី
ប្រធានសមាគមអ្នកចិញ្ចឹមសត្វកម្ពុជា បានឲ្យដឹងថា នៅមុនពេលពិធីបុណ្យចូលឆ្នាំថ្មី ប្រពៃណីជាតិខ្មែរ តម្លៃមាន់រស់មានការធ្លាក់ចុះ ហើយតម្លៃជ្រូករស់វិញមានការឡើងបន្តិច។
លោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជា មានប្រសាសន៍ប្រាប់កម្ពុជាថ្មីនៅថ្ងៃទី ៧ ខែមេសានេះថា តម្លៃមាន់នៅក្នុងទ្រុង និងកសិដ្ឋានមានការធ្លាក់ចុះ នៅមុនពេលពិធីបុណ្យចូលឆ្នាំថ្មី ពោលគឺមួយគីឡូក្រាមត្រឹម ៥,០០០ ទៅ ៥,២០០រៀលប៉ុណ្ណោះ ខណៈពីពេលមុនតម្លៃ ៦,០០០រៀល។ ចំណែកឯតម្លៃជ្រូករស់មានការកើនឡើងបន្តិច ដែលពីមុនតម្លៃ ១២,០០០រៀល តែបច្ចុប្បន្នតម្លៃ ១៣,០០០រៀល ក្នុងមួយគីឡូ។
លោក ស្រ៊ុន ពៅ បានបញ្ជាក់មូលហេតុដែលធ្វើឲ្យតម្លៃមាន់រស់ធ្លាក់ចុះ និងតម្លៃជ្រូករស់ឡើងថ្លៃបន្តិចយ៉ាងដូច្នេះថា «សូមជម្រាបថា បញ្ហាជ្រូកវិញ យើងឃើញហើយថា ការចិញ្ចឹមជ្រូកទម្រាំតែបានលក់វាយូរ រយៈពេលវែង ហើយមាន់តែមួយខែជាងទេ អញ្ចឹងមួយៗ នាំគ្នាចិញ្ចឹមលក់ចូលឆ្នាំ ដល់តែវាមួយៗ តម្រូវចូលឆ្នាំចឹង វាធ្វើឲ្យការកើនឡើងនៃវិស័យចិញ្ចឹមមាន់ វាកើនឡើងខ្ពស់ អញ្ចឹងវាធ្វើឲ្យទីផ្សារស្រូបមិនអស់»។
បើតាមប្រធានសមាគមអ្នកចិញ្ចឹមសត្វកម្ពុជា ការផ្គត់ផ្គង់តម្រូវការមាន់រស់ និងជ្រូករស់ នៅក្នុងអំឡុងពេលពិធីបុណ្យចូលឆ្នាំថ្មី ប្រពៃណីជាតិខ្មែរនាឆ្នាំនេះ នឹងមិនមានការខ្វះខាតនោះទេ គ្រាន់តែថា អាចមានឡើងថ្លៃបន្តិចបន្តួចប៉ុណ្ណោះ ពីព្រោះមានតម្រូវការច្រើន។
នៅមុនពេលពិធីបុណ្យចូលឆ្នាំថ្មីនេះដែរ សមាគមអ្នកចិញ្ចឹមសត្វកម្ពុជា បានដាក់លិខិតទៅកាន់អាជ្ញាធរនៅតាមបណ្ដាខេត្តជាប់ព្រំដែន ស្នើសុំឲ្យមានការទប់ស្កាត់ និងបង្រ្កាបបទល្មើសនាំចូលសត្វជ្រូក និងមាន់ខុសច្បាប់ ចូលមកកាន់ប្រទេសកម្ពុជា ដោយសារតែខ្លាចប៉ះពាល់សុខភាពអ្នកទទួលទាន និងខ្លាចមានការនាំចូលជំងឺផ្សេងៗ ដែលធ្វើឲ្យប៉ះពាល់ដល់អ្នកចិញ្ចឹកក្នុងស្រុក។
លោក ស្រ៊ុន ពៅ បានបញ្ជាក់ថា ក្រោយពីលោកបានដាក់លិខិតរួច គឺអាជ្ញាធរនៅតាមបណ្ដាខេត្តជាប់ព្រំដែន និងស្ថាប័នពាក់ព័ន្ធ មានការចុះបង្រ្កាបជាបន្តបន្ទាប់ទៅលើបទល្មើសនាំចូលសត្វ មកកាន់កម្ពុជាពីប្រទេសជិតខាង៕
អត្ថបទ៖ ឃួន សុភ័ក្រ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)