ព័ត៌មានជាតិ
លោក ស្រ៊ុន ពៅ នឹងចុះតាមបណ្ដាខេត្តជាប់ព្រំដែនវៀតណាមរៀងរាល់ថ្ងៃ ដើម្បីទប់ស្កាត់ការលួចនាំចូលសត្វជ្រូក
ប្រធានសមាគមអ្នកចិញ្ចឹមសត្វកម្ពុជា បានអះអាងថា នឹងបន្តចុះទៅតាមបណ្ដាខេត្តជាប់ព្រំដែនប្រទេសវៀតណាមជារៀងរាល់ថ្ងៃ ដើម្បីទប់ស្កាត់ការលួចនាំចូលសត្វជ្រូក រហូតទាល់តែលែងមានការនាំចូល។ ការអះអាងនេះ បន្ទាប់ពីសមាគមបានសង្កេតឃើញថា មានការលួចនាំចូលសត្វជ្រូកដោយខុសច្បាប់ជាច្រើនពីប្រទេសវៀតណាម ដែលនឹងធ្វើឲ្យប៉ះពាល់ដល់អ្នកចិញ្ចឹមក្នុងស្រុក និងអាចនាំជំងឺប៉េស្ដជ្រូកអាហ្រ្វិក ចូលមកកម្ពុជាផងដែរ។

លោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជា មានប្រសាសន៍ប្រាប់កម្ពុជាថ្មី នៅថ្ងៃទី ៤ ខែឧសភានេះថា ដោយសារតែមានការត្អូញត្អែរ ពីប្រជាពលរដ្ឋដែលអ្នកចិញ្ចឹមសត្វជ្រូក ជុំវិញការនាំចូលសត្វជ្រូកដោយខុសច្បាប់ពីប្រទេសវៀតណាមនោះ លោក និងក្រុមការងារបានចុះទៅតាមបណ្ដាខេត្ត នៅជាប់ព្រំដែនប្រទេសវៀតណាម ហើយបានស្នើសុំអាជ្ញាធរពាក់ព័ន្ធ ជួយទប់ស្កាត់ការនាំចូលសត្វជ្រូកនេះ ផងដែរ។

លោកថា «ដោយសារការព្រួយបារម្ភពីសមាគម ជួសមុខឲ្យកសិករយើងទូទាំងប្រទេសហ្នឹង ក៏ដូចជាបងប្អូនប្រជាពលរដ្ឋយើង ដោយសារការនាំសត្វសព្វថ្ងៃនេះ វាអនាធិបតេយ្យ ដោយសារគ្មានការត្រួតពិនិត្យ គ្មានច្បាប់ទម្លាប់ត្រឹមត្រូវទីមួយ ហើយទីពីរនោះឃើញថា ឈ្នួញដែលយកមកនោះ គាត់ដាក់តាមច្រករបៀងមកហូរហែរ បានសេចក្ដីថា សកម្មភាពីមួយថ្ងៃទៅមួយថ្ងៃកើនឡើងៗ កើនឡើងរហូតដល់ទៅប្រជាពលរដ្ឋគាត់ត្អូញត្អែរថា សមាគមអត់ជួយធ្វើការដើម្បីទប់ស្កាត់ ឬក៏តាមដានមើលថាតើពិតប្រាកដវាអញ្ចឹងអត់ ដូច្នេះខ្ញុំបង្ខំចិត្តក៏ទៅធ្វើការតាមព្រំដែន ព្រមទាំងដាក់លិខិតសុំឲ្យស្ថាប័នពាក់ព័ន្ធជួយទប់ស្កាត់ទីមួយ ទីពីរក៏ដាក់លិខិតសុំជួប»។

បើតាមលោក ស្រ៊ុន ពៅ ខេត្តដែលមានឈ្មួញ លួចនាំចូលសត្វជ្រូកពីប្រទេសវៀតណាម រួមមាន៖ តាកែវ, ស្វាយរៀង, ព្រៃវែង, ត្បូងឃ្មុំ, ដោយមួយថ្ងៃអាចមានរហូតដល់ជិត ១ពាន់ក្បាល។ ការលួចនាំចូលនេះ បានធ្វើឲ្យប៉ះពាល់ដល់អ្នកចិញ្ចឹមក្នុងស្រុក និងអាចនាំចូលនូវជំងឺប៉េស្ដជ្រូកអាហ្រ្វិក ផងដែរ។ តែយ៉ាងណាក៏ដោយ ប្រធានសមាគមអ្នកចិញ្ចឹមសត្វកម្ពុជា បានកត់សម្គាល់ឃើញថា ក្រសួង-ស្ថាប័នពាក់ព័ន្ធ ជាពិសេសអគ្គនាយកដ្ឋានសុខភាពសត្វ និងផលិតកម្មសត្វ នៃក្រសួងកសិកម្ម រុក្ខាប្រមាញ់ និងនេសាទ បានខិតខំជាបន្តបន្ទាប់ចំពោះការទប់ស្កាត់ និងបង្រ្កាបការលួចនាំចូលសត្វជ្រូកខុសច្បាប់នេះ។

លោក ស្រ៊ុន ពៅ បានប្ដេជ្ញាចិត្តថា នឹងបន្តចុះទៅតាមបណ្ដាខេត្តជាប់ព្រំដែនវៀតណាមជារៀងរាល់ថ្ងៃ ដើម្បីទប់ស្កាត់ការលួចនាំចូល សត្វជ្រូកខុសច្បាប់ពីប្រទេសវៀតណាមនេះ រហូតដល់ទាល់តែលែងមានការលួចនាំចូល។ លោកថា «ចឹងសមាគម នៅតែតាមដាន នៅតែបំពេញភារកិច្ច តាមដាននៅតាមព្រំដែនរៀងរាល់ថ្ងៃ រហូតដល់ទាល់តែវាស្ងប់ស្ងាត់ផុតទៅ»។
សូមជម្រាបថា នាពេលបច្ចុប្បន្ននេះ តម្លៃជ្រូករស់នៅតាមទ្រុង និងកសិដ្ឋាននានាក្នុងប្រទេសកម្ពុជា មានប្រមាណជា ១២,០០០ ទៅ ១៣,០០០រៀល ក្នុងមួយគីឡូក្រាម ហើយសម្រាប់ថ្លៃដើមផលិតវិញ គឺ ១២,០០០រៀលក្នុងមួយគីឡូក្រាម។ នេះបើតាមលោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជា ដដែល៕
អត្ថបទ៖ ឃួន សុភ័ក្រ



-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ