សេដ្ឋកិច្ច
ការវាយប្រហាររបស់ ចិន លើ តៃវ៉ាន់ នឹងប៉ះពាល់ដល់ពាណិជ្ជកម្មសកល ខ្លាំងជាងសង្គ្រាមអ៊ុយក្រែន ទៅទៀត
អ្នកចរចាពាណិជ្ជកម្មកំពូលរបស់ទីក្រុងតៃប៉ិបានប្រាប់ Reuters កាលពីថ្ងៃអង្គារទី១៤ខែមិថុនាថា ការវាយប្រហារយោធារបស់ចិនទៅលើកោះតៃវ៉ាន់ នឹងជះឥទ្ធិពលលើលំហូរពាណិជ្ជកម្មសកល ខ្លាំងជាងសង្រ្គាមអ៊ុយក្រែនទៅទៀត។ លោកនិយាយថា ជម្លោះនឹងនាំឲ្យមានកង្វះខាតឈីបគ្រឿងអេឡិចត្រូនិក។
ការលុកលុយរបស់រុស្ស៊ី លើអ៊ុយក្រែនកាលពីខែកុម្ភៈ បានបង្កឲ្យមានការឡើងថ្លៃទំនិញ និងបម្រាមនាំចេញអាហារ ដែលនាំឲ្យមានការភ័យខ្លាចចំពោះគ្រោះទុរ្ភិក្សនៅក្នុងប្រទេសក្រីក្រ។
លោក John Deng និយាយថា ប្រសិនបើចិនវាយប្រហារតៃវ៉ាន់ ការរំខានអាចកាន់តែអាក្រក់។ លោកបានលើកឡើងអំពីការពឹងផ្អែករបស់ពិភពលោក លើកោះតៃវ៉ាន់ សម្រាប់បន្ទះឈីបដែលប្រើក្នុងរថយន្តអគ្គិសនី និងទូរស័ព្ទ។
ខ្សែសង្វាក់ផ្គត់ផ្គង់អន្តរជាតិ; ការរំខានដល់សណ្តាប់ធ្នាប់សេដ្ឋកិច្ចអន្តរជាតិ; ហើយឱកាសក្នុងការរីកចម្រើន នឹងទទួលការរំខានសំខាន់ជាងសង្គ្រាមនៅអ៊ុយក្រែនទៅទៀត។ នឹងមានការខ្វះខាតការផ្គត់ផ្គង់ទូទាំងពិភពលោក។ នេះបើតាមសម្តីរបស់លោក ប្រាប់ទៅ Reuters នៅក្នុងបទសម្ភាសន៍មួយ ខាងក្រៅកិច្ចប្រជុំថ្នាក់រដ្ឋមន្ត្រីរបស់អង្គការពាណិជ្ជកម្មពិភពលោក (WTO) ដ៏សំខាន់នៅទីក្រុងហ្សឺណែវ ប្រទេសស្វីស។
រដ្ឋាភិបាលក្រុងតៃប៉ិ បានរាយការណ៍ថា មិនមានសញ្ញានៃការវាយប្រហារដែលជិតកើតឡើងពីប្រទេសចិននោះទេ ប៉ុន្តែតៃវ៉ាន់ បានបង្កើនកម្រិតប្រុងជើងការ ចាប់តាំងពីសង្រ្គាមអ៊ុយក្រែនផ្ទុះឡើង។
រដ្ឋាភិបាលចិននិយាយថា ខ្លួនចង់បានការបង្រួបបង្រួមដោយសន្តិភាព ប៉ុន្តែរក្សាជម្រើសផ្សេងទៀតសម្រាប់តៃវ៉ាន់ ដែលចិនចាត់ទុកថាជាខេត្តរបស់ខ្លួន។
យោងតាមទិន្នន័យ, តៃវ៉ាន់បានគ្រប់គ្រងទីផ្សារពិភពលោក សម្រាប់ការផលិតបន្ទះឈីបទំនើបបំផុត ហើយការនាំចេញរបស់ខ្លួនមានតម្លៃ ១១៨ ពាន់លានដុល្លារកាលពីឆ្នាំមុន។
គួរបញ្ជាក់ថា ការលុកលុយរបស់រុស្ស៊ី គឺជាលើកទីមួយហើយក្នុងប្រវត្តិសាស្ត្ររបស់អង្គការឃ្លាំមើលពាណិជ្ជកម្មពិភពលោកអាយុកាល២៧ឆ្នាំ ដែលសមាជិក WTO មួយ បានវាយលុកសមាជិកមួយផ្សេងទៀត។
ស្ថាប័ននេះសង្ឃឹមថា នឹងឈានដល់កញ្ចប់កិច្ចព្រមព្រៀង រួមទាំងសន្តិសុខស្បៀងអាហារផងដែរ ដើម្បីបន្ធូរបន្ថយការផ្គត់ផ្គង់ដែលកំពុងជាប់គាំង ប៉ុន្តែភាពតានតឹងដែលបង្កើតឡើងដោយសង្រ្គាម អាចធ្វើឲ្យមានការលំបាកកាន់តែខ្លាំង៕
ប្រែសម្រួល៖ Vann Vann
ប្រភព៖ CNA
ចុចអាន៖ តើសង្គ្រាមអាមេរិក និង ចិន ជុំវិញបញ្ហាកោះ តៃវ៉ាន់ ជិតផ្ទុះឡើងហើយមែនទេ?
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ