សេដ្ឋកិច្ច
អ្នកស្រុកសំរោងទង នាំគ្នាដាំត្រកួនតឿពូជថ្មី ខណៈឈ្មួញចុះទិញដល់ចម្ការ
បងប្អូនប្រជាកសិកររស់នៅភូមិស្រែសរ ឃុំក្រាំងអំពិល ស្រុកសំរោងទង ខេត្តកំពង់ស្ពឺ បាននាំគ្នាដាំត្រកួនតឿសឹងគ្រប់ចម្ការ ព្រោះបានតម្លៃខ្ពស់ជាងត្រកួនចិនទៅទៀត។
កសិករ ឈឹម អាន ភេទប្រុស អាយុ ៤៧ ឆ្នាំបានប្រាប់កម្ពុជាថ្មីថា បច្ចុប្បន្ននេះបងប្អូនក្នុងភូមិស្រែសរ ឃុំ ក្រាំងអំពិល បាននាំគ្នាំដាំត្រកួនតឿពូជថ្មី ដែលមានភិនភាគដូចត្រកួនចិន ប៉ុន្តែខុសគ្នាត្រង់ដើមវាធំហើយស្រួយ ថែមទៀតផង។
កសិករ ឈឹម អាន បានបន្តថា ត្រកួនពូជតឿនេះគឺឈ្មួញចុះមកទិញដល់ចំការ ដោយឲ្យតម្លៃ៤០០០ ទៅ ៤៥០០រៀលក្នុង ១ គីឡូក្រាម។ ខុសប្លែកពីត្រកួនចិនតម្លៃត្រឹម៣០០០រៀល ហើយពុំដឹងថាដល់ទីផ្សារលក់តម្លៃប៉ុន្មាននោះទេ។
ម្ចាស់ចំការដែលមានផ្ទៃដីកន្លះហិកតារូបនេះបានបញ្ជាក់ថា ពួកគាត់ជាកសិករដាំត្រកួនតឿនេះគឺទិញគ្រាប់ពូជពីផ្សារទីរួមខេត្តកំពង់ស្ពឺក្នុង១គីឡូក្រាមថ្ងៃ ១៣០០០រៀល ហើយត្រូវចំណាយពេលដាំដុះត្រឹម ១៩ ថ្ងៃគឹតចាំថ្ងៃបណ្តុះរហូតដល់ថ្ងៃដកយកទៅលក់។
អ្វីដែលកសិករនាំគ្នាដាំត្រកួនតឿគ្រប់គ្នាបែបនេះដោយសារមានតម្លៃខ្ពស់ហើយមានការគាំទ្រពីអ្នកទិញយកទៅធ្វើម្ហូបអាហារខ្លាំងណាស់។ ទីតាំងចំការត្រកួននេះគឺនៅចន្លោះភ្នំជាល ដែលមានភ្នំពទ្ធ័ជុំវិញ ហើយក៏សម្បូទឹកស្រោចស្របដំណាំនឹងប្រើប្រាស់តែជីលាមកគោប៉ុណ្ណោះដោយពុំមានប្រើប្រាស់ជីគីមីដែលនាំឲ្យប៉ះពាល់ដល់សុខភាពនោះឡើយ៕
អត្ថបទ៖ នរា
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៨ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល