ព័ត៌មានជាតិ
អ្នកខ្លះសល់ពងពេញរោង យុវជនម្នាក់ ៣ ថ្ងៃ លក់ពងទាបានជិត ១៥ ០០០ គ្រាប់ រកពងលក់មិនចង់បាន
យុវជនម្នាក់រស់នៅខេត្តកំពង់ឆ្នាំង ត្រឹមរយៈពេល ៣ ថ្ងៃ អាចលក់ពងទាបានជាង ១៥ ០០០ គ្រាប់ ខណៈមានអ្នកចិញ្ចឹមជាច្រើនរអ៊ូលក់មិនចេញ ឬលក់ខាតក៏មាន។
យុវជនរស់ កាណាល់ ប្រាប់តិកនិកដែលអាចលក់ពងទាបានរាប់ម៉ឺនគ្រាប់រយៈពេលខ្លីថា ការពិតទៅមុខរបរចិញ្ចឹមទាយកពងនេះ ជាមុខរបររបស់ឪពុកម្តាយនៅឯស្រុក តែដោយសារមួយរយៈនេះ ពងទាដែលធ្លាប់បោះអោយម៉ូយរាល់ដងលក់អត់ចេញ ក៏ជួយលក់ដោយបង្ហោះនៅលើបណ្តាញសង្គម។
យុវជនវ័យក្មេងបន្តថា ត្រឹមមួយថ្ងៃក្រោយផុសលក់លើអនឡាញ មានអ្នក Share ជាង 1K មានអ្នកទិញជាហូហែរ។ ត្រឹម ៣ ថ្ងៃ តាមយុវជនរូបនេះ លក់បានជាង ១៥ ០០០ គ្រាប់ ហើយមកដល់ម៉ោងនេះ នៅតែមានអ្នកសួររកទិញ រកពងលក់មិនចង់បាន។
យុវជនដែលមានបទពិសោធន៍លើអនឡាញប្រាប់បន្តថា មូលហេតុដែលមានអ្នកគាំទ្រទិញពងទារបស់គេច្រើនគឺទីមួយទំនុកចិត្ត និងទីពីរគឺភាពអាណិតអាសូរ។
យុវជនដែលមានមិត្តភ័ក្រអ្នកធ្វើការច្រើន និងខ្លះកំពុងប្រកបរបរផ្នែកប្រព័ន្ធផ្សព្វផ្សាយដែរនោះលើកឡើងថា ដោយសារពងដែលគេលក់ជាពងទាក្នុងស្រុក ហើយជាពងដែលចិញ្ចឹមធម្មជាតិ មិនមែនជាពងនាំចូល។ កន្លងទៅ បើតាមយុវជនរូបនេះល្បីពងទាចាក់ថ្នាំ ទើបមានអ្នកទិញខ្លះអល់អែក ខ្លាចមិនចង់ទិញ។ តែពងដែលគេលក់ជាពងកសិដ្ឋានរបស់ឪពុកម្តាយផ្ទាល់ ទើបធ្វើឲ្យបងប្អូនមិត្តភ័ក្កទុកចិត្ត។ ម្យ៉ាងទៀតក៏អាចមកពីសណ្តានចិត្តអាណិតអាសូរ ដោយសារគេមានបណ្តាញមិត្តភ័ក្រច្រើននៅលើបណ្តាញសង្គម ហើយក្រោយការផុសលក់មានការ Share ច្រើនទៀត ក៏លក់បានច្រើនទៅ។
បើតាមយុវជនរូបនេះ បានបង្ហើបតម្លៃពងទាដែលលក់ចេញ គឺលក់រាយមួយគ្រាប់ ៣៥០ រៀល និងបោះដុំតម្លៃ ២៨០ រៀលក្នុងមួយគ្រាប់។
កសិដ្ឋានមួយនៅខេត្តកំពត ថ្មីៗនេះក៏បានប្រកាសប្រមូលទិញពងទាចំនួន ២០០ ០០០ ពង ពីខេត្តគោលដៅចំនួន ២ គឺខេត្តតាកែវ និងខេត្តព្រៃវែង។ កសិដ្ឋាននេះ ហ៊ានទិញក្នុងមួយគ្រាប់ ៤០០ រៀល និងពងទាខូចៗគឺ២០០រៀល តាមជាក់ស្តែង។
ម្ចាស់កសិដ្ឋានភូមិពងទាខ្មែរបានបើកយុទ្ធនាការ ជំរុញការលក់ពងទាក្នុងស្រុកតាមរយ:បណ្តាញទាំង ១២ ខេត្ត និង ១៤ ខណ្ឌក្នុងរាជធានីភ្នំពេញ ដើម្បីជួយសម្រួលវិបត្តិធ្លាក់ថ្លៃរបស់ពងទានាពេលបច្ចុប្បន្ននេះ។ ក្រុមការងារបានអះអាងថា នឹងចុះទៅដល់ទីតាំងចិញ្ចឹមដោយផ្ទាល់ តែប្រកាសមិនប្រមូលទិញពីឈ្មួញកណ្តាលឡើយ។
ក្រោយវិបត្តិពងទាធ្លាក់ថ្លៃ អគ្គនាយកដ្ឋានសុខភាពសត្វ និងផលិតកម្មសត្វ នៃក្រសួងកសិកម្ម រុក្ខាប្រមាញ់ និងនេសាទ បានចេញសេចក្ដីប្រកាសព័ត៌មាន ដោយច្រានចោលការលើកឡើងថា ការធ្លាក់ថ្លៃពងទាក្នុងស្រុក បណ្តាលមកពីការនាំចូលស៊ុតពីប្រទេសជិតខាង ជាហេតុធ្វើឲ្យផលិតផលស៊ុតមានតម្លៃថោក លក់មិនចេញ និងពិបាករកទីផ្សារ។
បើតាមការបញ្ជាក់ពីមន្រ្តី ពាក់ព័ន្ធនឹងការចុះថ្លៃស៊ុត នៅលើទីផ្សារនាប៉ុន្មានថ្ងៃចុងក្រោយនេះ គឺដោយសារស្ថានភាពជំងឺកូវីដ ១៩ គំរាមកំហែង ដែលធ្វើឲ្យតម្រូវការស៊ុតត្រូវបានកាត់បន្ថយជាអតិបរិមា។ ការចិញ្ចឹមបក្សីយកស៊ុត ក៏មានការកើនឡើងនៅគ្រប់តំបន់ទូទាំងប្រទេស។ ម្យ៉ាងទៀតនៅក្នុងរដូវត្រីត្រូវ ប្រពលរដ្ឋមួយចំនួនបែរមកបរិភោគត្រីជំនួសឲ្យស៊ុតបក្សីវិញ៕
-
សេដ្ឋកិច្ច៤ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ១ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៤ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ២ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម២ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៤ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៤ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
សេដ្ឋកិច្ច៣ ថ្ងៃ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ