វៀតណាម ពង្រីកការជួញដូរលុយ ដុង ខណៈរូបិយប័ណ្ណរបស់ខ្លួនធ្លាក់ក្នុង​អត្រាទាបបំផុត

ធនាគារកណ្តាលវៀតណាម បានពង្រីកអត្រាជូញដូរលុយដុងវៀតណាមពី ៣.0 ភាគរយ ទៅ ៥.0 ភាគរយ ដើម្បីរក្សាតម្លៃរូបិយប័ណ្ណរបស់ខ្លួន ។

កាលពីពេលកន្លងទៅ លុយដុងវៀតណាម បានធ្លាក់ថ្លៃទៅដល់កម្រិតទាបបំផុតរហូតដល់ ០.៦៦ ភាគរយ ពោល ២៤,២៧០ ដុងក្នុងមួយដុល្លារ ។

ចំពោះបញ្ហានេះដែរ វៀតណាម កំពុងតែតាមដានយ៉ាងយកចិត្តទុកដាក់បំផុត ហើយក៏នឹងគ្រោងលក់រូបិយប័ណ្ណបរទេសផ្សេងៗដែលខ្លួនមានផងដែរដើម្បីរក្សាឲ្យមានលំនឹងទីផ្សារ ។

ជាមួយគ្នានោះ អ្នកវិភាគទីផ្សារមួយចំនួនប៉ាន់ស្មានថា មកដល់បច្ចុប្បន្ន វៀតណាម បានលក់លុយជាង ២០ ពាន់លានដុល្លារ ដល់ធនាគារពាណិជ្ជក្នុងស្រុកដើម្បីគាំទ្រដល់អត្រាប្តូរប្រាក់ ។

គួរឲ្យដឹងថា កាលពីខែ កញ្ញាកន្លងទៅ វៀតណាម បានដំឡើងអត្រាគោលនយោបាយរូបិយវត្ថុ ១ ភាគរយក្នុងគោលបំណងរក្សាអតិផរណាឲ្យស្ថិតក្រោម ៤ ភាគរយ ៕

ប្រែសម្រួលដោយ ៖ នាង រតនៈ

ប្រភព ៖ Bangkok Post

ចុចអាន ៖ អាមេរិក នឹងបញ្ចេញប្រេងរាប់លានបារ៉ែល ដើម្បីទប់ការឡើងថ្លៃ ក្រោយ OPEC កាត់បន្ថយផលិតកម្ម