Connect with us

សេដ្ឋកិច្ច

កម្ពុជា រកចំណូលពីការនាំចេញផលកសិកម្ម​ទៅចិនប្រមាណជិត ៥០០លានដុល្លារ ៩ខែឆ្នាំនេះ

បានផុស

នៅ

រយៈពេល ៩ខែឆ្នាំ ២០២២នេះ ការនាំចេញកសិផលកម្ពុជា ទៅកាន់ទីផ្សារប្រទេសចិនសម្រេចបានជាង ៥៨ម៉ឺនតោន គិតជាទឹកប្រាក់ប្រមាណ ៤៩១លានដុល្លារ។ នេះបើយោងតាមទិន្នន័យនាំចេញកសិផលទៅក្រៅប្រទេស នៃអគ្គនាយក​ដ្ឋានកសិកម្ម។ ទិន្នន័យនេះ បញ្ជាក់ថា ទីផ្សារប្រទេសចិននៅមានសក្តានុពលធំទូលាយ ដែលអាចជួយ​ស្រូបយក​ផលិតផល​កសិកម្មកម្ពុជាច្រើនថែមទៀត និងប្រទេសទាំងពីរនៅមិនទាន់​បានប្រើប្រាស់ឱ្យបានជាអតិបរមា​នូវ​សក្តានុពលដែលមានក្នុងវិស័យនេះនៅឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឌិត ទីណា រដ្ឋមន្រ្តីក្រសួងកសិកម្ម បានលើកទឹកចិត្តឱ្យគ្រប់ភាគីពាក់ព័ន្ធនៃប្រទេសទាំងពីរជំរុញ​កិច្ចសហប្រតិ​បត្តិការ​ឱ្យកាន់តែជិតស្និទ្ធ និងស្អិតរមួតថែមទៀត ដើម្បីរិះរកមធ្យោបាយថ្មីល្អៗ និងមានប្រសិទ្ធភាព​ឆ្លើយតបទៅនឹង​ទំហំសក្តានុពលដែលមាន។ លោករដ្ឋមន្រ្តីបានគូសបញ្ជាក់ថា វិនិយោគទុនចិននៅក្នុងវិស័យកសិកម្មនៅ​មានកម្រិតទាប​ខ្លាំងនៅឡើយ។ ក្នុងឆ្នាំ ២០២១ កម្ពុជាទទួលបានវិនិយោគទុនចិនត្រឹមតែ ៧០លានដុល្លារ ហើយសម្រាប់ឆមាសទី១ នៃឆ្នាំ ២០២២នេះ តួលេខនេះ បានធ្លាក់ថែមទៀត នៅត្រឹមតែប្រមាណ ៤លានដុល្លារប៉ុណ្ណោះ ដែលទាមទារឱ្យយើង​ទាំងអស់គ្នាបន្តខិតខំប្រឹងប្រែងជំរុញឱ្យបានខ្លាំងក្លាថែមទៀត។

ទន្ទឹមនឹងនេះ លោករដ្ឋមន្រ្តី ឌិត ទីណា បានប្រកាសនៅក្នុងពិធីសម្ពោធការនាំចេញផ្លែមៀនស្រស់កម្ពុជា ជាផ្លូវការ ទៅកាន់ទីផ្សារប្រទេសចិន នៅថ្ងៃទី ២៧ ខែ តុលាថា ក្រសួងកសិកម្ម រុក្ខាប្រមាញ់ និងនេសាទ បើកទូលាយ​ទទួលស្វាគមន៍យ៉ាងកក់ក្តៅ និងត្រៀមលក្ខណៈរួចជាស្រេច ដើម្បីជំរុញកិច្ចសហប្រតិបត្តិការ និងវិនិយោគថ្មីថែម​ទៀតពីប្រទេសចិន ក្នុងវិស័យកសិកម្ម ដើម្បីបម្រើផលប្រយោជន៍ទៅវិញទៅមកនៃប្រជាជន និងប្រទេសទាំងពីរ។

សូមបញ្ជាក់ថា នៅឆ្នាំ ២០២១ កម្ពុជានាំចេញផលកសិកម្មទៅប្រទេសចិនបានប្រមាណជាង ៨៣ម៉ឺនតោន គិតជាទឹកប្រាក់ស្មើនឹង ៧០០លានដុល្លារ។

ដោយឡែកនៅថ្ងៃទី ២៧ ខែតុលា កម្ពុជា បានសម្ពោធសមិទ្ធផលថ្មីបន្ថែមទៀត គឺការនាំចេញផ្លែមៀនស្រស់​ជាផ្លូវការទៅកាន់ទីផ្សារប្រទេសចិន។ ការបើកទីផ្សារប្រកបដោយសក្តានុពលសម្រាប់កសិផលកម្ពុជា សំដៅចូលរួម​លើកកម្ពស់ប្រាក់ចំណូល និងជីវភាពអ្នកដាំមៀន ជំរុញការអភិវឌ្ឍវិស័យកសិកម្ម និងកំណើនសេដ្ឋកិច្ចជាតិ ស្របតាមយុទ្ធសាស្រ្តចតុកោណដំណាក់កាលទី៤នៃរាជរដ្ឋាភិបាល តាមរយៈគោលនយោបាយជាតិ​អភិវឌ្ឍន៍វិស័យ​កសិកម្មឆ្នាំ ២០២២-២០៣០៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៣ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៣ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៤ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៥ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម