សេដ្ឋកិច្ច
វៀតណាមដាក់គោលដៅនាំចេញដំឡូងមី ២ ពាន់លានដុល្លារដើម្បីបំពេញតម្រូវការនាំចូលរបស់ចិន
ទីក្រុងហាណូយ៖ ប្រទេសវៀតណាមបានកំណត់គោលដៅនាំចេញដំឡូងមីក្នុងរង្វង់ទឹកប្រាក់ប្រមាណ ២ ពាន់លានដុល្លារនៅឆ្នាំ ២០៣០ ក្រោមគម្រោងលើកកម្ពស់ការអភិវឌ្ឍប្រកបដោយចីរភាពនៃឧស្សាហកម្មដំឡូងមីដែលអនុម័តដោយក្រសួងកសិកម្ម និងអភិវឌ្ឍន៍ជនបទនាពេលថ្មីៗនេះ។ នេះបើយោងតាមទីភ្នាក់សារព័ត៌មានវៀតណាម (VNA)។
នៅឆ្នាំ 2050 តម្លៃនៃការនាំចេញត្រូវបានគេរំពឹងថានឹងឈានដល់ចន្លោះពី២,៣ទៅ ២,៥ ពាន់លានដុល្លារ ហើយការនាំចេញដំឡូងមីត្រូវបានជំរុញជាចម្បងដោយតម្រូវការនាំចូលរបស់ប្រទេសចិន។
ស្ថិតិរបស់អគ្គនាយកដ្ឋានគយវៀតណាម បានបង្ហាញថា ប្រទេសនៅអាស៊ីអាគ្នេយ៍ដែលមានព្រំប្រទល់ជាប់ប្រទេសកម្ពុជាមួយនេះ បាននាំចេញដំឡូងមីនិងផលិតផលពីដំឡូងមីចំនួន ៩៤៤,៩៣ តោន ក្នុងត្រីមាសទី១ ឆ្នាំនេះ ដែលមានតម្លៃ ៤៣០,៤៤ លានដុល្លារ ពោលគឺកើនឡើង ១៥,៦ ភាគរយនៃតម្លៃធៀបនឹងរយៈពេលដូចគ្នាកាលពីឆ្នាំមុន។
តម្លៃនាំចេញដំឡូងមីជាមធ្យមគឺ ៤៥១,៣ ដុល្លារក្នុងមួយតោនក្នុងខែមីនា កើនឡើង ១,៧ ភាគរយធៀបនឹងខែកុម្ភៈ និង ១៨,២ ភាគរយធៀបនឹងខែដូចគ្នាកាលពីឆ្នាំមុន។
តម្លៃដំឡូងមីនាំចេញជាមធ្យម៤៥៥,៥ដុល្លារក្នុងមួយតោនក្នុងត្រីមាសទី១កើនឡើង១៩,៥ភាគរយ។
គួរកត់សម្គាល់ថា ប្រទេសចិនគឺជាប្រទេសនាំចូលដំឡូងមីរបស់វៀតណាមច្រើនជាងគេ ដែលបាននាំចូល ៩៤,២ភាគរយនៃទំហំនាំចេញដំឡូងមីសរុបរបស់វៀតណាម និង ៩២ភាគរយនៃតម្លៃនាំចេញសរុប។ ដំឡូងមីគឺជាដំណាំទីមួយរបស់វៀតណាម ដែលមានតម្លៃនាំចេញរាប់ពាន់លានដុល្លារ។
ការនាំចេញដំឡូងមីរបស់វៀតណាមក្នុងឆ្នាំ ២០២៣ត្រូវបានគេរាយការណ៍ថាមានចំនួន ១,៣ពាន់លានដុល្លារ
ក្រោមគម្រោងលើកកម្ពស់ការអភិវឌ្ឍន៍ឧស្សាហកម្មដំឡូងមី វៀតណាមសម្លឹងមើលធ្វើឱ្យសម្រេចបានទិន្នផលដំឡូងមីស្រស់សរុបពី ១១,៥-១២,៥ លានតោននៅឆ្នាំ ២០៣០ ជាមួយនឹងផ្ទៃដីដាំប្រហែល ៥០ ភាគរយ ដើម្បីអនុវត្តដំណើរការកសិកម្មប្រកបដោយនិរន្តរភាព។
នៅឆ្នាំ ២០៥០ ផ្ទៃដីដាំដុះឆ្លោះពី៧០ទៅ៨០ភាគរយ នៃផ្ទៃដីដាំដំឡូងមីនឹងអនុវត្តដំណើរការកសិកម្មប្រកបដោយនិរន្តរភាព៕
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ៧ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១៨ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន