សេដ្ឋកិច្ច

នាយកប្រតិបត្តិក្រុមហ៊ុនទូរសព្ទស្មាត បង្ហាញទិសដៅបណ្ដាក់ទុនវិនិយោគនៅកម្ពុជា លើការផ្ដល់សេវាទូរគមនាគមន៍

បានផុស

២ years មុន

នៅ

ថ្ងៃអង្គារ ៣០ មេសា ២០២៤

ដោយ

ចំពោះមុខលោក ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា លោក Ziad SHATARA នាយកប្រតិបត្តិក្រុមហ៊ុនស្មាត (Smart Axiata) បានគូសបញ្ជាក់ពីការសម្រេចចិត្តក្នុងការចូលខ្លួនមកវិនិយោគលើការផ្ដល់សេវាទូរគមនាគមន៍នៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសជួបពិភាក្សាការងារ ជាមួយលោក ស៊ុន ចាន់ថុល នាថ្ងៃទី២៩ ខែមេសា ម្សិលមិញនេះ លោក Ziad SHATARA បានលើកឡើងអំពីវឌ្ឍនភាពនានា ជាពិសេសគឺសកម្មភាពនានាដែលក្រុមហ៊ុនបានរួមចំណែកជួយសង្គមកម្ពុជា រួមមានជាអាទិ៍ ការបង្កើតកម្មវិធី Smart Music ដើម្បីគាំទ្រសិល្បករ សិល្បការិនីកម្ពុជា និងសកម្មភាពសង្គមនានាផ្សេងទៀតជាច្រើនដែលក្រុមហ៊ុនបានរៀបចំ និងសហការរៀបចំបង្កើតឡើង។

នាយកប្រតិបត្តិក្រុមហ៊ុនស្មាតបានគូសបញ្ជាក់ពីទិសដៅបន្តរបស់ក្រុមហ៊ុន គឺការចូលខ្លួនមកវិនិយោគក្នុងការផ្ដល់ជូនសេវាទូរគមនាគមន៍ក្នុងប្រទេសកម្ពុជា។

ជាការឆ្លើយតប លោកឧបនាយករដ្ឋមន្ត្រី ស៊ុន ចាន់ថុល ថ្លែងអំណរគុណចំពោះក្រុមហ៊ុនដែលបានសម្រេចចិត្តចូលមកបណ្ដាក់ទុនវិនិយោគនៅកម្ពុជា លើការផ្ដល់សេវាទូរគមនាគមន៍។

លើសពីនេះលោកឧបនាយករដ្ឋមន្ត្រី ក៏បានបង្ហាញការស្វាគមន៍នឹងជួយសម្របសម្រួលរាល់គម្រោងពង្រីកការវិនិយោគនានា ដែលក្រុមហ៊ុនគ្រោងនឹងរៀបចំនាពេលអនាគត ដោយហេតុថាការវិនិយោគលើវិស័យនេះបានចូលរួមចំណែកទាក់ទាញវិនិយោគិនបរទេសលើវិស័យផ្សេងៗទៀតមកកម្ពុជាផងដែរ តាមរយៈការបង្ហាញឱ្យឃើញអំពីស្ថានភាពបច្ចុប្បន្នភាព នៃសេវាទូរគមនាគមន៍នៅកម្ពុជា៕