សេដ្ឋកិច្ច
សន្ទស្សន៍តម្លៃទំនិញប្រើប្រាស់ចិនកើនឡើង ខណៈសន្ទស្សន៍តម្លៃអ្នកផលិតធ្លាក់ចុះនៅខែមេសា
សន្ទស្សន៍តម្លៃទំនិញប្រើប្រាស់របស់ប្រទេសចិន បានកើនឡើងក្នុងខែមេសានេះបន្តទៀត សម្រាប់រយៈពេល៣ខែជាប់គ្នាៗ ខណៈសន្ទស្សន៍តម្លៃអ្នកផលិតបានបន្តធ្លាក់ចុះ ដែលនេះបង្ហាញពីតម្រូវការក្នុងស្រុករឹងមាំ បើទោះបីជាការស្ទុះងើបឡើងវិញនៃសេដ្ឋកិច្ចស្ថិតនៅក្នុងភាពស្រពិចស្រពិលក្ដី។ នេះបើតាមការរាយការណ៍របស់ទីភ្នាក់ងារសារព័ត៌មានរ៉យទ័រ។
ទិន្នន័យពីការិយាល័យស្ថិតិជាតិចិន (NBS) បានបង្ហាញនៅថ្ងៃសៅរ៍ ទី ១១ ឧសភា នេះថា សន្ទស្សន៍តម្លៃទំនិញប្រើប្រាស់ (CPI) បានកើនឡើង ០,៣ ភាគរយក្នុងខែមេសានេះ បើធៀបនឹងឆ្នាំមុន ដោយកើនឡើងពី ០,១ ភាគរយក្នុងខែមីនា។
ផ្ទុយទៅវិញ សន្ទស្សន៍តម្លៃអ្នកផលិត (PPI) បានធ្លាក់ចុះ ២,៥ ភាគរយក្នុងខែមេសា បើធៀបនឹងឆ្នាំមុន ប៉ុន្តែថយចុះពីការធ្លាក់ចុះ ២,៨ ភាគរយកាលពីខែមុន។
ទន្ទឹមនឹងនេះ តម្រូវការលំនៅឋានក្នុងស្រុកនៅតែទន់ខ្សោយ ខណៈការភ័យខ្លាចគ្មានការងារធ្វើ នៅតែបន្តកើតមាន ជាពិសេសក្នុងចំណោមយុវវ័យ។
អតិផរណាស្នូល ដែលមិនរាប់បញ្ចូលតម្លៃអាហារ និងប្រេងឥន្ធនៈ បានកើនឡើង ០,៧ ភាគរយក្នុងខែមេសា ដោយកើនឡើងពី ០,៦ ភាគរយក្នុងខែមីនា។
គួរគូសបញ្ជាក់ថា ប្រទេសចិននឹងប្រើប្រាស់ឧបករណ៍គោលនយោបាយ ដូចជាសមាមាត្រតម្រូវការបម្រុង (RRR) និងអត្រាការប្រាក់របស់ធនាគារ ក្នុងវិធីដែលអាចបត់បែនបាន ដើម្បីបង្កើនការគាំទ្រសម្រាប់សេដ្ឋកិច្ច។ នេះបើតាមការិយាល័យនយោបាយ ដែលជាស្ថាប័នធ្វើការសម្រេចចិត្តកំពូលនៃបក្សកុម្មុយនិស្ត ដែលនិយាយកាលពីចុងខែមេសា។
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២២ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ