ព័ត៌មានអន្ដរជាតិ
អ្នកជំនួញវៀតណាមត្អូញត្អែរពីការកើនឡើងនៃតម្លៃដឹកជញ្ជូន
ក្រុមអ្នកជំនួញរបស់វៀតណាម បានត្អូញត្អែរថា ថ្លៃដឹកជញ្ជូនតាមផ្លូវសំខាន់ៗពីវៀតណាមទៅកាន់សហភាពអឺរ៉ុប និងអាមេរិកបានកើនឡើងយ៉ាងខ្លាំង ដោយកាត់បន្ថយប្រាក់ចំណេញរបស់អ្នកនាំចេញ ដោយសារពួកគេត្រូវប្រាក់ចំណាយរាប់ពាន់ដុល្លារបន្ថែមពីលើតម្លៃដើម។ នេះបើតាមការចុះផ្សាយរបស់កាសែត Viet Nam News។
ក្នុងរយៈពេលប៉ុន្មានសប្តាហ៍ថ្មីៗនេះ តម្លៃដឹកជញ្ជូនបានកើនឡើងយ៉ាងខ្លាំង ដោយមួយកុងតឺន័រទៅកាន់ទ្វីបអឺរ៉ុបមានតម្លៃរហូតដល់ ៤ ០០០-៥ ០០០ ដុល្លារអាមេរិក ដែលច្រើនជាងទ្វេដង បើធៀបនឹងរយៈពេលដូចគ្នាកាលពីឆ្នាំមុន។ ដូចគ្នានេះដែរ ថ្លៃដឹកជញ្ជូនទៅកាន់សហរដ្ឋអាមេរិក បានកើនឡើងដល់ ៦ ០០០-៧ ០០០ ដុល្លារ សម្រាប់មួយកុងតឺន័រ។
ចំណែកឯថ្លៃដឹកជញ្ជូនក្នុងមួយកុងតឺន័រទៅកាន់គោលដៅជិតៗ រួមមានប្រទេសចិន ជប៉ុន កូរ៉េខាងត្បូង និងអាស៊ីអាគ្នេយ៍ក៏បានកើនឡើងពី ១ ០០០-២ ០០០ ដុល្លារ បន្ថែមទៀត។
ជាមួយនឹងការចំណាយលើការដឹកជញ្ជូនកើនឡើង អ្នកនាំចេញបានលើកឡើងពីការព្រួយបារម្ភអំពីការធ្លាក់ចុះនៃប្រាក់ចំណេញ និងរបៀបដែលការណ៍នេះនឹងប៉ះពាល់ដល់សមត្ថភាពរបស់ខ្លួនក្នុងការប្រកួតប្រជែងនៅលើទីផ្សារអន្តរជាតិ។
ក្រុមអ្នកជំនួញនិយាយថា តម្រូវការខ្ពស់នៃកុងតឺន័រដឹកជញ្ជូនទីផ្សារចិន បង្កការខ្វះខាតនៃកុងតឺន័រ ហើយបញ្ហានេះត្រូវបានដោះស្រាយតាំងតែវិបត្តិកូវីដ១៩។ ភាពតានតឹងភូមិសាស្ត្រនយោបាយជុំវិញពិភពលោក ក៏ធ្វើឱ្យបញ្ហានេះកាន់តែធ្ងន់ធ្ងរទៅៗ ដែលរួមចំណែកដល់ការឡើងថ្លៃនៃការដឹកជញ្ជូន។
អគ្គលេខាធិការនៃសមាគមន៍បន្លែ និងផ្លែឈើវៀតណាម លោក Đặng Phúc Nguyên បាននិយាយថា កង្វះកុងតឺន័រ និងថ្លៃដឹកជញ្ជូនកើនឡើង បានជះឥទ្ធិពលអវិជ្ជមានដល់អាជីវកម្មវៀតណាម ដែលមានសហភាពអឺរ៉ុប និងសហរដ្ឋអាមេរិកជាអតិថិជនធំៗរបស់ខ្លួន។
អ្នកជំនាញវៀតណាម បានលើកឡើងថា ជំនួញរបស់វៀតណាមពឹងផ្អែកយ៉ាងខ្លាំងលើក្រុមហ៊ុនដឹកជញ្ជូនបរទេស ដែលធ្វើឱ្យពួកគេងាយរងគ្រោះយ៉ាងខ្លាំងពីការដំឡើងតម្លៃ អំឡុងពេលដែលការផ្គត់ផ្គង់នៅមានកម្រិត។
-
ព័ត៌មានអន្ដរជាតិ១ សប្តាហ៍ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៥ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៧ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៤ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៧ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៦ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៦ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៣ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន