សេដ្ឋកិច្ច
កម្ពុជាជំរុញកិច្ចសហប្រតិបត្តិការបច្ចេកទេសក្នុងតំបន់ បង្កើនភាពធន់ ទប់ទល់ឥទ្ធិពលសង្គ្រាមពាណិជ្ជកម្ម
រដ្ឋាភិបាលកម្ពុជា ជំរុញកិច្ចសហប្រតិបត្តិការបច្ចេកទេសក្នុងតំបន់ ដើម្បីបង្កើនភាពធន់ ទប់ទល់នឹងឥទ្ធិពលនៃសង្គ្រាមពាណិជ្ជកម្ម និងស្វែងរកការរីកចម្រើនរួមគ្នា។
លោក ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានពិភាក្សាក្នុងពេលជួបជាមួយគណៈប្រតិភូស្ថានទូតម៉ាឡេស៊ីប្រចាំនៅកម្ពុជានៅថ្ងៃទី ០៤ ខែកុម្ភៈ ឆ្នាំ ២០២៥ ពិភាក្សាអំពីការជំរុញ និងពង្រឹងកិច្ចសហប្រតិបត្តិការបច្ចេកទេសនៅក្នុងតំបន់ ខណៈដែលពាណិជ្ជកម្មសកលកំពុងស្ថិតក្នុងភាពមិនច្បាស់លាស់។
លោក ហែម វណ្ណឌី បានលើកឡើងថា ក្នុងស្ថានភាពនៃសង្គ្រាមពាណិជ្ជកម្ម និងភាពតានតឹងនៃសេដ្ឋកិច្ចសកល អាស៊ានត្រូវពង្រឹងកិច្ចសហប្រតិបត្តិការ ដើម្បីបង្កើនភាពធន់ ទប់ទល់នឹងឥទ្ធិពលនៃសង្គ្រាមពាណិជ្ជកម្ម និងស្វែងរកការរីកចម្រើនរួមគ្នា។
លោករដ្ឋមន្ត្រី ក៏បានលើកឡើងពីបំណងរបស់ក្រសួង ក្នុងការពន្លឿនការរៀបចំអនុស្សរណៈយោគយល់ ស្តីពីកិច្ចសហប្រតិបត្តិការផ្នែកវិទ្យាសាស្ត្រ បច្ចេកវិទ្យា និងនវានុវត្តន៍ រវាងប្រទេសទាំងពីរ ដើម្បីគាំទ្រដល់ការអភិវឌ្ឍឧស្សាហកម្ម និងជំរុញកិច្ចសហប្រតិបត្តិការបន្ថែមទៀត។
ជាការឆ្លើយតប ឯកអគ្គរដ្ឋទូតម៉ាឡេស៊ីលោក ONN Shaharuddin បានបញ្ជាក់ពីការប្តេជ្ញារបស់ម៉ាឡេស៊ី ក្នុងការលើកកម្ពស់កិច្ចសហប្រតិបត្តិការ ដោយលើកឡើងពីកម្មវិធីសហប្រតិបត្តិការបច្ចេកទេសម៉ាឡេស៊ី (MTCP)។ កម្មវិធីនេះ ផ្តោតលើការអភិវឌ្ឍធនធានមនុស្ស តាមរយៈការបណ្តុះបណ្តាល អាហារូបករណ៍ និងសេវាប្រឹក្សាយោបល់ ផ្អែកលើបទពិសោធន៍អភិវឌ្ឍន៍របស់ម៉ាឡេស៊ី។
ម៉ាឡេស៊ី គឺជាដៃគូដ៏សំខាន់មួយសម្រាប់ការអភិវឌ្ឍឧស្សាហកម្មនៅកម្ពុជា។ បច្ចុប្បន្ន ម៉ាឡេស៊ីកំពុងវិនិយោគលើរោងចក្រចំនួន ២៧ មូលដ្ឋាន ដែលផ្តល់ការងារជាង ១២.៧០០ កន្លែង៕
-
សេដ្ឋកិច្ច៤ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ១ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៤ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ២ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម២ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៤ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៤ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
សេដ្ឋកិច្ច៣ ថ្ងៃ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ