ព័ត៌មានជាតិ
NBC៖ ការចំណាយប្រចាំថ្ងៃរបស់កម្មករនិយោជិតតាមបណ្តាខេត្តប្រមាណ ៩២% ខណៈនៅភ្នំពេញប្រមាណ ៨២% ជាប្រាក់រៀល
លោក យឹម លាត ទេសាភិបាលរង ធនាគារជាតិនៃកម្ពុជា បានបង្ហាញថា តាមការសិក្សាស្រាវជ្រាវរបស់ធនាគារជាតិ ការចំណាយប្រចាំថ្ងៃរបស់កម្មករនិយោជិកដែលរស់នៅតាមបណ្តាខេត្ត ប្រមាន ៩២% គឺជាប្រាក់រៀល ក្នុងនោះនៅរាជធានីភ្នំពេញការចំណាយជាប្រាក់រៀលរបស់កម្មករនិយោជិកមានប្រមាណ ៨២%។
លោក យឹម លាត បានលើកឡើងនៅក្នុងកម្មវិធីផ្សព្វផ្សាយស្តីពីប្រាក់រៀលប្រព័ន្ធបាគង និងប្រព័ន្ធខេអេចឃ្យូអរ នាខេត្តតាកែវ នៅព្រឹកថ្ងៃទី៣០ ខែមេសា ឆ្នាំ២០២៥ នេះថា៖« ប្រាក់រៀលបានទទួល ការទុកចិត្ត និងការប្រើប្រាស់កាន់តែច្រើន ក្នុងជីវភាពប្រចាំថ្ងៃរបស់ប្រជាពលរដ្ឋ ជាពិសេសនៅ តាមតំបន់ជនបទ ដែលប្រាក់រៀលដើរតួនាទីចម្បង និងទូលំទូលាយទាំងក្នុងសកម្មភាពរកប្រាក់ ចំណូល ចំណាយ និងសន្សំ»។
ជាក់ស្តែង តាមលទ្ធផលនៃការស្រាវជ្រាវរបស់ធនាគារជាតិនៃកម្ពុជា សហការជាមួយអង្គការ UNDP នៅឆ្នាំ២០២៣ នេះ បានបង្ហាញថា កម្មករនិយោជិកដែលរស់នៅតាមបណ្តាខេត្តចាយវាយប្រចាំថ្ងៃទៅលើទឹក ភ្លើង ម្ហូបអាហារ សំលៀកបំពាក់ ការធ្វើដំណើរកម្សាន្ត និងថ្នាំសង្កូវ មានរហូតដល់ទៅ ៩២% នៃចំណាយសរុបគឺ ជាប្រាក់រៀល។ ក្នុងនោះកម្មករនិយោជិកដែលរស់នៅរាជធានីភ្នំពេញ មានរហូតដល់ ៨២% ជាប្រាក់រៀលនៃការចំណាយសរុប។
លោក យឹម លាត ក៏បានបញ្ជាក់ដែរថា បច្ចុប្បន្នចំពោះប្រាក់ខែរបស់កម្មករនិយោជិកសព្វថ្ងៃនេះភាគច្រើនគឺជាប្រាក់ដុល្លារនៅឡើយ ដោយក្នុងនោះតាមការស្រាវជ្រាវដដែលបានបង្ហាញថា ៩២% ដែលកម្មករនិយោជិកត្រូវដូរជាប្រាក់ដុល្លារមកជាប្រាក់រៀល ដើម្បីចាយវាយនៅក្នុងការប្រើប្រាស់ប្រចាំថ្ងៃរបស់ពួកគេ។
លោកថា៖«ដូចនេះ ប្រសិនទាំងអ្នកលក់ និងអ្នកទិញប្រើប្រាស់ប្រាក់រៀលតែមួយ នោះគឺនឹងអាចជួយដល់ការលក់ដូរឱ្យមានភាពឆាប់រហ័ស ងាយស្រួល និងមិនចាំបាច់ពិបាកគិតគូរដល់អត្រាប្តូរប្រាក់នោះទេ»។
ក្នុងនោះដែរ លទ្ធផលសិក្សាស្រាវជ្រាវរបស់ធនាគារជាតិនៃកម្ពុជា ដោយសហការជាមួយទីភ្នាក់ងារសហ-ប្រតិបត្តិការអន្តរជាតិជប៉ុន (JICA) កាលពីឆ្នាំ២០១៧ បានបង្ហាញថា សម្រាប់ខេត្តតាកែវ ទិន្នន័យស្រាវជ្រាវបង្ហាញថា មធ្យម ប្រមាណ ៨៥% នៃការចំណាយប្រចាំថ្ងៃរបស់ប្រជាជនត្រូវបានធ្វើឡើងជាប្រាក់រៀល។
លោក យឹម លាត បន្ថែមថា ទោះយ៉ាងណា វឌ្ឍនភាពនៃកំណើនប្រើប្រាស់ប្រាក់រៀលនេះ និងបើទោះបីជាតម្លៃប្រាក់រៀល រក្សាបានលំនឹងល្អ ដោយមានតម្លៃជាមធ្យមប្រមាណ ៤០៥០៛/១$ នៅក្នុងរយៈពេលជាង ២ ទសវត្សរ៍ចុងក្រោយ ក៏បានត្រឹមតែទប់ស្កាត់កម្រិតដុល្លារូបនីយកម្មមិនឱ្យកើនឡើងទៀតប៉ុណ្ណោះ ពីព្រោះការប្រើប្រាស់ប្រាក់ដុល្លារអាមេរិកនៅមិនទាន់ថមថយនៅឡើយ ជាពិសេសនៅរាជធានី ភ្នំពេញ និងតាមទីប្រជុំជននៅតាមបណ្តាខេត្ត ដែលការប្រើប្រាស់ដុល្លារអាមេរិកនៅបន្តមាន កម្រិតខ្ពស់ បើធៀបនឹងប្រាក់រៀល។
«នេះគឺជាមេរៀនប្រវត្តិសាស្ត្រដែលបានបង្ហាញថា ការបាត់បង់ ទំនុកចិត្តលើប្រាក់រៀលកើតឡើងត្រឹមរយៈពេលដ៏ខ្លី តែការស្តារទំនុកចិត្តឡើងវិញគឺជាការលំបាក ហើយទាមទារនូវពេលវេលា និងការចូលរួមយ៉ាងសកម្មរបស់ក្រសួង-ស្ថាប័ន វិស័យឯកជន និង ជាពិសេសប្រជាពលរដ្ឋយើងទាំងអស់គ្នា» នេះបើយោងតាមការថ្លែងបញ្ជាក់របស់លោក យឹម លាត៕
ផលិតផល៥មុខរបស់កសិកម្មនៅខេត្តកែប កំពុងកែច្នៃវេចខ្ចប់នាំចេញទៅទីផ្សារក្នុងស្រុក និងក្រៅប្រទេស
រដ្ឋមន្ត្រីក្រសួងសាធារណការជំរុញឱ្យប្រធានមន្ទីរតែងតាំងថ្មីបង្កើនការច្នៃប្រឌិតលើការងារផ្តល់សេវានិ
ឆ្លងចរន្តផ្ទុះឆាបឆេះបង្គោលភ្លើង២ដើម ផ្អើលពលរដ្ឋលើផ្លូវកែវចិន្តា
ក្រសួងការងារ និងក្រុមហ៊ុន ADATA Technology ចុះអនុស្សរណៈស្ដីពី កិច្ចសហប្រតិបត្តិការលើការអភិវឌ្ឍជំនាញ
ទិន្នផលទុរេនទឹកឈូឆ្នាំនេះល្អជាងឆ្នាំមុន ខណៈដែលរសជាតិកាន់តែឈ្ងុយឆ្ងាញ់និងមានទីផ្សារល្អ
ក្រសួងមុខងារ នឹងចាប់ដៃអង្គភាពប្រឆាំងអំពើពុករលួយ បង្ក្រាបជនស៊ីឈ្នួលរត់ការចូលក្របខណ្ឌរដ្ឋ
តើមន្ទីរពេទ្យជាតិ តេជោសន្តិភាព ដែលមានគ្រែពេទ្យជិត១ម៉ឺន មានព្យាបាលជំងឺអ្វីខ្លះ?
ភ្នំភ្លើងនៅអាឡាស្កា ជិតផ្ទុះជាមួយកម្លាំងដ៏ខ្លាំង ខណៈអ្នកជំនាញព្រមានពីគ្រោះថ្នាក់ធ្ងន់ធ្ងរ
ខេត្តកំពតជាប់សមុទ្រ ដែកឆក់ទាក់ទាញវិនិយោគិន មានផែទឹកជ្រៅ ផែទេសចរណ៍អន្តរជាតិ តំបន់សេដ្ឋកិច្ចពិសេសជាច្រើនកន្លែង
នគរបាលអំពាវនាវពលរដ្ឋ ទៅបន្តសុពលភាពអត្តសញ្ញាណប័ណ្ណ ដើម្បីទុកសម្រាប់ប្រើប្រាស់តាមតម្រូវការ
-
ព័ត៌មានជាតិ២ ថ្ងៃ agoបន្ថែមពីថវិកា៧០លានរៀល កុមារី ស៊ុន ស្រីតី ទទួលបានផ្ទះ ដីទំហំជាងកន្លះហិកតា ដែលដាំស្វាយរួចរាល់
-
សន្តិសុខសង្គម៤ ថ្ងៃ agoព័ត៌មានបឋម ៖ បាក់ស្រុតផ្លូវអមមាត់ប្រឡាយលូស្ទឹងមានជ័យធ្លាក់កង់បីឥណ្ឌា ១ គ្រឿង ក្រោយភ្លៀងមួយមេ
-
ព័ត៌មានជាតិ៦ ថ្ងៃ agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ១ សប្តាហ៍ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ៥ ថ្ងៃ agoមិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
-
ព័ត៌មានអន្ដរជាតិ៥ ថ្ងៃ agoហ្សេលេនស្គី៖ មីស៊ីលដែលរុស្ស៊ីប្រើបាញ់ស្រោចលើក្រុងកៀវ គឺជារបស់កូរ៉េខាងជើង
-
ព័ត៌មានអន្ដរជាតិ១ សប្តាហ៍ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សេចក្ដីជូនដំណឹង៤ ថ្ងៃ agoក្រុមហ៊ុន វឌ្ឍនៈ ហ៊ានចេញមុខប្រកាសគាំទ្រ “ចំណាត់ការ របស់សម្តេចធិបតី ហ៊ុន ម៉ាណែត ផ្អាកការផ្តល់រង្វាន់តាមរយៈក្រវិលកំប៉ុងស្រាបៀរនិងគម្របភេសជ្ជៈ”