គម្រោងវិនិយោគ២៣១ត្រូវបានអនុម័ត​ក្នុងទំហំទឹកប្រាក់ជាង ៣,៤ ពាន់លានដុល្លារ

គិតចាប់ពីខែមករា ដល់ខែមេសា ឆ្នាំ ២០២៥ ក្រុមប្រឹក្សាអភិវឌ្ឍន៍កម្ពុជាបានអនុម័តគម្រោងវិនិយោគសរុបចំនួន ២៣១ គម្រោង ជាមួយទំហំទឹកប្រាក់ប្រមាណ៣,៤ ​ពាន់​លានដុល្លារអាម៉េរិក កើនឡើង ៣៤% ធៀបនឹងរយៈពេលដូចគ្នានៅឆ្នាំ ២០២៤។

យោងតាមក្រុមប្រឹក្សាអភិវឌ្ឍន៍កម្ពុជា ការចុះបញ្ជីគម្រោងវិនិយោគមានការកើនឡើងចំនួន ១០៣ គម្រោង​ស្មើនឹង ៨០% ខណៈទុនវិនិយោគកើនឡើងប្រមាណ ៨៥៦ លានដុល្លារ កើន ៣៤%។

សម្រាប់ខែមេសា ឆ្នាំ២០២៥ ក្រុមប្រឹក្សាអភិវឌ្ឍន៍កម្ពុជាបានអនុម័តគម្រោង​វិនិយោគសរុបចំនួន៥៩គម្រោង ដែលមានទុនវិនិយោគសរុបប្រមាណ៨៦០លានដុល្លារអាម៉េរិក និងអាចបង្កើតការងារបានប្រមាណ៣៩ពាន់ កន្លែង។

ក្នុងចំណោមគម្រោងវិនិយោគសរុប គម្រោងវិនិយោគដែលមានទីតាំងស្ថិតនៅក្រៅតំបន់សេដ្ឋកិច្ច ពិសេសមានចំនួន​៣២គម្រោង និងគម្រោងវិនិយោគដែលមានទីតាំងស្ថិតនៅក្នុងតំបន់សេដ្ឋកិច្ចពិសេសមាន ចំនួន២៧គម្រោង៕

សេចក្ដីប្រកាសព័ត៌មានខាងក្រោម៖