ព័ត៌មានអន្ដរជាតិ
តម្លៃប្រេងអន្តរជាតិធ្លាក់ចុះវិញបន្តិច ក្រោយកើនឡើងជិត ២% កាលពីថ្ងៃចន្ទ
តម្លៃប្រេងអន្តរជាតិបានធ្លាក់ចុះមកវិញបន្តិចសម្រាប់ការជួញដូរលើទីផ្សារអាស៊ីនាព្រឹកថ្ងៃអង្គារនេះ បន្ទាប់ពីបានកើនឡើងជិត ២ ភាគរយ ពេលបិទការជួញដូរនៅថ្ងៃចន្ទ ដោយសារតែកង្វល់ជុំវិញការផ្គត់ផ្គង់ប្រេងរបស់រុស្ស៊ី។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
តម្លៃប្រេងឆៅនាពេលអនាគត ម៉ាក Brent បានធ្លាក់ចុះ ១៦ សេន ឬ ០,២៣ ភាគរយ មកនៅត្រឹម ៦៨,៦៤ ដុល្លារ/បារ៉ែល គិតត្រឹមម៉ោង ៨ ព្រឹក ម៉ោងនៅក្រុងហុងកុង។ ចំណែកឯតម្លៃប្រេងឆៅនាពេលអនាគតរបស់អាមេរិក ម៉ាក West Texas Intermediate (WTI) វិញ បានធ្លាក់ចុះ ១៦ សេន ឬ ០,២៥ ភាគរយ មកនៅត្រឹម ៦៤,៦៤ ដុល្លារ/បារ៉ែល។
យ៉ាងណាមិញ តម្លៃប្រេងទាំង២ បានកើនឡើងជិត ២ ភាគរយ កាលពីថ្ងៃចន្ទ ដោយកើនឡើងដល់ចំណុចខ្ពស់បំផុតក្នុងរយៈពេល ២ សប្ដាហ៍។ កំណើននេះជំរុញជាចម្បងដោយកង្វល់នៃការរំខានផ្នែកផ្គត់ផ្គង់ ក្រោយអ៊ុយក្រែនវាយប្រហារលើហេដ្ឋារចនាសម្ព័ន្ធថាមពលរបស់រុស្ស៊ី ហើយខណៈវិនិយោគិនរំពឹងថា សហរដ្ឋអាមេរិកអាចបន្ថែមពន្ធលើប្រេងរុស្ស៊ី។
ការវាយប្រហាររបស់អ៊ុយក្រែនបានរំខានដល់ការចម្រាញ់កែច្នៃ និងការនាំចេញប្រេងរបស់រុស្ស៊ី ហើយបានបង្កើតជាកង្វះខាតប្រេងសាំងនៅតាមតំបន់មួយចំនួនរបស់រុស្ស៊ី។ ហើយថ្មីៗនេះ ប្រធានាធិបតីអាមេរិក លោក ដូណាល់ ត្រាំ ទើបតែបានគំរាមថា លោកនឹងដាក់ទណ្ឌកម្មរុស្ស៊ីបន្ថែម ប្រសិនបើកិច្ចព្រមព្រៀងសន្តិភាពមិនបានសម្រេចឡើងក្នុងរយៈពេល ២ សប្ដាហ៍ខាងមុខ។
តម្លៃប្រេងក៏កើនឡើងផងដែរ ដោយសារតែការធ្លាក់ចុះនៃប្រេងក្នុងស្តុករបស់អាមេរិក ដែលនេះបង្ហាញពីតម្រូវការរឹងមាំ។ យ៉ាងណាមិញ កំណើននៅតែមានកំណត់ដោយសារតែក្ដីរំពឹងពីកំណើនផលិតកម្មរបស់អង្គការនៃប្រទេសនាំចេញប្រេងកាត និងសម្ព័ន្ធមិត្ត (OPEC+)៕
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
សន្តិសុខសង្គម១ សប្តាហ៍ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ២ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache