សេដ្ឋកិច្ច

អ្នកផលិតអះអាង ស្មារតីជាតិនិយមរបស់ប្រជាជនខ្មែរ នឹងស្ថិតនៅយូរអង្វែង ក្រោយទំនាស់ព្រំដែនកម្ពុជា-ថៃ

បានផុស

៩ ខែ មុន

នៅ

ថ្ងៃសៅរ៍ ២០ កញ្ញា ២០២៥

ដោយ

លោក ហួត រ៉ាដេត ប្រធានក្រុមហ៊ុនសាច់ជ្រូកជាតិជឿជាក់ថា ស្មារតីជាតិនិយម របស់ប្រជាពលរដ្ឋកម្ពុជា នឹងមាភាពយូរអង្វែង បន្ទាប់ពីមានទំនាស់ព្រំដែនកម្ពុជា-ថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហួត រ៉ាដេត បន្ថែមថា៖ «លើកនេះ វាធ្ងន់ អញ្ចឹងខ្ញុំជឿថា លើកនេះ ប្រជាជនខ្មែរ រួមទាំងខ្ញុំផង ភ្ញាក់រលឹកទាំងអស់គ្នា ជាតិនិយមឱ្យបានមួយជីវិតតែម្ដង ឱ្យបានរហូតតែម្ដង ដើម្បីឱ្យអ្នកផលិតក្នុងស្រុកទាំងអស់ អ្នករកស៊ីទាំងអស់ មានកម្លាំងចិត្ត ដើម្បីផលិតសម្រាប់ប្រទេសយើង»។

លោក ហួត រ៉ាដេត បញ្ជក់ថា ព្រោះយើងផលិតឱ្យប្រជាជនខ្មែរយើង យើងមានមោទនភាព ហើយយើងផលិតយកគុណភាពល្អ ឱ្យប្រជាជនតែម្ដង យើងអត់មានកិបកេងគុណភាពអីដើម្បីតែចំណេញទេ ប្រជាជនខ្មែរ គួរតែដល់ពេលគាំទ្រផលិតផលខ្លួនឯងហើយ។

លោក ហួត រ៉ាដេត បន្ថែមថា ពេលនេះជាឱកាសល្អសម្រាប់អ្នកកែច្នៃ ដែលមិនងាយនឹងមានទេ ប្រសិនបើងអត់មានទំនាស់ព្រំដែននេះទេ លោកខ្លួនឯងអាចនឹងប្រើពេល ៣-៥ ឆ្នាំ ទម្រាំបានឱ្យគេស្គាល់សាច់ជ្រូកជាតិ ជំរុញភាពជាតិនិយម តែពេលនេះ ជាតិនិយមគឺមកឯង ហើយយើងត្រូវពង្រីកខ្លួនឱ្យកាន់តែខ្លាំង ដើម្បីចាប់យកឱកាសនេះតែម្ដង កែច្នៃឱ្យល្អឱ្យប្រជាជនយើងមានទំនុកចិត្តចាប់ពីពេលនេះទៅតែម្ដង។

អ្នកស្រី សម្បត្តិ អមរៈ វិប្បស្សិនី នាយិកាគ្រប់គ្រងក្រុមហ៊ុន Sabara Best Food ជឿជាក់ថា បើសន្ទុះនៃការគាំទ្រផលិតផលក្នុងស្រុកនៅតែបន្ត នៅ៤-៥ឆ្នាំខាងមុខ ទីផ្សារផលិតផលខ្មែរនឹងពង្រីកខ្លួនកាន់តែធំ ពិសេសគឺហុចប្រយោជន៍ដល់សង្គមជាតិទាំងមូល៕

អត្ថបទ៖ ឡេង ដេត

Related Topics:ផលិតផលខ្មែរ