កូវីដ-១៩
មន្រ្តីរាជធានីភ្នំពេញ បញ្ជាក់មូលដ្ឋានចំនួន ០៣ ដើម្បីកំណត់បែងចែកតំបន់ក្រហម លឿង និងលឿងទុំ
លោក នួន ផារ័ត្ន អភិបាលរងរាជធានីភ្នំពេញ បានធ្វើការស្រាយបំភ្លឺលើការបែងចែកដើម្បីកំណត់មូលដ្ឋានណាមួយក្នុងរាជធានីភ្នំពេញ ជាតំបន់ក្រហម លឿងទុំ និងលឿង។
លោកអភិបាលរងរាជធានីភ្នំពេញ បានលើកឡើងមូលដ្ឋានចំនួន ០៣ ក្នុងការបែងចែកតំបន់ដែលរងហានិភ័យក្នុងការរាលដាលជំងឺកូវីដ ១៩។
លោកបានលើកកត្តាទីមួយ គឺមូលដ្ឋានចំនួនឆ្លងជាក់ស្តែង។ លោកថា តំបន់ដែលមានការឆ្លងធ្ងន់ធ្ងរ ហើយប្រភពចម្លងមិនអាចគ្រប់គ្រងបាន ត្រូវបានកំណត់ជាតំបន់ហានិភ័យខ្ពស់ត្រូវតែគ្រប់គ្រងតឹងរ៉ឹងបំផុត។ តំបន់នេះមានហានិភ័យខ្ពស់ ខណៈអាជ្ញាធរមិនអាចកំណត់ប្រភពចម្លង ឬអាចនិយាយបានថាបាត់ដានតែម្តង។
មូលដ្ឋានទីពីរគឺស្ថានភាពទីតាំងជាក់ស្តែង ក៏ចំណុចយ៉ាងសំខាន់ ក្នុងការកំណត់តំបន់ហានិភ័យ ងាយស្រួលក្នុងការឆ្លងរាលដាលចូលសហគមន៍។
មូលដ្ឋានទី ៣ គឺភូមិសាស្ត្រជារួម។ លោកលើកឡើងជុំវិញតំបន់ក្រហមសុទ្ធតែតំបន់លឿងទុំ ងាយរងគ្រោះត្រូវប្រុងប្រយ័ត្ន ទោះបីកម្រិតហានិភ័យឆ្លងទាបជាងតំបន់ក្រហមក៏ដោយ។
លោក នួន ផារ័ត្នបានបន្តថា ការកំណត់តំបន់ក្រហម លឿងទុំ លឿង ក៏ត្រូវវាយតម្លៃបត់បែនតាមស្ថានភាពជាក់ស្ដែង។
គួរបញ្ជាក់ថា រាជធានីភ្នំពេញ និងក្រុងតាខ្មៅ ត្រូវបានរដ្ឋាភិបាលប្រកាសបិទខ្ទប់ ដោយសារការរីករាលដាលជំងឺកូវីដ១៩។ អាជ្ញាធរបានកំណត់ខណ្ឌទាំង ១៤ នៅរាជធានីភ្នំពេញ ដោយបែងចែកតំបន់ហានិភ័យតាមកម្រិតនៃការឆ្លងរាលដាលជាពណ៌ក្រហម លឿងទុំ និងលឿង។
តំបន់ក្រហម ជាតំបន់ដែលមានការឆ្ងងធ្ងន់ធ្ងរ ហើយដែលអាជ្ញាធរបិទខ្ទប់ទាំងស្រុង មិនឲ្យពលរដ្ឋចេញពីលំនៅដ្ឋាន លើកលែងករណីចាំបាច់បំផុត។ ចំណែកតំបន់លឿងទុំ ក៏ត្រូវបានរឹតបន្តឹងដូចតំបន់ក្រហមដែរ តែការគ្រប់គ្រងមានការធូរស្រាលបន្តិច។ ចំណែកតំបន់លឿង ដែលជាភូមិសាស្រ្តមានការឆ្លងកម្រិតស្រាល ដែលតំបន់នេះអនុញ្ញាតិឲ្យពលរដ្ឋអាចបន្តជីវភាពរស់នៅនិងការធ្វើដំណើរប្រព្រឹត្តទៅជាធម្មតា។ តែទីតាំងដូចជាសាលារៀនទាំងរដ្ឋ និងឯកជន អាជីវកម្មក្លឹបកម្សាន្ដគ្រប់ប្រភេទ រោងភាពយន្ត ក្លឹបហាត់ប្រាណ ហាងលក់គ្រឿងស្រវឹងគ្រប់ប្រភេទ មិនទាន់អនុញ្ញាតិឲ្យបើកដំណើរការទេ៕
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានអន្ដរជាតិ២ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត