កូវីដ-១៩

ខេត្តកំពង់ធំរកឃើញអ្នកវិជ្ជមានកូវីដ១៩ចំនួន៤នាក់បន្ថែមទៀត

បានផុស

៥ years មុន

នៅ

ថ្ងៃព្រហស្បតិ៍ ២៩ មេសា ២០២១

ដោយ

រដ្ឋបាលខេត្តកំពង់ធំបានរកឃើញអ្នកវិជ្ជមានកូវីដ១៩ចំនួន៤នាក់បន្ថែមទៀតនៅថ្ងៃទី២៨ ខែមេសាឆ្នាំ២០២១ដែលពាក់ព័ន្ធនឹងអ្នកជំងឺម្នាក់មានវិជ្ជមានកាលពីថ្ងៃទី២៥ ខែមេសា ឆ្នាំ២០២១កន្លងទៅ។

យោងតាមរដ្ឋបាលខេត្តកំពង់ធំចុះថ្ងៃទី២៩ ខែមេសា ឆ្នាំ២០២១នេះ បានឲ្យដឹងថា អ្នកមានវិជ្ជមានទាំង៤នាក់នោះរស់នៅភូមិព្រៃវែង ឃុំទ្រៀល ស្រុកតាំងគោក ក្នុងនោះទី១ឈ្មោះ រស់ ស្រៀង ភេទស្រីអាយុ៥២ ឆ្នាំ ទី២ឈ្មោះ សួន គឹមហួយ ភេទស្រី អាយុ២៩ឆ្នាំ ទី៣ ឈ្មោះ សាល គឹមឆេង ភេទស្រីអាយុ១២ឆ្នាំ និងទី៤ឈ្មោះ ធី អាលីហ្សា ភេទស្រីអាយុ២ឆ្នាំ។

បុគ្គលទាំង៤នាក់នេះជាអ្នកពាក់ព័ន្ធនឹងឈ្មោះ គឹម សុឃឿន ដែលត្រូវបានរកឃើញវិជ្ជមានកាលពីថ្ងៃទី២៥ ខែមេសា ឆ្នាំ២០២១កន្លងមក ដោយក្រុមគ្រូពេទ្យបានយកធ្វើតេស្តរហ័សដោយរកឃើញវិជ្ជមាន៣នាក់ និងអវិជ្ជមាន១នាក់។ បន្ទាប់មកក៏បានបញ្ជូនសំណាកទាំង៤នាក់ទៅធ្វើតេស្តបញ្ជាក់នៅវិទ្យាស្ថានប៉ាស្ទ័រ និងទទួលបានលទ្ធផលវិជ្ជមានទាំង៤ករណីនៅថ្ងៃទី២៨ខែមេសាឆ្នាំ២០២១។

បច្ចុប្បន្នអ្នកទាំង៤ខាងលើត្រូវបានដាក់ឲ្យសម្រាកព្យាបាលនៅមន្ទីរពេទ្យបង្អែកបារាយណ៍សន្ទុក។ រដ្ឋបាលខេត្តបាននឹងកំពុងធ្វើការស្រាវជ្រាវនិងយកសំណាក់អ្នកពាក់ព័ន្ធក្នុងភូមិព្រៃវែងឃុំទ្រៀលស្រុកតាំងគោក ដើម្បីធ្វើតេស្តរកកូវីដ១៩យ៉ាងហ្មត់ចត់បំផុត៕

អត្ថបទ ៖ សំអឿន