Connect with us

កូវីដ-១៩

ពិសេសណាស់! មនុស្សចាស់អាយុលើសពី ៦០ ឆ្នាំចាក់មួយដូសដំបូងរបស់វ៉ាក់សាំង AstraZeneca មានប្រសិទ្ធភាពការពារកូវីដ ដល់ ៨៧ ភាគរយ

បានផុស

នៅ

ទិន្ន័យពិតប្រាកដ ដែលចេញផ្សាយដោយ ប្រទេសកូរ៉េខាងត្បូង បានបង្ហាញកាលពីថ្ងៃពុធថា វ៉ាក់សាំងការពារជំងឺកូវីដ ១៩ មួយដូសពីក្រុមហ៊ុន AstraZeneca មានប្រសិទ្ធភាព ៨៦.៦ ភាគរយ ក្នុងការការពារការឆ្លង ក្នុងចំណោមមនុស្ស ដែលមានអាយុលើសពី ៦០ ឆ្នាំ ។

ទិន្នន័យពីទីភ្នាក់ងារត្រួតពិនិត្យ និងបង្ការជំងឺកូរ៉េ (KDCA) បានបង្ហាញថា វ៉ាក់សាំង AstraZeneca មានប្រសិទ្ធភាព ៨៦ ភាគរយ ក្នុងការការពារករណីឆ្លងជំងឺកូវីដ ១៩ ក្រោយការចាក់លើកទី ១ រយៈពេល ២ សប្ដាហ៍ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការវិភាគនេះ ផ្អែកលើប្រជាជនជាង ៣.៥ លាននាក់ នៅក្នុងប្រទេសកូរ៉េខាងត្បូ ដែលមានអាយុលើសពី ៦០ ឆ្នាំ រយៈពេលពីរខែគិតចាប់ពីថ្ងៃទី ២៦ ខែកុម្ភៈ និងរាប់បញ្ចូលមនុស្សចំនួន ៥២១,១៣៣ នាក់ ដែលបានទទួលការចាក់វ៉ាក់សាំង AstraZeneca ។ ក្នុងចំណោមក្រុមមនុស្សទាំងនេះ មានករណីវិជ្ជមានចំនួន ១,២៣៧ នាក់ ហើយមានតែ ២៩ នាក់ប៉ុណ្ណោះ មកពីក្រុមទទួលការចាក់វ៉ាក់សាំង ។

ទន្ទឹមនោះ KDCA បាននិយាយថា “វាបានបង្ហាញថា វ៉ាក់សាំងទាំងពីរនេះ ផ្តល់នូវការការពារខ្ពស់ ប្រឆាំងនឹងជំងឺកូវីដ ១៩ បន្ទាប់ពីការចាក់ដូសដំបូង ។ ប្រជាជនគួរតែ ទទួលការចាក់វ៉ាក់សាំង ឲ្យបានគ្រប់ដូស តាមកាលវិភាគដែលបានណែនាំ ខណៈការបង្កើនប្រព័ន្ធភាពស៊ាំ ត្រូវការបន្ថែម បន្ទាប់ពីការចាក់លើកទី ២” ។

ចំណែក រដ្ឋមន្ត្រីក្រសួងសុខាភិបាលលោក Yoon Tae-ho បានប្រាប់សន្និសីទកាសែត កាលពីថ្ងៃពុធថា “ប្រជាជនប្រហែល ៩៥ ភាគរយ ដែលបានស្លាប់ ដោយសារជំងឺកូវីដ ១៩ នៅប្រទេសកូរ៉េខាងត្បូង គឺជាមនុស្សវ័យចំណាស់ ដែលមានអាយុលើសពី ៦០ ឆ្នាំ ខណៈដែលវ៉ាក់សាំងនេះ នឹងជួយបន្ថយហានិភ័យសម្រាប់មនុស្សទាំងនោះ បើទោះជាមាន ព័ត៌មានទាក់ទងនឹង ផលប៉ះពាល់នៃករណីដុំកំណកឈាម នៅប្រទេសមួយចំនួន ក្រោយការចាក់ក៏ដោយ” ។

ប៉ុន្តែលោក Yoon បាននិយាយថា លទ្ធភាពនៃផលប៉ះពាល់ នៃដុំកំណកឈាមគឺ មានទាបជាងប្រសិទ្ធភាព ហើយភាគច្រើនវាអាចព្យាបាលបាន ។

រហូតមកដល់ពេលនេះ ប្រទេសកូរ៉េខាងត្បូង បានចាក់វ៉ាក់សាំងដល់ប្រជាពលរដ្ឋប្រមាណ ៦.៧ ភាគរយ នៃប្រជាជនចំនួន ៥២ លាននាក់ ប៉ុន្តែបានកំណត់គោលដៅ ប្រកបដោយមហិច្ឆតា ក្នុងការចាក់ថ្នាំបង្ការរោគ ដល់ប្រជាជនចំនួន ៧០ ភាគរយនៃប្រជាជនរបស់ខ្លួន នៅត្រឹមខែកញ្ញា ហើយសង្ឃឹមថា ប្រជាជននឹងមានប្រព័ន្ធភាពស៊ាំ គ្រប់គ្រាន់នៅខែវិច្ឆិកា ។

គួរបញ្ជាក់ថា គិតត្រឹមពេលនេះ ប្រទេសកូរ៉េខាងត្បូង មានករណីឆ្លងជំងឺកូវីដ ១៩ សរុប ១២៥,៥១៩ ករណី និងមានអ្នកស្លាប់ ១,៨៥១ នាក់ ខណៈមានអ្នកជាសះស្បើយ ១១៥,៤៩១ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ ចាក់ដូសដំបូងរបស់វ៉ាក់សាំង AstraZeneca និង Pfizer កាត់បន្ថយការចម្លងកូវីដដល់ទៅ ៥០ ភាគរយ

ចុចអាន ៖ អាមេរិក ត្រៀមចែកវ៉ាក់សាំង AstraZeneca ៦០លានដូសដល់ប្រទេសដទៃ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៥ វិនាទី មុន

សេចក្ដីជូនដំណឹងស្ដីពីការដេញថ្លៃការផ្គត់ផ្គង់សម្ភារៈបរិក្ខារពេទ្យ ជូនមន្ទីរពេទ្យព្រះអង្គឌួង ឆ្នាំ ២០២៤

ព័ត៌មានជាតិ៥ នាទី មុន

គ្រួសារជនជាតិភាគតិចមួយនៅភូមិកំភុន ខេត្តស្ទឹងត្រែង អភិរក្សមរតកដូនតាមិនឲ្យបាត់បង់

ព័ត៌មានជាតិ២៤ នាទី មុន

ពាណិជ្ជកម្ម និងវិនិយោគ ជាតម្រូវការក្នុងការជំរុញកិច្ចសហប្រតិបត្តិការរវាងកម្ពុជា និងអាស៊ែបៃហ្សង់

ព័ត៌មានអន្ដរជាតិ៣៤ នាទី មុន

អស្ចារ្យ! អ្នកជំងឺប្តូរក្រលៀនជ្រូក ពេលនេះជាសះស្បើយហើយ

ព័ត៌មានជាតិ៣៦ នាទី មុន

លោក ទេព អស្នារិទ្ធ៖ តួអង្គទាំងអស់ក្នុងវិស័យព័ត៌មាន សុទ្ធតែមានតួនាទីសំខាន់សម្រាប់រួមចំណែកគាំទ្រដល់ការអភិវឌ្ឍវិស័យនេះ

Sokha Hotels

ព័ត៌មានពេញនិយម