ទីបំផុត អាមេរិក អនុញ្ញាតឲ្យចាក់វ៉ាក់សាំង Pfizer សម្រាប់កុមារអាយុពី ១២ ទៅ ១៥ ឆ្នាំ
Connect with us
Helistar Cambodia - Helicopter Charter Services

កូវីដ-១៩

ទីបំផុត អាមេរិក អនុញ្ញាតឲ្យចាក់វ៉ាក់សាំង Pfizer សម្រាប់កុមារអាយុពី ១២ ទៅ ១៥ ឆ្នាំ

បានផុស

នៅ

រដ្ឋបាលចំណីអាហារ និងឪសថអាមេរិក (FDA) បានអនុញ្ញាតឲ្យប្រើប្រាស់ជាបន្ទាន់ នូវវ៉ាក់សាំង Pfizer-BioNTech សម្រាប់មនុស្សពេញវ័យ ដែលមានអាយុពី ១២ ទៅ ១៥ ឆ្នាំ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

FDA បានប្រកាសពីការសម្រេចចិត្តនេះកាលពីថ្ងៃចន្ទ បន្ទាប់ពីបានពិនិត្យទិន្នន័យ សុវត្ថិភាព និងប្រសិទ្ធភាពរបស់វ៉ាក់សាំង Pfizer ពីការសាកល្បងព្យាបាលរបស់ខ្លួន ។

មន្រ្តីជាន់ខ្ពស់របស់ FDA បាននិយាយថា “ការចាក់វ៉ាក់សាំង ដែលត្រូវបានអនុញ្ញាត សម្រាប់ប្រជាជនវ័យក្មេង គឺជាជំហានដ៏សំខាន់មួយ ក្នុងការបន្តកាត់បន្ថយបន្ទុកសុខភាពសាធារណៈដ៏ធំធេង ដែលបណ្តាលមកពីជំងឺរាតត្បាតកូវីដ ១៩” ។

ទន្ទឹមនោះ វ៉ាក់សាំង Pfizer-BioNTech ក៏ត្រូវបានផ្តល់ការអនុញ្ញាតឲ្យប្រើជាបន្ទាន់ នៅសហរដ្ឋអាមេរិក សម្រាប់មនុស្សដែលមានអាយុចាប់ពី ១៦ ឆ្នាំឡើងទៅ ផងដែរ ។

ក្រុមហ៊ុន Pfizer បានដាក់ពាក្យសុំ ការបន្ថែមចាក់វ៉ាក់សាំងរបស់ខ្លួនមួយនេះ កាលពីខែមុន ។ ក្រុមហ៊ុននិយាយថា មិនមានករណីឆ្លង ជំងឺកូវីដ ១៩ ក្នុងចំណោមកុមារ ដែលបានទទួលវ៉ាក់សាំង ក្នុងការសិក្សារបស់ខ្លួននោះទេ ។

បន្ថែមពីនេះ ក្រុមហ៊ុន Pfizer ក៏កំពុងធ្វើការសាកល្បងព្យាបាល លើកុមារដែលមានអាយុ ១១ ឆ្នាំឡើងទៅផងដែរ ។ ក្រុមហ៊ុន និយាយថា គ្រោងនឹងដាក់ពាក្យសុំការអនុញ្ញាត ប្រើប្រាស់ជាបន្ទាន់ សម្រាប់ក្រុមអាយុទាំងនេះនៅក្នុងខែកញ្ញា ។

ស្របពេលជាមួយគ្នានេះ ក្រុមហ៊ុនវ៉ាក់សាំង អាមេរិក ២ ផ្សេងទៀតដូចជា Moderna និង Johnson & Johnson ក៏កំពុងធ្វើតេស្តវ៉ាក់សាំង ការពារជំងឺកូវីដ ១៩ លើកុមាររហូតដល់អាយុ ១៧ ឆ្នាំផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ វ៉ាក់សាំង Pfizer-BioNTech មានប្រសិទ្ធភាពការពារកូវីដស្ទើរតែ ១០០ ភាគរយ ក្រោយចាក់ពេញ ២ ដូស រយៈពេល ២ សប្ដាហ៍

ចុចអាន ៖ កាណាដា​ជាប្រទេសដំបូង​អនុញ្ញាត​វ៉ាក់សាំង​ Pfizer​ សម្រាប់​កុមារ​អាយុ​ ១២ ​ទៅ ​១៥ ​ឆ្នាំ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ខេត្តឧត្ដរមានជ័យ ប្រកាស​រក​ឃើញ​ករណី​កូ​វីដ​-១៩ ចំនួន​០៧​ករណី​បន្ថែម​ទៀត ជា​ករណី​នាំចូល​ពីថៃ​​

កូវីដ-១៩៥ ម៉ោង មុន

​បាត់ដំបង​ថ្ងៃនេះ បន្ត​រក​ឃើញ​អ្នក​វិជ្ជមាន​កូ​វីដ​-១៩ ចំនួន ២៣ នាក់ និង​មាន​អ្នកជា​សះស្បើយ​ចំនួន ២១ នាក់

ព័ត៌មានជាតិ៥ ម៉ោង មុន

បេក្ខជន​ឈរឈ្មោះ​ទាំងអស់​ត្រូវ​តែ​មាន​លក្ខ​ណៈ​សម្បត្តិ និង​ប្រជា​ប្រិយភាព ទាំង​សុខភាព និង​ទាំង​សមត្ថភាព

ព័ត៌មានជាតិ៥ ម៉ោង មុន

រដ្ឋមន្ត្រីការបរទេស​អង់គ្លេស នឹង​បំពេញ​ទស្សនកិច្ច​ផ្លូវការ​រយៈពេល​២​ថ្ងៃ​នៅ​កម្ពុជា

កូវីដ-១៩៥ ម៉ោង មុន

ខេត្ត​សៀមរាប ​រក​ឃើញពលករពីរនាក់​ឆ្លង​កូវីដ១៩ ​បំប្លែងខ្លួន​ថ្មី​ពីឥណ្ឌា​

Sokha Hotels

ព័ត៌មានពេញនិយម

Helistar Cambodia - Helicopter Charter Services