ករណីឆ្លងកូវីដនៅឥណ្ឌា កើនដល់ជិត២៣លាននាក់

នៅថ្ងៃអង្គារនេះ ប្រទេសឥណ្ឌា បានកត់ត្រាការឆ្លងជំងឺកូវីដ-១៩ថ្មីចំនួន ៣២៩,៩៤២ករណី ដែលនាំឲ្យចំនួនសរុបកើនដល់ ២២,៩៩២,៥១៧ករណី។ នេះបើយោងតាមតួលេខដែលចេញផ្សាយដោយក្រសួងសុខាភិបាល។

នេះជាថ្ងៃទីពីរជាប់ៗគ្នាដែលចំនួនករណីប្រចាំថ្ងៃថ្មី ត្រូវបានគេរាយការណ៍ទាបជាង៤០០,០០០ករណី។ កន្លងមក ប្រទេសឥណ្ឌាបានកត់ត្រាករណីឆ្លងជាង ៤០ម៉ឺនករណី ៤ថ្ងៃជាប់គ្នា។

ប្រទេសនេះក៏បានរាយការណ៍ពីការស្លាប់ចំនួន ៣.៨៧៦នាក់ផងដែរ នៅថ្ងៃអង្គារ។ ចាប់តាំងពីថ្ងៃទី២៨ខែមេសាមក ចំនួនអ្នកស្លាប់ប្រចាំថ្ងៃមានលើសពី ៣,០០០នាក់ ដោយនាំឲ្យចំនួនអ្នកស្លាប់សរុបកើនដល់ ២៤៩,៩៩២នាក់។

ឥណ្ឌាជាប្រទេសរងគ្រោះខ្លាំងជាងគេលំដាប់ទី២ បន្ទាប់ពីសហរដ្ឋអាមេរិកដែលមាន ៣២.៧លានករណី និងនាំមុខប្រទេសប្រេស៊ីលដែលមានករណីឆ្លងខ្ពស់បំផុតលំដាប់ទី៣គឺ ១៥.២លាននាក់។ នេះបើយោងតាមសាកលវិទ្យាល័យ Johns Hopkins៕

ប្រែសម្រួលដោយ៖ Vann Vann

ប្រភព៖ CNN

ចុចអាន៖ រាល ដាល ច្រើន ឡើងៗ ហើយ! ប្រទេស រងគ្រោះ ដោយ កូវីដ ខ្លាំង បំផុត ទី ពីរ នៅ អាស៊ី រក ឃើញ វីរុស បំប្លែង ខ្លួន របស់ ឥណ្ឌា