កូវីដ-១៩

រាលដាលច្រើនឡើងៗហើយ! ប្រទេសរងគ្រោះដោយកូវីដខ្លាំងបំផុតទីពីរនៅអាស៊ី រកឃើញវីរុសបំប្លែងខ្លួនរបស់ឥណ្ឌា

បានផុស

៥ years មុន

នៅ

ថ្ងៃអង្គារ ១១ ឧសភា ២០២១

ដោយ

នៅថ្ងៃអង្គារនេះហ្វីលីពីនបានរកឃើញករណីថ្មីនៃវីរុសបំប្លែងខ្លួនរបស់ឥណ្ឌា ចំនួន ២ ករណីដំបូងគេនៅក្នុងប្រទេសខ្លួន។

លោក Alethea De Guzman ប្រធានការិយាល័យជំងឺរាតត្បាតរបស់ក្រសួងបានប្រាប់សន្និសីទសារព័ត៌មានមួយថាវ៉ារ្យង់ថ្មីនេះ ត្រូវបានបញ្ជាក់ទៅលើជនជាតិហ្វីលីពីនពីរនាក់ ដែលបានវិលត្រឡប់មកពីប្រទេសអារ៉ាបរួមនិងអូម៉ង់កាលពីខែមេសា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក De Guzman បាននិយាយថា “យើងត្រូវត្រួតពិនិត្យជាប្រចាំនូវវ៉ារ្យង់ផ្សេងទៀត ដែលយើងអាចរកឃើញនៅក្នុងមូលដ្ឋាន ក៏ដូចជាតាមដានការរីករាលដាលនៃវ៉ារ្យង់ដែលយើងបានរកឃើញរួចហើយ ” ។

ក្នុងគោលបំណងដើម្បីរារាំងការចូលរបស់វ៉ារ្យង់ថ្មីនេះ ប្រទេសហ្វីលីពីនបានហាមឃាត់ជាបណ្ដោះអាសន្នដល់អ្នកដំណើរដែលមកពីប្រទេស ឥណ្ឌា ប៉ាគីស្ថាន ស្រីលង្កា នេប៉ាល់ និងបង់ក្លាដេសមិនឲ្យចូលប្រទេសខ្លួន។

កាលពីពេលថ្មីៗនេះប្រទេសហ្វីលីពីនក៏ធ្លាប់បានកត់ត្រាករណីនៃវ៉ារ្យ៉ង់ថ្មី ដែលត្រូវបានរកឃើញដំបូងនៅក្នុងប្រទេសអង់គ្លេស និងមួយផ្សេងទៀតត្រូវបានរកឃើញនៅអាហ្វ្រិកខាងត្បូងក៏ដូចជាប្រភេទ P.3 ។

ជាមួយនឹងការឆ្លងចំនួន ១.១ លាននាក់និងស្លាប់ចំនួន ១៨,៥៦២ ហ្វីលីពីនមានករណីកូវីដខ្ពស់បំផុតនិងជាប់ចំណាត់ថ្នាក់លេខ ២ នៅអាស៊ីអាគ្នេយ៍៕

ប្រែសម្រួល៖ សាង ស្រីល័ក្ខ

ប្រភព៖bangkokpost

ចុចអាន៖ហ្វីលីពីន លេងធម៌ក្ដៅលើអ្នកដែលពាក់ម៉ាសដាក់ក្រោមចង្កា និងក្រោមច្រមុះ

ចុចអាន៖ហ្វីលីពីន ហាមប្រាមអ្នកធ្វើដំណើរមកពីប្រទេសឥណ្ឌា ពាក់ព័ន្ធកូវីដបំប្លែងខ្លួនថ្មីដែលគេកំពុងភ័យខ្លាច