កូវីដ-១៩

អនុប្រធានពន្ធនាគារកំពង់ឆ្នាំងជាប់ពាក់ព័ន្ធហាងកាហ្វេបឹងកំប្លោក មន្ត្រីពន្ធនាគារទាំងអស់តម្រូវឱ្យប្រមូលផ្តុំ១៤ថ្ងៃ

បានផុស

៥ years មុន

នៅ

ថ្ងៃសុក្រ ១៤ ឧសភា ២០២១

ដោយ

ប្រធានពន្ធនាគារខេត្តកំពង់ឆ្នាំងលោក សក់ តុងហេង នៅថ្ងៃទី១៣ ខែ ឧសភា បានប្រកាសឱ្យមន្ត្រីទាំងអស់ត្រូវប្រមូលកម្លាំង រយៈពេល១៤ថ្ងៃ ដោយមិនអនុញ្ញាតឱ្យចេញក្រៅឡើយ។

ការប្រកាសបែបនេះគឺបន្ទាប់ពី មន្ត្រីពន្ធនាគារ លោក ឈុន ផល្លី អនុប្រធានពន្ធនាគារទទួលផែនប្រតិបត្តិ បានជាប់ពាក់ព័ន្ធហាងកាហ្វេមួយកន្លែងឈ្មោះបឹងកំប្លោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីអនុប្រធានពន្ធនាគាររូបនេះត្រូវបានធ្វើតេស្តរកមេរោគកូវីដ១៩លើកទី១ ទទួលលទ្ធផលអវិជ្ជមាន និងរង់ចាំធ្វើតេស្តលើកទី២ ខណៈបច្ចុប្បន្នកំពុងធ្វើចត្តាឡីស័កនៅផ្ទះរយៈពេល១៤ថ្ងៃ ស្ថិតនៅភូមិត្រោក ឃុំស្រែថ្មី ស្រុក រលាប្អៀរ ខេត្តកំពង់ឆ្នាំង។

រដ្ឋបាលខេត្តកំពង់ឆ្នាំងបានបិទអាហារដ្ឋានបុរី (ហាងកាហ្វេបឹងកំប្លោក) ស្ថិតនៅភូមិធម្មយុត្តិ សង្កាត់ប្អេរ ក្រុងកំពង់ឆ្នាំង កាលពីថ្ងៃទី ១២ ខែឧសភា ក្រោយពីរកឃើញបុគ្គលិក២នាក់ឆ្លងជំងឺកូវីដ១៩។

សេចក្តីជូនដំណឹងរបស់ប្រធានពន្ធនាគារខេត្តកំពង់ឆ្នាំងលោក សក់ តុងហេង តម្រូវឱ្យមន្ត្រីពន្ធនាគារទាំងអស់ត្រូវប្រមូលកម្លាំង រយៈពេល១៤ថ្ងៃដោយមិនអនុញ្ញាតឱ្យចេញក្រៅឡើយ ហើយត្រូវគោរពតាមវិធានការសុខាភិបាលរក្សាគម្លាតពាក់ម៉ាស់លាងដៃជាប្រចាំ៕