កូវីដ-១៩

គិតត្រឹមម៉ោង ២ រសៀលនេះ ខេត្តចំនួន ៣ ប្រកាសតួលេខអ្នកឆ្លងមុនគេ

បានផុស

៥ years មុន

នៅ

ថ្ងៃអង្គារ ១៨ ឧសភា ២០២១

ដោយ

ខេត្តចំនួន ០៣ បានប្រកាសតួលេខអ្នកឆ្លងនៅថ្ងៃនេះ ដែលមានខេត្តកំពង់ចាម ខេត្តព្រៃវែង និងខេត្តតាកែវ។

ខេត្តកំពង់ចាម រកឃើញករណីវិជ្ជមានថ្មី ០៥នាក់ នៅក្រុងកំពង់ចាម ស្រុកបាធាយ និងមកពីភ្នំពេញ។ បើតាមការបញ្ជាក់របស់អាជ្ញាធរ នៅថ្ងៃទី ១៧ ខែឧសភា ឆ្នាំ ២០២១ រដ្ឋបាលខេត្តកំពង់ចាមបានធ្វើសំណាកអ្នកសង្ស័យចំនួន ១៦៩ នាក់ ហើយលទ្ធផលមានអ្នកវិជ្ជមានចំនួន ០៥ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សទាំង ០៥នាក់ គឺនៅស្រុកបាធាយ ០១នាក់, ស្រុកចំការលើ ០១នាក់ (ពលករមកពីថៃ), ក្រុងកំពង់ចាម ០១នាក់ និងស្រុកកំពង់សៀម ០២នាក់ (មកពីភ្នំពេញ)។

ដោយឡែកនៅខេត្តព្រៃវែង រកឃើញករណីវិជ្ជមានថ្មីចំនួន ០៦នាក់ ដែលជាករណីឆ្លងមកពីបណ្តារាជធានីខេត្ត និងអ្នកមកពីក្រៅប្រទេស ក្នុងនោះ ០៣ នាក់នៅរាជធានីភ្នំពេញ ០១ នាក់ នៅខេត្តត្បូងឃ្មុំ និង ០២ នាក់មកពីថៃ។

ខេត្តជង្រុកស្រូវដ៏ធំគិតមកដល់ថ្ងៃ ១៧ ឧសភា នេះ តួលេខអ្នកឆ្លងសរុបចំនួន ១៨៨ នាក់ អ្នកជាសះស្បើយ ១០១ នាក់ អ្នកកំពុងសម្រាកព្យាបាល ៨៤ នាក់ និងស្លាប់ ០៣នាក់។

ចំណែកខេត្តតាកែវនៅខាងត្បូងរាជធានីភ្នំពេញ ប្រកាសមានអ្នកឆ្លងថ្មីចំនួន ៤៨នាក់ ជាករណីឆ្លងក្នុងសហគមន៍។ អ្នកវិជ្ជមានជំងឺកូវីដ-១៩ទាំង៤៨នាក់នោះមាន អាជីវករ កសិករ កុមារ និងកម្មករកម្មការិនីរោងចក្រ។

គួរបញ្ជាក់ថា នៅថ្ងៃនេះក្រសួងសុខាភិបាលបានប្រកាសមានអ្នកឆ្លងថ្មី ៣៤៥ នាក់ ការឆ្លងក្នុងសហគមន៍ចំនួន ៣៤៤ នាក់ និងអ្នកដំណើរមកពីបរទេស ០១ នាក់៕

Related Topics:កូវីដ-១៩

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា