ស្មានថាស្លាប់! ស្រ្តីឥណ្ឌាកើតកូវីដ រៀបនឹងគេបូជាទៅហើយ ចេះដឹងខ្លួនវិញទាន់

វាជារឿងរ៉ាវមិនគួរឲ្យជឿមួយ ដែលស្ត្រីវ័យចំណាស់ម្នាក់នៅក្នុងប្រទេសឥណ្ឌា សឹងតែនឹងត្រូវគេដុតទាំងរស់ទៅហើយ បន្ទាប់ពីក្រុមគ្រួសាររបស់គាត់ យល់ច្រឡំថាគាត់ស្លាប់ ហើយបានរៀបចំពិធីបូជា។

ស្ត្រីដែលត្រូវបានគេស្គាល់ឈ្មោះ Shakuntala Gaikwad បានធ្វើតេស្តវិជ្ជមានជំងឺកូវីដ-១៩ កាលពីសប្តាហ៍មុន។

គេហទំព័រ Yahoo បានរាយការណ៍ថា ក្រុមគ្រួសារបាននាំគាត់ទៅមន្ទីរពេទ្យ Silver Jubilee ក្នុងទីក្រុង Baramati ប៉ុន្តែនៅពេលមន្ទីរពេទ្យគ្មានកន្លែងដាក់ ពួកគេក៏នាំគាត់មកវិញ។

នៅពេលពួកគេរង់ចាំឡានពេទ្យ គាត់បានសន្លប់ ហើយក្រុមគ្រួសារគិតថាគាត់ស្លាប់ និងបានរៀបចំដើម្បីបូជា។

ប៉ុន្តែនៅពេលសពរៀបនឹងដុតទៅហើយ Shakuntala បានភ្ញាក់ដឹងខ្លួន ជាមួយនឹងភាពភ័យស្លន់ស្លោ ហើយចាប់ផ្តើមយំ។ ក្រោយមក គាត់ត្រូវបានបញ្ជូន ទៅមន្ទីរពេទ្យម្តងទៀតដើម្បីមើលជំងឺ។

គួរបញ្ជាក់ថា កាលពីឆ្នាំមុន ក្រសួងសុខាភិបាលរបស់ប្រទេសឥណ្ឌា បានបញ្ចេញគោលការណ៍ណែនាំសម្រាប់ការបូជាសពដែលបានស្លាប់ដោយសារជំងឺកូវីដ-១៩ ដោយវិធានការពិសេស ត្រូវបានណែនាំដើម្បីចៀសវាងការឆ្លងរោគ៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ ប្រជាជនចោទថា បណ្តាញ 5G ធ្វើឲ្យ ឥណ្ឌា ផ្ទុះកូវីដរលកទី២ ពេលនេះរដ្ឋាភិបាលចេញមុខបញ្ជាក់ច្បាស់ៗ