កូវីដ-១៩

រដ្ឋបាលរាជធានីភ្នំពេញ សម្រេចដកចេញ តំបន់ក្រហម ទុកតែតំបន់លឿង និងលឿងទុំ

បានផុស

៥ years មុន

នៅ

ថ្ងៃពុធ ១៩ ឧសភា ២០២១

ដោយ

រដ្ឋបាលរាជធានីភ្នំពេញ នៅថ្ងៃទី ១៩ ខែឧសភានេះ បានប្រកាសដកចេញតំបន់ក្រហមទូទាំងរាជធានីភ្នំពេញ ដោយទុកតែតំបន់លឿង និងលឿងទុំ ក្នុងវិធានការទប់ស្កាត់ការឆ្លងរាលដាលជំងឺកូវិដ១៩ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីសម្រេចនេះ អនុវត្តចាប់ពីម៉ោងសូន្យយប់នេះតទៅ។ យ៉ាងណាការកំណត់តំបន់លឿង និងលឿងទុំ ត្រូវបន្តអនុវត្តរហូតដល់ថ្ងៃទី ២៦ ខែឧសភា នៅផ្នែកខ្លះក្នុងរាជធានីភ្នំពេញ។

តំបន់ដែលត្រូវបន្តដាក់ជាតំបន់លឿងទុំមានដូចជា ផ្នែកខ្លះនៃភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ ភូមិ២៣ នៃសង្កាត់បឹងកក់ទី២ ខណ្ឌទួលគោក ភូមិត្រពាំងថ្លឹង១ ភូមិត្រពាំងថ្លឹង២ ភូមិត្រពាំងថ្លឺង៤ និងភូមិទួលពង្រ នៃសង្កាត់ចោមចៅទី១ ខណ្ឌពោធិ៍សែនជ័យ ផ្នែកខ្លះនៃភូមិចុងខ្សាច់ និងផ្នែកខ្លះនៃភូមិបាក់ទូក នៃសង្កាត់ទូលសង្កែទី១ ខណ្ឌឬស្សីកែវ និងផ្នែកខ្លះនៃភូមិ ៥ នៃសង្កាត់ស្ទឹងមានជ័យទី២ និងផ្នែកខ្លះនៃភូមិដំណាក់ធំ២ ផ្នែកខ្លះនៃភូមិដំណាក់ធំ៣ និងផ្នែកខ្លះនៃភូមិទ្រា៤ ក្រៅពីនេះ គឺតំបន់លឿងទាំងអស់៕