អាជ្ញាធរបញ្ជាក់គោលដៅបិទខ្ទប់នៅរោងចក្រ QMI ក្រោយរកឃើញកម្មករវិជ្ជមានជាង ៣០០ នាក់

លោក សៅ សារិន មេភូមេភូមិត្រពាំងពោធិ៍ សង្កាត់ចោមចៅទី ៣ បានប្រាប់កម្ពុជាថ្មីឱ្យដឹងថា ការបិទខ្ទប់ប្លុកចំនួន​២កន្លែង នៅ​ភូមិត្រពាំងពោធិ៍ និងព្រៃព្រីងខាងជើង២ ដោយសាររោងចក្រ QMI ផ្ទុះវិជ្ជមាន កូវីដ១៩​ដែល​មាន​កម្មកររោងចក្រ ចំនួន ៣ ៨៨០ នាក់ បានយកសំណាក ប៉ុន្តែរកឃើញ ចំនួន ៣០២ នាក់។

លោកប្រាប់ថា ការបិទខ្ទប់គឺធ្វើឡើងចំនួន ២ គោលដៅ ដែលជាកន្លែងកម្មកររស់នៅ។ បើតាមមេភូមិត្រពាំងពោធិ៍ កម្មកររោងចក្រភាគច្រើន រស់នៅ ភូមិព្រៃទា ជម្ពូវន្ត និងភូមិចាក់ជ្រូក ដែលភាគច្រើនធ្វើការនៅរោងចក្រ QMI។

លោកប្រាប់ថា “បិទប្លុកដែលកម្មកររស់នៅ ឧទាហរណ៍ថា ភូមិត្រពាំងពោធិ៍ របស់ខ្ញុំមាន ៨០០ គ្រួសារ ដូច្នេះបិទតែចំនួនតែ ៤០០ គ្រួសារទេ”។

អាជ្ញាធរបានរកឃើញកម្មកររោងចក្របម្រើការងារនៅ QMI ស្ថិតក្នុងភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ វិជ្ជមានចំនួន៣០២នាក់។

បច្ចុប្បន្នទីតាំងរោងចក្រខាងលើ និងផ្សារត្រពាំងពោធិ៍ដែលទីតាំងក្បែរគ្នាត្រូវបានអាជ្ញាធរសម្រេចបិទខ្ទប់ជាបណ្ណោះអាសន្នរយៈពេល១៤ ថ្ងៃដើម្បីទប់ស្កាត់ការឆ្លងរីករាលដាលនៃជំងឺកូវីដ១៩៕

ដោយ សុខា