កូវីដ-១៩

មនុស្សពីរនាក់ ដេកស្លាប់ក្នុងផ្ទះដោយសារជំងឺកូវីដនៅកន្លែងផ្សេងគ្នាក្នុងសង្កាត់ស្ទឹងមានជ័យ២

បានផុស

៥ years មុន

នៅ

ថ្ងៃសៅរ៍ ១០ កក្កដា ២០២១

ដោយ

ភ្នំពេញ ៖ មនុស្សពីរនាក់ដែលរស់នៅក្នុងសង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញបានដេកស្លាប់ក្នុងផ្ទះលុះដល់ក្រុមគ្រូពេទ្យចុះទៅយកសំណាកសព ជាលទ្ធផលគឺវិជ្ជមានកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីរាយការណ៍ពីលោក សេង វ៉ាន់ថា ចៅរងទី១សង្កាត់ស្ទឹងមានជ័យទី២បានឲ្យកម្ពុជាថ្មីដឹងថា នៅវេលាម៉ោង១៦និង៣០នាទីរសៀល ថ្ងៃទី១០ ខែកក្កដានេះនៅចំណុចផ្ទះគ្មានលេខក្រុម៤ភូមិដំណាក់ធំ៤ សង្កាត់ស្ទឹងមានជ័យ២ ខណ្ឌមានជ័យមានស្ត្រីម្នាក់ឈ្មោះ កុយ ណារ៉េត អាយុ៥៩ឆ្នាំបានដេកស្លាប់ក្នុងផ្ទះហើយ ខណៈនោះអាជ្ញាធរបានរាយការណ៍ទៅក្រុមគ្រូពេទ្យឲ្យមកពិនិត្យសំណាកសពក៏ស្រាប់តែវិជ្ជមានកូវីដ១៩។

លោក សេង វ៉ាន់ថា បានបញ្ជាក់ទៀតថា លុះដល់ម៉ោង១៨និង២០នាទីយប់ថ្ងៃទី១០ខែកក្កដានេះដែរនៅចំណុចផ្ទះគ្មានលេខក្រុមទី៤ភូមិដំណាក់ធំ៤សង្កាត់ស្ទឹងមានជ័យទី២មានមនុស្សស្លាប់ម្នាក់ទៀតឈ្មោះ លឹម ចាប អាយុ ៩០ឆ្នាំ ហើយក្រុមគ្រូពេទ្យបានចុះមកពិនិត្យសំណាកសពគឺលទ្ធផលវិជ្ជមានកូវីដ១៩ផងដែរ។

ហើយផ្ទះសពទាំងពីរ គឺស្ថិតក្នុងក្រុមនិងភូមិជាមួយគ្នាទៀតផង។ លោកចៅរងទី១សង្កាត់ស្ទឹងមានជ័យទី២បានបន្តថា ខណៈនេះមានអ្នកពាក់ព័ន្ធជាច្រើនជាមួយសពហើយគ្រូពេទ្យនិងបន្តយកសំណាក។ ក្នុងនោះក៏តម្រូវឲ្យធ្វើចត្តាឡីស័កចំនួន១៤ថ្ងៃចំពោះអ្នករស់នៅក្នុងផ្ទះជាមួយសពទាំងពីរ៕

ដោយ ៖ នរា