ស្ត្រីម្នាក់ពាក់ព័ន្ធអ្នកវិជ្ជមានកូវីដ-១៩ នៅភូមិរួតចំបុី ត្រូវបានអាវុធហត្ថឃាត់ខ្លួន

ឧត្តរមានជ័យ៖ កម្លាំងអាវុធហត្ថស្រុកអន្លង់វែងចំនួន០៣នាក់ ដឹកនាំដោយលោក វរសេនីយ៍ទោ ងួន ទ្ធីរិទ្ធ មេបញ្ជាការ អាវុធហត្ថស្រុក បានឃាត់ខ្លួនស្ត្រីម្នាក់ នៅវេលាម៉ោង០៧ និង២៩នាទីយប់ ថ្ងៃទី០១ ខែសីហា ឆ្នាំ២០២១។ ស្ត្រីនោះឈ្មោះ វឿន ស្រីម៉ៅ ភេទស្រី អាយុ២៣ឆ្នាំ បច្ចុប្បន្នរស់នៅភូមិសហគ្រាន់ ឃុំចំការអណ្តូង ស្រុកចំការលើ ខេត្តកំពង់ចាម។

មូលហេតុ នៅព្រឹកថ្ងៃទី០១ ខែសីហា ឆ្នាំ២០២១ ឈ្មោះ វឿន ស្រីម៉ៅ បានចេញពីបន្ទប់ជួលដែលមានអ្នកវិជ្ជមានកូវីដ-១៩ នៅភូមិរួតចំប៉ី សង្កាត់អូរស្មាច់ ក្រុងសំរោង ខេត្តឧត្តរមានជ័យ លុះដល់ម៉ោង ៧ និង៣៣នាទីយប់ ថ្ងៃខែដដែល សមត្ថកិច្ច អាវុធហត្ថស្រុកអន្លង់វែង បានធ្វើការឃាត់ខ្លួន នៅចំណុចស្ពានអូរជីក (ស្ពានថ្មតាម៉ុក) ភូមិអូរជញ្ចៀន ឃុំស្រុកអន្លង់វែង ស្រុកអន្លង់វែងតែម្តង។

បច្ចុប្បន្ន សមត្ថកិច្ចបានបញ្ជូននារីខាងលើទៅមណ្ឌលចត្តាឡីស័កទួលថ្មី ស្ថិតនៅក្នុងភូមិទួលថ្មី ឃុំថ្លាត ស្រុកអន្លង់វែង ខេត្តឧត្តរមានជ័យ៕

អត្ថបទ៖ ចាន់ ធី