រកឃើញពលករមកពីប្រទេសថៃ និងប្រជាពលរដ្ឋក្នុងខេត្ត វិជ្ជមានកូវីដ-១៩ ២០២នាក់

ខេត្តបន្ទាយមានជ័យ៖ រដ្ឋបាលខេត្តបន្ទាយមានជ័យបានប្រកាសរកឃើញអ្នកវិជ្ជមានកូវីដ-១៩ លើពលករមកពីប្រទេសថៃ និងប្រជាពលរដ្ឋរស់ក្នុងខេត្តបន្ទាយមានជ័យ មានអ្នកវិជ្ជមានកូវីដ-១៩ ចំនួន២០២នាក់ តាមរយៈការធ្វើតេស្តរហ័ស (Rapid Test) ដែលភាគច្រេីនជាពលករដែលទេីបត្រឡប់មកពីប្រទេសថៃ ក្នុងនោះក៏មានអ្នកជាសះស្បើយចំនួន១០៩នាក់ផងដែរ។ នេះបើតាមសេចក្តីប្រកាសព័ត៌មាន ដែលទួលបាននៅរសៀលថ្ងៃទី២ ខែសីហា ឆ្នាំ២០២១។

រដ្ឋបាលខេត្តបានជម្រាបជូនបងប្អូនប្រជាពលរដ្ឋ និងសាធារណៈជនដែលបានប៉ះពាល់ដោយផ្ទាល់ ដោយប្រយោលជាមួយពលករ និងប្រជាពលរដ្ឋ អ្នកវិជ្ជមានជំងឺកូវីដ-១៩ ចំនួន២០២នាក់ សូមរួសរាន់មកជួបក្រុមគ្រូពេទ្យ និងធ្វើចត្តាឡីស័ក ដើម្បីយកសំណាកទៅពិនិត្យ ក្នុងនោះសូមរួសរាន់ធ្វើចត្តាឡីស័កតាមផ្ទះក្នុងក្រុមគ្រួសាររៀងៗខ្លួន ដោយមិនត្រូវពាក់ព័ន្ធនឹងប៉ះពាល់ជាមួយអ្នកដទៃដាច់ខាត។

ក្នុងករណីមានការប្រែប្រួលសុខភាពមិនប្រក្រតីដូចជាឡើងកំដៅលើសពី៣៧អង្សាសេ ក្អក កណ្ដាស ហៀរសំបោរ ឈឺបំពង់ក មានការថប់ដង្ហើមជាដើម ត្រូវប្រញាប់ទំនាក់ទំនងទៅក្រុមឆ្លើយតបបន្ទាន់នៃមន្ទីរសុខាភិបាលរដ្ឋបាលខេត្ត ឬមន្ទីរពេទ្យខេត្ត ក្រុងស្រុក ឬមណ្ឌលសុខភាព ឃុំសង្កាត់ និងអាជ្ញាធរមូលដ្ឋានជាដើម៕

អត្ថបទ៖ វ៉ាន់ ណាង​