កូវីដ-១៩

ពុំមានបិទទីតាំងអគ្គិសនីនោះទេ បើទោះបីជាមានអ្នកវិជ្ជមានកូវីដដែលតាម្នាក់ក៏ដោយ

បានផុស

៥ years មុន

នៅ

ថ្ងៃអង្គារ ២៤ សីហា ២០២១

ដោយ

ភ្នំពេញ ៖ អាជ្ញាធរខណ្ឌដូនពេញបានបញ្ជាក់នៅព្រលប់ថ្ងៃទី២៤ ខែសីហា ឆ្នាំ២០២១ នេះថា ចំពោះអគ្គិសនីកម្ពុជា ដែលមានអ្នកពាក់ព័ន្ធវិជ្ជមានកូវីដ១៩ ជំងឺបម្លែងថ្មីDeltaនោះគឺត្រូវបានបញ្ជូនទៅព្យាបាលហើយ ចំណែកអ្នកដែលពាក់ព័ន្ធប្រយោល គឺត្រូវបានធ្វើចត្តាឡីស័កគោរពតាមបទបញ្ជារបស់ក្រសួងសុខាភិបាល គឺមិនមានបិទនៅទីតាំងនោះឡើយ ដោយទីតាំងនោះត្រូវបាញ់ថ្នាំសម្លាប់មេរោគ ហើយតម្រូវឲ្យអ្នកជំនាញផ្សេងទៀតមកបន្តការងារនេះ ដើម្បីគ្រប់គ្រងអគ្គិសនីបន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ថា ក្រុមគ្រូពេទ្យធីតា(Tyda) កាលពីព្រឹកថ្ងៃទី២៤ ខែសីហា ឆ្នាំ២០២១នេះ បានចុះយកសំណាកនៅអគ្គិសនីកម្ពុជា ដែលមានទីតាំងនៅអាគារខាងនៅផ្លូវលេខ៩៤វត្តភ្នំជាលទ្ធផលឃើញវិជ្ជមានជំងឺកូវីដបម្លែងថ្មីDeltaម្នាក់ បញ្ជូនទៅព្យាបាលផងដែរ។

អាជ្ញាធរមូលដ្ឋានបានឲ្យដឹងថា គ្រូពេទ្យធីតាបានចុះមកយកសំណាកលើមន្ត្រីធ្វើការនៅអគ្គិសនីកម្ពុជានាព្រឹកនេះ មានចំនួន១១នាក់ ក្នុងនោះស្រីម្នាក់ដោយរកឃើញវេជ្ជមានDetaម្នាក់ភេទប្រុស។

ដូច្នេះហើយអាជ្ញាធរក៏ដូចជាក្រុមគ្រូពេទ្យប្រកាសឲ្យឲ្យអ្នកទាំងអស់គ្នាដែលប៉ះពាល់ផ្ទាល់ឬប្រយោលចូលតាមដានសុខភាពរបស់ខ្លួនក្នុងរយៈពេល២១ថ្ងៃដើម្បីសុវត្ថិភាពនិងសូមពាក់ម៉ាស់រក្សាគម្លាតនឹងឧស្សាហ៍លាងសម្អាតដៃគ្រប់ទីកន្លែងនិងគ្រប់ពេលវេលា៕

ដោយ ៖ រស្មី