កូវីដ-១៩
ការធ្វើតេស្តគ្រូនៅភ្នំពេញបានបញ្ចប់ រកឃើញវិជ្ជមានកូវីដ-១៩ជាង ១០នាក់
ការយកសំណាករកជំងឺកូវីដ-១៩ ដល់លោកគ្រូអ្នកគ្រូប្រមាណ ៧ពាន់នាក់ នៅរាជធានីភ្នំពេញត្រូវបានបិទបញ្ចប់ កាលពីល្ងាចថ្ងៃទី១១ ខែតុលានេះ ដោយលទ្ធផលរកឃើញមានវិជ្ជមានជំងឺកូវីដ-១៩ ជាង១០នាក់។
លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡា បានឱ្យដឹងនៅព្រឹកថ្ងៃទី១២ ខែតុលានេះថា ការធ្វើតេស្តលោកគ្រូអ្នកគ្រូនៅរាជធានីភ្នំពេញរយៈពេល៣ថ្ងៃ គឺថ្ងៃទី៨ ទី៩ និងទី១១ ត្រូវបានបិទបញ្ចប់ ក្នុងចំណោមគ្រូចាប់ពីថ្នាក់ទី៧ ដល់ថ្នាក់ទី១២ ប្រមាណ ៦,៩៥៧ នាក់ ដោយបានរកឃើញមានវិជ្ជមានជំងឺកូវីដ-១៩ ចំនួន ១២ នាក់។
លោកបានបន្តថា ចំណែកគ្រូដែលនៅសល់ ៤៣ នាក់ទៀត មិនបានមកធ្វើតេស្តទេ ដោយសារគ្រូមួយចំនួនជាប់ធ្វើមាតុភាព និងគ្រូខ្លះមិនត្រូវមកបង្រៀនទេ។
លោកបានបន្តទៀតថា លោកគ្រូអ្នកគ្រូដែលឆ្លងជំងឺកូវីដ-១៩ ទាំង ១២ នាក់ ក្នុងនោះមាន ១១ នាក់បានស័គ្ម្រចិត្តធ្វើការព្យាបាលជំងឺនៅតាមផ្ទះ ដោយសារស្ថានភាពជំងឺរបស់ពួកគាត់មានកម្រិតស្រាល។ ចំណែកគ្រូ ១ នាក់ទៀតបានស្នើសុំទៅព្យាបាលនៅមណ្ឌលព្យាបាល ដោយសារគាត់មានបញ្ហាសុខភាពផ្ទាល់ខ្លួន។
លោកប្រធានមន្ទីរអប់រំខាងលើ បានឱ្យដឹងទៀតថា សាលារាជធានីភ្នំពេញបានផ្តល់ឧបករណ៍តេស្តចំនួន ៧.៣០០ តេស្តសម្រាប់ធ្វើតេស្តដល់គ្រូចាប់ពីថ្នាក់ទី៧ ដល់ទី១២ ចំនួន ៧០០០ នាក់ មុនអនុញ្ញាតឱ្យពួកគាត់ចូលបង្រៀន។ ចំណែកសាលាឯកជនក៏តម្រូវធ្វើតេស្តដល់គ្រូដែរ តែសាលានីមួយៗត្រូវទិញឧបករណ៍តេស្តសម្រាប់ធ្វើតេស្តដោយខ្លួនឯង។
បើតាមលោក ហែម ស៊ីណារ៉េត បានបញ្ជាក់ថា សាលាឯកជនចាប់ពីថ្នាក់ទី៧ ដល់ថ្នាក់ទី១២ មានគ្រូបង្រៀនប្រមាណជាង ៨៧០ នាក់ បង្រៀននៅតាមសាលាជាង ១០០ សាលា បានធ្វើតេស្តរួចរាល់ហើយ ដោយលទ្ធផលគឺអវិជ្ជមានជំងឺកូវីដ-១៩ទាំងអស់៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង