កូវីដ-១៩
ខេត្តកំពត ពុំមានករណីឆ្លងជំងឺកូវីដ-១៩ ច្រើន ខណៈវិធានការចាក់វ៉ាក់សាំង នៅតែបន្ត
ខេត្តកំពត៖ ប្រធានមន្ទីរសុខាភិបាលខេត្តកំពត លើកឡើងថា បើទោះជានៅតាមតំបន់ភូមិសាស្ត្រខេត្តក្រុងមួយចំនួនមានការរីករាលដាលជំងឺកូវីដ-១៩ (អូមីក្រុង) ប៉ុន្តែសម្រាប់ខេត្តកំពត ហាក់ពុំមានការចម្លងធ្ងន់ធ្ងរនោះទេ ខណៈការចាក់វ៉ាក់សាំងកូវីដ-១៩ នៅតែបន្តសកម្មភាពចាក់ជូនប្រជាពលរដ្ឋនៅគ្រប់មូលដ្ឋាន ក្នុងស្រុក ក្រុង ទាំង៩ នៃខេត្តកំពត។
លោក ញា ប៊ុននថន ប្រធានមន្ទីរសុខាភិបាលខេត្តកំពត នៅថ្ងៃទី១៦ ខែកុម្ភៈ ឆ្នាំ២០២២ មានលើកឡើងថា បច្ចុប្បន្នផ្នែកផ្តល់សេវាសុខាភិបាលបានធ្វើការផ្សព្វផ្សាយដល់សាធារណជន ពិសេសប្រជាពលរដ្ឋតាមសហគមន៍នានាទូទាំងខេត្ត ដើម្បីឱ្យពួកគាត់មកទទួលការចាក់វ៉ាក់សាំងការពារជំងឺកូវីដ-១៩ ជាបន្តបន្ទាប់ ចាប់ពីដូសទី១ រហូតដល់ដូសទី៤។
លោកបានបន្ថែមថា បន្ទាប់ពីទទួលការចាក់វ៉ាក់សាំងបានគ្រប់ដូសនៅទូទាំងខេត្តកំពត ធ្វើឱ្យការរាតត្បាតជំងឺកូវីដ-១៩ មានការថយចុះយ៉ាងគំហុក ហើយបើគិតត្រឹមថ្ងៃទី១៥ ខែកុម្ភៈ ឆ្នាំ២០២២ ម្សិលមិញ មានករណីអ្នកឆ្លងជំងឺកូវីដ-១៩ ប្រភេទ អូមីក្រុង ត្រឹមតែ ២១ ករណី ដែលជាកម្រិតស្រាលៗ ដោយអ្នកជំងឺភាគច្រើនបានជាសះស្បើយជាបន្តបន្ទាប់។លើសពីនេះ មន្ត្រីជំនាញសុខាភិបាល នៅតែបន្តផ្សព្វផ្សាយដល់សាធារណជនប្រជាពលរដ្ឋមកបន្តចាក់វ៉ាក់សាំងកូវីដ-១៩ ចាប់ពីដូសទី១ ដូសទី២ ដូសទី៣ និងដូសទី៤ នៅគ្រប់មន្ទីរពេទ្យបង្អែក និងមណ្ឌលសុខភាពនៅគ្រប់បណ្តាស្រុក ក្រុង ទូទាំងខេត្តកំពត។
ទោះជាបែបណា លោកប្រធានមន្ទីរសុខាភិបាល នៅតែបន្តជំរុញដល់ប្រជាពលរដ្ឋ ត្រូវមានការអនាម័យជាប្រចាំ គឺហូបស្អាត ផឹកស្អាត និងអនុវត្តវិធានការរបស់ក្រសួងសុខាភិបាល ៣កុំ ៣ការពារ ជាប្រចាំ៕
អត្ថបទ៖ សេង ណារិទ្ធ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២៣ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល