ជីវិតកម្សាន្ដ

ចាប់ខ្លួនតារាចម្រៀងរ៉េបកូរ៉េ D.Ark ពីបទប្រើប្រាស់ និងចែកចាយកញ្ឆា

បានផុស

៦ ខែ មុន

នៅ

ថ្ងៃពុធ ២៩ តុលា ២០២៥

ដោយ

យោងតាមរបាយការណ៍របស់ NewDaily កាលពីថ្ងៃអង្គារទី២៨ តុលា តារាចម្រៀងរ៉េប D.Ark ត្រូវបានចាប់ខ្លួន ពីបទចែកចាយ និងប្រើប្រាស់កញ្ឆា។ ប៉ុស្តិ៍ប៉ូលិស Mokpo បានចេញដីកាចាប់ខ្លួនលើឈ្មោះ Jin Yulin ដែលពេលនេះ កំពុងស្ថិតក្រោមការស៊ើបអង្កេតពីបទរំលោភលើច្បាប់ត្រួតពិនិត្យគ្រឿងញៀន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

D.Ark ត្រូវគេរាយការណ៍ថា បានបដិសេធការចោទប្រកាន់នេះចោលទាំងស្រុង។ ស្របពេលដែល អ្នកតំណាងម្នាក់មកពីភ្នាក់ងាររបស់គាត់បានប្រាប់ប្រព័ន្ធផ្សព្វផ្សាយក្នុងស្រុកថា ការត្រួតពិនិត្យគ្រឿងញៀនបឋមបានផ្តល់លទ្ធផលអវិជ្ជមាន។ បច្ចុប្បន្នភ្នាក់ងារកំពុងរង់ចាំលទ្ធផលនៃការវិភាគលម្អិតបន្ថែមទៀត។

កើតនៅឆ្នាំ ២០០៤ នៅ Yanji ដែលជាទីក្រុងមួយក្នុងខេត្តស្វយ័តកូរ៉េ Yanbian នៃប្រទេសចិន D.Ark មានដើមកំណើតកូរ៉េ-ចិន។ គាត់បានក្លាយជាមនុស្សល្បីល្បាញតាមរយៈការបង្ហាញខ្លួននៅក្នុងកម្មវិធី Mnet’s hip-hop ដូចជា “Show Me the Money 777” (២០១៨), “Show Me the Money 9” (២០២០) និង “High School Rapper 4” (២០២១។

ថ្មីៗនេះ គាត់បានចេញបទចម្រៀងឌីជីថលមួយដែលមានចំណងជើងថា «She’s Gone» ដែលមានតារាចម្រៀងរ៉េប BE’O ចូលរួម។

ទោះជាយ៉ាងណាក៏ដោយ ក្រោមច្បាប់ត្រួតពិនិត្យគ្រឿងញៀនរបស់ប្រទេសកូរ៉េ អ្នកដែលត្រូវបានផ្តន្ទាទោសពីបទប្រើប្រាស់គ្រឿងញៀនខុសច្បាប់អាចប្រឈមមុខនឹងការជាប់ពន្ធនាគាររហូតដល់ ១០ ឆ្នាំ ឬពិន័យជាប្រាក់រហូតដល់ ១០០លានវ៉ុន (៧០,០០០ ដុល្លារ)។ អ្នកដែលពាក់ព័ន្ធនឹងការចែកចាយ ការលក់ ឬការសម្របសម្រួលគ្រឿងញៀនអាចប្រឈមមុខនឹងការជាប់ពន្ធនាគារអស់មួយជីវិត ឬយ៉ាងតិចប្រាំឆ្នាំ៕