April Fool’s Day! Ranngo ប្រកាសចង់បញ្ចប់អាជីពសិល្បៈ ធ្វើឱ្យអ្នកគាំទ្រវែកញែកចង់ដឹង ពិត ឬមិនពិត

អ្នកនិយមតាមដានវិស័យចម្រៀងរ Hip Hop មានការភ្ញាក់ផ្អើលយ៉ាងខ្លាំង បន្ទាប់ពីតារាចម្រៀងរ៉េប Ranngo ប្រកាសថា អាចនឹងបញ្ចប់អាជីពសិល្បៈត្រឹមនេះ ហើយវិលត្រឡប់ទៅរស់នៅជីវិតបែបសាមញ្ញវិញ។ តើនោះជាការពិត ឬទេ?

នៅថ្ងៃ April Fools’ Day

ក្នុងខ្លឹមសារដែលបានបង្ហោះ Ranngo បានបញ្ជាក់ថា បទចម្រៀងចុងក្រោយដែលបានចេញថ្មីៗនេះ អាចជាការបញ្ចប់អាជីពរបស់ខ្លួន ខណៈដែលលោកក៏បានបង្ហាញអារម្មណ៍នឿយហត់ និងអរគុណដល់អ្នកគាំទ្រទាំងអស់ដែលតែងតែគាំទ្ររូបលោកកន្លងមកផងដែរ។

តែយ៉ាងណា បើក្រឡេកមើលពាក្យគន្លឹះ (hushtag) ហើយស្របពេលនឹងថ្ងៃ April Fools’ Day ផងនោះ សាធារណជនភាគច្រើន បានសន្មត់ថា ការប្រកាសនេះអាចជាការលេងសើច (Prank) ប៉ុណ្ណោះ មិនមែនជាការសម្រេចចិត្តពិតប្រាកដឡើយ។

ជាក់ស្តែង ក្រោយការបង្ហោះនេះ អ្នកគាំទ្រជាច្រើនបានចូលទៅបញ្ចេញមតិព្រោងព្រាត ដោយមួយភាគបង្ហាញការសោកស្តាយ ប្រសិនបើជាការពិត ខណៈមួយចំនួនផ្សេងទៀតវិញយល់ថា នេះគ្រាន់តែជាការលេងសើចតាមបែបថ្ងៃបោកប្រាស់ប៉ុណ្ណោះ។

គួរបញ្ជាក់ថា Ranngo គឺជាតារាចម្រៀងរ៉េបវ័យក្មេងមួយរូប ដែលកំពុងទទួលបានការចាប់អារម្មណ៍ក្នុងសហគមន៍ Hip Hop កម្ពុជា បន្ទាប់ពីការចូលរួមប្រកួត និងបង្ហាញសមត្ថភាពលើឆាកតន្ត្រីកន្លងមក។ ដូច្នេះហើយ ការប្រកាសបែបនេះ ទោះជាពិត ឬមិនពិត ក៏បានបង្កការវែកញែកយ៉ាងក្តៅគគុកក្នុងចំណោមអ្នកគាំទ្រផងដែរ៕ ដោយ៖ ចាន់រ៉ា | rewrite: Sotheavy

ការសម្រេចចិត្តនេះកើតឡើងក្រោយពី Ranngo បានចូលប្រឡូកក្នុងវិស័យតន្ត្រីរ៉េបប្រមាណជិត២ឆ្នាំ និងទទួលបានការគាំទ្រពីមហាជនគួរសម។ មុនពេលក្លាយជាតារាចម្រៀងអាជីព លោកធ្លាប់ចូលរួមប្រកួតចម្រៀងរ៉េបជាច្រើនលើក ដោយពិសេសក្នុងកម្មវិធី Rapper Fighter Season 1 ដែលធ្វើឱ្យឈ្មោះរបស់លោកកាន់តែគេចាប់អារម្មណ៍។

ទោះបីមិនអាចដណ្តើមបានជ័យលាភីក៏ដោយ ប៉ុន្តែ Ranngo បានឈានដល់ចំណាត់ថ្នាក់ Top 5 និងទទួលបានការលើកទឹកចិត្តពីអ្នកគាំទ្រជាច្រើន។

អ្វីដែលធ្វើឱ្យមហាជនភ្ញាក់ផ្អើលគឺការបង្ហោះសាររបស់លោក ដែលបានសរសេរថា៖ «សុំទោសដែលត្រូវនិយាយពាក្យនេះ! អាជីពអ្នកសិល្បៈរបស់ខ្ញុំ ប្រហែលជាត្រូវបញ្ចប់ត្រឹមនេះហើយ។ បទចម្រៀងដែលចេញមុននេះ គឺជាបទចុងក្រោយដែលបងប្អូនបានឃើញខ្ញុំ»។

ក្រៅពីនេះ លោកក៏បានបញ្ជាក់បន្ថែមថា ខ្លួនមានអារម្មណ៍នឿយហត់ និងចង់ចាកចេញពីជីវិតក្នុងវិស័យសិល្បៈ ដើម្បីរស់នៅបែបសាមញ្ញវិញ។ ទន្ទឹមនឹងនេះ លោកក៏បានថ្លែងអំណរគុណដល់អ្នកគាំទ្រទាំងអស់ដែលតែងតែគាំទ្រគាត់កន្លងមក។

យ៉ាងណាមិញ ការប្រកាសនេះបានធ្វើឱ្យអ្នកគាំទ្រមួយចំនួនសោកស្តាយ ខណៈអ្នកខ្លះទៀតនៅតែមានការសង្ស័យថា អាចជាការលេងសើច ឬជាការបង្ហាញអារម្មណ៍បណ្តោះអាសន្នប៉ុណ្ណោះ។

គួរបញ្ជាក់ថា ក្នុងរយៈពេលខ្លីនៃអាជីពសិល្បៈ Ranngo បានបង្ហាញសមត្ថភាព និងបង្កើតឥទ្ធិពលមួយចំនួនក្នុងសហគមន៍តន្ត្រីរ៉េបកម្ពុជា ដែលធ្វើឱ្យឈ្មោះរបស់លោកក្លាយជាតារាវ័យក្មេងដែលគួរឲ្យចាប់អារម្មណ៍មួយរូប។ដោយ៖ ចាន់រ៉ា