រចនា រ៉ាវាឌី ប្រាប់អាការជំងឺ​កូវីដ​១៩​ក្រោយព្យាបាល ១០ ថ្ងៃ

តារាសម្តែងកញ្ញា រចនា រ៉ាវាឌី បានប្រាប់កម្ពុជាថ្មីនៅព្រឹកថ្ងៃទី ១៥ ខែកក្កដា ឆ្នាំ២០២១ នេះថាចំពោះអាការជំងឺរបស់នាងរហូតមកទល់ពេលនេះបានធូស្រាលច្រើនហើយ។

ឆ្លើយតបតាមរយ:សាអេឡិចត្រូនិចកញ្ញា រចនា រ៉ាវាឌី និយាយដោយខ្លីថា “បន្ទាប់ពីសម្រាប់ព្យាបានពេលនេះអាការជំងឺរបស់ខ្ញុំបានជាសះស្បើយច្រើនគួរសមហើយ តែមិនទាន់ត្រូវបានអនុញ្ញាតឱ្យចេញ ទៅផ្ទះវិញទេពោលគឺនៅបន្តតាម​ដានសុខភាពបន្តិចទៀតសិន”។

តារាស្រីកញ្ញា រចនា រ៉ាវាឌី មុននេះក៏បានបញ្ជាក់ដែរថា “អរគុណទឹកចិត្តអ្នកទាំងអស់គ្នាមកលើពួកខ្ញុំអ រគុណសម្រាប់ការព្រួយបារម្ភនិងការសួរសុខទុក្ខ។ ចង់ប្រាប់ថាពេល នេះសុខភាពខ្ញុំមិនអីទេខ្ញុំនឹងឆា ប់ត្រឡប់ទៅផ្ទះវិញហើយបានថតរឿងថ្មីៗឱ្យបងប្អូនទាំងអស់គ្នាបានមើលទៀត”។

សូមបញ្ជាក់ថា តារាស្រី រចនា រ៉ាវាឌី ត្រូវបានប្រភពបង្ហើបថានាងឆ្លងជំងឺកូវីដ-១៩កាលពីថ្ងៃទី០៣ខែ កក្កដាឆ្នាំ២០២១​ខណ:ដៃគូសម្តែងលោក ព្រីន ក៏ បានរកឃើញឆ្លងជំងឺកូវីដ-១៩ក្នុងថ្ងៃជាមួយនាងផងដែរតែលោក ព្រីន ពេលនេះបានជាសះស្បើយនិងត្រឡប់ទៅផ្ទះវិញហើយ៕

អត្ថបទ៖ ចាន់រ៉ា