ជីវិតកម្សាន្ដ

ប្រធាន Miss Grand International ត្រូវគ្រូពេទ្យដកអុកស៊ីសែន ដើម្បីយកទៅព្យាបាលអ្នកជំងឺកូវីដធ្ងន់ធ្ងរផ្សេងទៀត

បានផុស

៥ years មុន

នៅ

ថ្ងៃសុក្រ ២៣ កក្កដា ២០២១

ដោយ

នាយកដ្ឋានគាំទ្រសេវាសុខភាព បានជូនដំណឹងដល់មន្ទីរពេទ្យឯកជនទាំងអស់ ត្រូវបញ្ជាក់អំពីករណីអ្នកជំងឺណាស្រាលឬប្រសើរ អាចវិលទៅផ្ទះបាន បើទោះបីជាសុខភាពស្ថិតក្នុងការព្យបាលបឋមក្ដី។

ការលើកឡើងនេះ ស្របពេលដែរខាងមន្ទីពេទ្យបាននិយាយថា ខ្លួនកំពុងអនុវត្តវិធីមួយទៀតគឺអ្នកដែលមានជំងឺប្រចាំកាយរ៉ាំរ៉ៃធ្ងន់ធ្ងរ និងមនុស្សចាស់អាយុចាប់ពី ៧៥ ឆ្នាំឡើងទៅឆ្លងកូវីដ នឹងមិនត្រូវព្យាបាលនោះទេ ពោលគឺទុកឲ្យស្លាប់តែម្ដង ខណៈអ្នកជំងឺកូវីដណាដែលស្រាល ឬទោះមិនទាន់ជាស្រួលបួលក៏ដោយ ក៏ត្រូវចាកចេញពីមន្ទីរពេទ្យក្នុងពេល ២៤ ម៉ោង ដើម្បីយកគ្រែទៅដាក់អ្នកជំងឺផ្សេងទៀតដែលមានស្ថានភាពធ្ងន់ធ្ងរខ្លាំង។

ក្នុងករណីប្រធាន Miss Grand International និងជាពិធីករថៃ Nawat Itsaragrisil ដែលកំពុងទទួលការព្យាបាលកូវីដ នៅក្នុងមណ្ឌលវេជ្ជសាស្ត្រឯកជន បានសរសេរលើបណ្ដេញសង្គមហ្វេសប៊ុកថា ” គ្រូពេទ្យបានទូរសព្ទប្រាប់ខ្ញុំ ឲ្យផ្លាស់ចេញពីមន្ទីរពេទ្យដើម្បីនៅផ្ទះ ទោះបីខ្ញុំមិនបានជាសះស្បើយក៏ដោយ។ វេជ្ជបណ្ឌិតបានអះអាងថា អនុញ្ញាតឲ្យខ្ញុំស្នាក់នៅមន្ទីរពេទ្យរយៈពេល ២៤ ម៉ោងទៀតប៉ុណ្ណោះ ” ។

ដោយឡែក វេជ្ជបណ្ឌិត Thares Kasnayarawong អគ្គនាយករងនាយកដ្ឋានគាំទ្រសេវាកម្មសុខភាព បាននិយាយថា សម្រាប់ករណីលោក Nawat គឺគាត់មានសភាពធូរស្រាលខ្លះ និងស្នាក់នៅពេទ្យអស់ពេល ២២ ថ្ងៃហើយ។ លោកក៏ត្រូវបានបញ្ចូនទៅមណ្ឌលសុខភាពបណ្តោះអាសន្ន (Hospitel) ឬត្រឡប់ទៅផ្ទះវិញ (រង់ចាំមើលអាការសិន) ។

យើងកំពុងធ្វើនីតិវិធីថ្មី ដោយយោងតាមគោលការណ៍ណែនាំនៃការព្យាបាលថែទាំជាជំហានៗ ដែលអាចធ្វើបានដោយស្ម័គ្រចិត្ត ក្នុងការផ្តល់គ្រែសម្រាប់អ្នកជំងឺកូវីដផ្សេងទៀតដែលធ្ងន់ធ្ងរខ្លាំង ។ ប៉ុន្តែ Nawat យល់ច្រឡំថា មន្ទីរពេទ្យបានឲ្យលោកចាកចេញ ខណៈកំពុងទទួលការព្យាបាល។ យើងសូមបញ្ជាក់ថា ប្រសិនបើអ្នកជំងឺកាន់តែយ៉ាប់យ៉ឺន អ្នកជំងឺនឹងត្រូវបញ្ជូនមកមន្ទីរពេទ្យវិញភ្លាមៗ ដើម្បីព្យាបាល។

លោកវេជ្ជបណ្ឌិតបន្ថែមថា នៅក្នុងស្ថានភាពនៃការផ្ទុះឡើង ដោយមានអ្នកជំងឺនិងការស្លាប់ជាច្រើន ក្នុងមួយថ្ងៃៗ។ ករណីនេះនឹងប៉ះពាល់ដល់ស្ថានភាពផ្លូវចិត្តរបស់អ្នកជំងឺ និងសាច់ញាតិ ក៏ដូចជាមនុស្សដែលតាមដានព័ត៌មាន។ ដូច្នេះយើងសូមឲ្យបុគ្គលិកថែទាំសុខភាពទាំងអស់ និងបុគ្គលិកនៃមណ្ឌលសុខភាពឯកជនផ្តោតការយកចិត្តទុកដាក់លើការជួយអ្នកជំងឺដែលធ្ងន់ធ្ងរ ដើម្បីកុំឲ្យអ្នកជំងឺយើងខ្វះទំនុកចិត្ត លើប្រព័ន្ធសុខភាពសាធារណៈ៕

សូមទស្សនាវីដេអូលោក Nawat ប្រតិកម្មចំពោះមន្ទីពេទ្យ៖

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន ៖ថៃ ដល់ដំណាក់កាលបែងចែកអុកស៊ីសែន រើសអ្នកជំងឺកូវីដណាត្រូវព្យាបាល និងទុកឲ្យស្លាប់

ចុចអាន៖ក្ដៅៗ ប្រធាន Miss Grand International និងជាពិធីករថៃ Nawat Itsaragrisil ឆ្លងកូវីដ