ជីវិតកម្សាន្ដ

ក្រោយធ្លាក់ខ្លួនឈឺនិងបាត់មុខមួយរយៈ ពេលនេះ នាយ ក្រិន សុខភាពប្រសើរឡើងវិញហើយ

បានផុស

៤ years មុន

នៅ

ថ្ងៃសៅរ៍ ២១ សីហា ២០២១

ដោយ

ភ្នំពេញ: តារាកំប្លែងមាឌល្អិតអភ័ព្វស្នេហ៍ លោក ទេស សុជន ហៅ នាយ ក្រិន បន្ទាប់ពីធ្លាក់ខ្លួនឈឺ កាលពីថ្មីៗកន្លងទៅនោះ ត្រូវបានទស្សនិកជនមើលឃើញថា នាយហាក់បាត់ដំណឹងសូន្យឈឹង ពីអាជីពសិល្ប:តែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មហាជននិងអ្នកគាំទ្រកត់សម្គាល់ថាការបាត់ដំណឹងរបស់នាយ ក្រិន នេះគឺចាប់តាំងពីនាយជួបរឿងអកុសលត្រូវភរិយាលួចផិតក្បត់មានសហាយស្មន់ រហូតឈានដល់ផ្លូវលែងលះគ្នា។ មិនតែប៉ុណ្ណោះអាជីពបើកហាងរបស់នាយ ក្រិន ក៏ត្រូវបានបិទទ្វារទាំងស្រុងព្រោះក្ស័យធន់។

ដោយសារហេតុផលនេះទើបកាលពីចុងឆ្នាំ ២០១៩ នាយ ក្រិន បានសម្រេចវេចបង្វេចនិងនាំកូនៗទាំង ៣នាក់យ៉ាងកម្សត់ចាកចេញពីរាជធានីភ្នំពេញ ដើម្បីទៅរស់នៅឯស្រុកកំណើតនៅខេត្តបាត់ដំបង។ ប៉ុន្តែក្រោយមកក៏មានដំណឹងនៃការធ្លាក់ខ្លួនឈឺធ្ងន់ សង្គ្រោះនៅមន្ទីពេទ្យ។

ជុំវិញការបាត់ដំណឹងនិងមានការសួរនាំពីអ្នកគាំទ្រចង់ដឹងសុខទុក្ខនេះដែរ នាយ ក្រិន បានប្រាប់ឲ្យដឹងថ្មីៗនេះថា សម្រាប់សុខភាពនាយបានប្រសើរជាធម្មតាហើយ ខណ:ពេលនេះកំពុងរស់នៅជាមួយកូនៗ ឯខេត្តបាត់ដំបង។

ដោយឡែកទាក់ទងការងារអាជីពកំប្លែងមិនត្រូវបាន នាយ ក្រិន បញ្ជាក់ទេថាត្រូវបន្តចូលវិញថ្ងៃណាឡើយដោយគ្រាន់តែនិយាយខ្លីថា ថ្មីៗនេះនាយទើបបានចុះកុងត្រាការងារជាមួយក្រុមហ៊ុនមួយប៉ុណ្ណោះ៕

អត្ថបទ៖ចាន់រ៉ា

ចុចអាន៖នាយក្រិន ធ្លាក់ខ្លួនឈឺធ្ងន់ដេក ស្តូកស្តឹងក្នុងមន្ទីពេទ្យ