ព័ត៌មានជាតិ

សម្ដេចតេជោទៅសួរសុខទុក្ខនាយក្រិននៅព្រឹកនេះ

បានផុស

៤ ខែ មុន

នៅ

ថ្ងៃអាទិត្យ ២២ មីនា ២០២៦

ដោយ

ប្រធានព្រឹទ្ធសភាសម្ដេចតេជោ ហ៊ុន សែន បានឆ្លៀតពេលទៅសួរសុខទុក្ខតារាកំប្លែងនាយក្រិននៅព្រឹកថ្ងៃទី២២ ខែមីនានេះ ដោយបង្ហាញនូវក្ដីអាណិតអាសូរដល់នាយក្រិនដែលខ្លួនកំពុងដេកនៅពេទ្យហើយឪពុកទទួលមរណភាពថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចបានសរសេរនៅលើហ្វេសបុកសម្ដេចនៅព្រឹកថ្ងៃទី២២ ខែមីនា ឆ្នាំ២០២៦នេះ ដោយបានលើកឡើងថា៖ «ព្រឹកនេះឆ្លៀតពេលទៅសួរសុខទុក្ខនាយក្រិនដែលកំពុងមានជម្ងឺនៅមន្ទីរពេទ្យកាលម៉ែត។ខ្លួនឈឺឪពុកមរណភាពដែលមិនហ៊ានឲ្យនាយក្រិនដឹងគឹជារឿងវាយប្រហារធ្ងន់ធ្ងរសម្រាប់ជិវិតនាយក្រិន»។

សម្ដេចក៏បានកើតសរសើរសិល្បករ សិល្បការិនីដែលចូលរួមអាណិតនាយក្រិនពិសេសស្រីនិច ហៅប្រិមប្រិយនិងប្អូនដែលសុទ្ធចិត្តបោះបង់ការងារមកជួយថែទាំនាយក្រិន ហើយសម្ដេចក៏ប្រគល់ការងារឱ្យប្រិមប្រិយទៅជួយរៀបចំកូននាយក្រិនទាំង៣នៅបាត់ដំបងឱ្យបានចូលរៀនឡើងវិញក្រោយនាយក្រិនចេញពីពេទ្យផងដែរ។

តារាកំប្លែងនាយក្រិនត្រូវបានក្រុមគ្រួសារនាំទៅពិនិត្យ និងព្យាបាលនៅក្នុងមន្ទីរពេទ្យកាលពីថ្ងៃទី១០ ខែមីនា ឆ្នាំ២០២៦ បន្ទាប់ពីធ្លាក់ខ្លួនឈឺដោយសារការរលាកត្រចៀក ហើយរាលដាលប៉ះពាល់ដល់ប្រព័ន្ធប្រសាទ៕

អត្ថបទដោយ ហ៊ុន សិរីវឌ្ឍន៍