Connect with us

ជីវិតកម្សាន្ដ

ផ្ទុះរឿងចម្រូងចម្រាសរវាង ម៉េង កែវពេជ្ជតា និងអ្នកគាំទ្រ បាន មុន្នីល័ក្ខ ដោយសារបទ ជំនោដើមខែ

បានផុស

នៅ

អ្នកគាំទ្រ​និង​ប្រើប្រាស់​បណ្តាញ​សង្គម​ហ្វេ​ស​ប៊ុ​កមាន​ការភ្ញាក់ផ្អើល​គ្រប់គ្នា​ពេល​ឃើញ​កំពូលតារា​ចម្រៀង ម៉េង កែវពេជ្ជតា បញ្ចេញ​ប្រតិកម្ម​លើ​អ្នកចម្រៀង​ជំនាន់​ក្រោយៗ​ដែល​យក​បទ ជំនោរ​ដើមខែ ទៅ​ច្រៀង​ឡើងវិញ​ដោយ​មិន​រក្សា​ឈ្មោះ​ម្ចាស់​ដើមឡើយ​គឺ​គ្រាន់តែ​ដាក់ថទ បទមរតកដើម ប៉ុណ្ណោះ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពី​មានការ​ប្រតិកម្ម​របស់​តារាចម្រៀង​ជើង​ចាស់​សំនៀង​មនោសញ្ចេតនា​អ្នកនាង ម៉េង កែវពេ​ជ្ជ តា ភ្លាមៗ​នោះ​ក៏​ស្រាប់តែ​ឃើញ​ទំព័រ​ហ្វេ​ស​ប៊ុ​កមួយ​ដែលមាន​ឈ្មោះថា Ban Monyleak Fan ដែលគេ​យល់ថា​ជា​អ្នកគាំទ្រ​តារា​ស្រី បាន មុន្នីល័​ក្ខ បានធ្វើការ​បញ្ចេញ​សារ​រិះគន់​ដល់​អ្នកនាង ម៉េង កែវ​ពេជ្ជ​តា វិញ​ផងដែរ​។​

ដោយសារ​ការចូល​រិះគន់​នេះ​ហាក់​មាន​ចេតនា​វាយបក​លើ​ខ្លួន​ក្នុងន័យ​ការពារ​តារា​ស្រី​វ័យក្មេង បាន មុន្នី​ល័​ក្ខ ទើប​ធ្វើ​ឲ្យ ម៉េង កែវពេជ្ជតា ចេញមុខ​ពន្លះ​យ៉ាង​ចាស់ដៃ​វិញ​។ ​អ្នកនាង ម៉េង កែវពេជ្ជតា បាន​និយាយថា​ ចរិត​នាង​មិន​កែប្រែ​ទេ​បងប្អូន មិន​សុំ​ទោស​ក៏​ហី​ចុះ​តែ​មើ​ល​សម្តី​នាងខាំ​ញេញ​យ៉ាង​គឃ្លើន​គួរអោយ​ខ្នាញ់​។​

អ្នកនាង ម៉េង កែវពេជ្ជតា បា​នតបថា ​​តើនាងសម​ជា​តារា​គំរូ​អោយគេ​គោរព​ទេ​បងប្អូន​?​ តើ​នាង​សម ជាម​នុស្ស​គំរូ​ដល់​មហាជន​ទេ​បងប្អូន​? ​ចូលមក​ខ​មិន​តែ​ពាក្យ​ដដែលៗ​គ្រប់កន្លែង​តែម្តង ​ដូច​គ្មាន​មេ​បា​ប្រដៅ​។​ ខ្ញុំ​ដឹងថា​ អ្នក​ទាំងអស់គ្នា​នឹង​និយាយប្រាប់​ខ្ញុំ​ថា ខ​មិន​នេះ​ជា​របស់ Fan​ ប៉ុន្តែបើជា Fan ក៏​នាង​ដឹងហេតុ​អី្វ​នាង​បណ្តោយ ? បើនាង​ល្អ​នាង​គួរតែ​ហាមមែន​ទេ ?​។​

បន្ថែម​ពីនេះ​អ្នកនាង​ ម៉េង កែវពេជ្ជតា​ បាន​លើក​ឡើង​ថា ​ចុះ​បើ​នាង​មិន​ហាម​បានន័យថា​ ម្តេច​ខ្ញុំ​ក៏​មាន Fans មិនតិច​ដែរ ប៉ុន្តែ​ខ្ញុំ​មិនដែល​អោយ Fan ធ្វើ​បែបនេះ​ទេ សូម​បងប្អូន​ជួយ​ពិចារណា​តាម​ការ​គួរ​អំពី​ចរិត​ស្រី​ម្នាក់នេះ​ផង​។

​ជុំវិញ​ព័ត៌មាន​នេះដែរ ​កម្ពុ​ជាថ្មី ​កាលពី​ព្រលប់​ថ្ងៃទី​០៩ ​ខែកញ្ញា ​ឆ្នាំ​២០២១ មិនអាច​ស្វែងរក​ការសួរ​នាំ​បន្ថែម​ពី​អ្នកនាង ម៉េង កែវពេជ្ជតា បានទេ ​ខណៈ បាន មុន្នី​ល័​ក្ខ ក៏​មិនទាន់មាន​ការបំភ្លឺ​អ្វី​ឡើយ​៕

អត្ថបទ៖ ចាន់​រ៉ា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា១៨ នាទី មុន

U16 កម្ពុជា មានឱកាស​យក​លេខ១​ក្នុង​ពូលថែមទៀតក្នុងពាន AFF-16 ក្រោយស្មើវៀតណាម

ព័ត៌មានជាតិ១៩ នាទី មុន

មន្រ្តីជាន់ខ្ពស់៖ ការអនុវត្តរបបសន្តិសុខសង្គមផ្នែកថែទាំសុខភាពនឹងជួយរក្សាលំនឹងប្រាក់ចំណូលក្នុងគ្រួសារកាន់តែប្រសើរ

ព័ត៌មានជាតិ៣៣ នាទី មុន

សហភាពពលកម្មជាតិកម្ពុជា ប្រាប់ទៅបណ្ដាញអ្នកបញ្ជាទិញពីរបាយការណ៍បំភ្លៃរបស់សង់ត្រាល់

ព័ត៌មានអន្ដរជាតិ៤៧ នាទី មុន

រុស្ស៊ី ព្រមានពីគ្រោះថ្នាក់ បើអាមេរិក នៅតែបន្តជួយអាវុធដល់ អ៊ុយក្រែន

ព័ត៌មានជាតិ៥៩ នាទី មុន

ផលិតករកសិកម្មបន្លែតាមសហគមន៍ហាក់មានសន្ទុះលើទីផ្សារ ក្រោយទទួលបានបទពិសោធ និងវគ្គបណ្តុះបបណ្តាល

Sokha Hotels

ព័ត៌មានពេញនិយម