Connect with us

ជីវិតកម្សាន្ដ

ព្រឹទ្ធាចារ្យដ៏ឆ្នើម២រូបនេះបានបន្សល់ទុកមរតកស្នាដៃសំខាន់ៗក្នុងវិស័យសិល្ប:ខ្មែរ​

បានផុស

នៅ

នៅ​ដើមខែ​តុលា​ ឆ្នាំ​២០២១​នេះ​ ត្រូវបាន​ទស្ស​និក​ជន​កត់សម្គាល់​ឃើញថា​ មាន​ព្រឹទ្ធាចារ្យ​សិល្ប​:​ជើងចាស់​ល្បីៗ​របស់​ខ្មែរ​២​រូប​ទៀតហើយ​ដែល​បាត់​បង់ជីវិត​គួរ​ឲ្យ​សោកស្តាយ​ខ្លាំង​បំផុត​។​

ជា​ការពិត​សម្រាប់​ការបាត់បង​ធនធាន​អ្នកសិល្ប​:ជើងចាស់​ល្បីៗ​ទាំងនោះ​បានធ្វើ​ឲ្យ​មហាជន​មានការ​សោកស្តាយ​ និង​ក្តុកក្តួល​ខ្លាំង​បំផុត​។​ ព្រឹទ្ធាចារ្យ​សិល្ប​:​ជើងចាស់​ល្បីៗ​របស់​ខ្មែរ​២​រូប​ដែល​ទទួល​មរណ​ភាព​នោះ​រួមមាន៖

១.​លោក​ព្រឹទ្ធាចារ្យ ហេ ជុន​សិ​ក បានទទួល​មរណភាព​កាលពី​វេលា​ម៉ោង​១២ ​និង​៤៥​នាទី​ថ្ងៃទី​១០ ​ខែតុលា​ឆ្នាំ​២០២១​នៅ​មណ្ឌល​ព្យាបាល​ជំងឺ​កូ​វីដ​-១៩ ស្តា​ត​អូឡាំពិក​ ដោយ​ជំងឺ​ប្រចាំកាយ​ផង ​និង​ការ​វាយលុក​យ៉ាង​សាហាវ​ពី​ជំងឺ​កូ​វីដ​-១៩​ផង​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹទ្ធាចារ្យ ហេ ជុន​សិ​ក គឺជា​អតីត​តន្ត្រីករ​វី​យូ​ឡុង​ជើងចាស់​ និង​ជា​ជំនួយការ​ដ៏​ជិតស្និទ្ធ​បំផុត​របស់​អធិ​រាជ​សំឡេង​មាស ស៊ីន ស៊ី​សាមុត​ កាលពី​ទសវត្ស៧០​។​ លោកគ្រូ ហេ ជុន​សិ​ក បានទទួល​មរណភាព​ក្នុង​អាយុ​៨២​ឆ្នាំ​។ ​លោកគ្រូ​ជា​តន្ត្រីករ​ដ៏​ជំនាញ​ផ្នែកវី​យូ​ឡុង​តាំងពី​ទសវត្ស​៦០​ និង​ជា​អ្នកនិពន្ធ​បទ​ភ្លេង​ជា​អ្នក​សម្រួល​តន្ត្រី​ និង​ជា​អ្នកដឹកនាំ​ភ្លេង​ប្រគំ​ដ៏​ពូកែ​មួយរូប​ផងដែរ​។​

ស្នាដៃ​សំខាន់ៗ​ដែល​លោក​បាន​កសាង​រួមមានបទ វាលស្រែ​មួយរយ ,​បទ សោភិនី​មាសស្នេហ៍​,​បទ ចន្ទ​ពេញ​បូរ​មី​,​បទ សម្រែក​ស្នេហ៍​កម្ម​លោកិយ៍ ,​បទ តាម​កម្មផល ,​បទ ស្តាយ​អើយ​សែនស្តាយ​,​បទ ជួយ​បង ,​បទ បេះដូង​កំព្រា ,​បទ ស្នេហ៍​យើង​,​បទ ថ្ងៃស្អែក​បែក​គ្នា​ ជាដើម​។

ក្នុង​វិស័យ​សិល្បៈ​ចម្រៀង​ខ្មែរ​លោក​ព្រឹទ្ធាចារ្យ ហេ ជុន​សិ​ក គឺជា​សាក្សី​រស់​ដំ​សំខាន់​ដែល​នៅ​ចងចាំ​រឿង រ៉ាវ​ជាច្រើន​ទាំង​រឿងរ៉ាវ​សិល្បៈ​និង​រឿងរ៉ាវ​ឯកជន​របស់​សិល្បករ​ល្បីៗ​ជាច្រើន​។​

២.​ផលិតករ​ភាពយន្ត​ជើងចាស់​ល្បីឈ្មោះ​លោក​ព្រឹទ្ធា​ចា​រ្យ លី ប៊ុន​យឹម បានទទួល​មរណភាព​នៅ​ម៉ោង​១១​និង​៥០​នាទី​ថ្ងៃទី​៥ ​ខែតុលា ​ឆ្នាំ​២០២១​ក្នុង​ជន្មា​យុ​៨៧​ឆ្នាំ​។

លោក​ព្រឹទ្ធាចារ្យ​ លី ប៊ុន​យឹម គឺជា​សិល្បករ​រៀមច្បង​ក្នុង​វិស័យ​ភាពយន្ត​ខ្មែរ​តាំងពី​សម័យ​កកើត​ភាពយន្ត​ដំបូង​ដោយ​លោក​មាន​នាទី​ជា​អ្នកនិពន្ធ អ្នក​ដឹកនាំ​រឿង អ្នកបច្ចេកទេស​ និង​ផលិតករ​ដែលមាន​ស្នាដៃ​ល្អ​ចំណាន​ហើយ​បានទទួល​ការសរសើរ​ពី​មហាជន​គ្រប់​ស្រទាប់​ទាំង​ជាតិ​ និង​អន្តរជាតិ​។

កាលពីមុន​ឆ្នាំ​១៩៧៥​ លោក​ លី ប៊ុន​យឹម បានក​សាង​ស្នាដៃ​ភាពយន្ត​ជាច្រើន​សម្រាប់​ផលិតកម្ម​រន្ទះ​ពេជ្រភាព​យន្ត​ របស់លោក​មានដូចជា​រឿង សព្វ​សិទ្ធិ , រឿង ពុទ្ធិ​សែន​នាង​ក​ង្រី , រឿង អន​អើយ​ស្រី​អន​,​រឿង សេះ​សមុទ្រ ,​រឿង​ ចំណងដៃ​ទឹកភ្នែក ដែល​សុទ្ធតែ​ជា​ភាពយន្ត​ដែល​ល្បីល្បាញ​កំពូល​តែម្តង​។​

ចំពោះ​វីរភាព​និង​មរតក​ស្នាដៃ​របស់​ព្រឹទ្ធាចារ្យ​ទាំង​២​រូប​ខាងលើ​ក្នុង​វិស័យ​សិល្បៈ​ខ្មែរ ​បានធ្វើ​ឲ្យ​មហា​ជន​ទូទាំងប្រទេស​នៅ​ចងចាំ​ជានិច្ច​គ្មាន​ថ្ងៃ​បំ​ភ្លេច​បានឡើយ​៕

អត្ថបទ៖ ចាន់​រ៉ា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

អំពើពុករលួយ ធ្វើឱ្យប្រធានសមាគមបាល់ទាត់ថ្នាក់ជាតិរបស់ប្រទេសចិន ត្រូវជាប់ពន្ធនាគារអស់មួយជីវិត

ព័ត៌មានជាតិ៥ ម៉ោង មុន

ក្នុង​ត្រីមាស​ទី១​ឆ្នាំនេះ ខេត្ត​កែប នាំចេញ​ផ្លែស្វាយ​កែវ​រមៀត​ជាង ៧​ពាន់​តោន កើនឡើង ៨២%

ព័ត៌មានជាតិ៧ ម៉ោង មុន

ផ្លូវ​ប្រប​មាត់​ព្រែក​ពី​គល់​ស្ពាន​ថ្មី​ដល់​ស្ពាន​ចាស់ រួម​ជា​មួយ​សួន​កម្សាន្ត និង​លេច​រូបរាង​​ឆាប់​ៗក្នុងខេត្តកំពត

ព័ត៌មានជាតិ៧ ម៉ោង មុន

ដីព្រៃ​ក្នុង​ដែន​ជម្រក​សត្វព្រៃ​គូលែន​-​ព្រហ្ម​ទេព ក្បែរ​បរិស្ថាន​តា​កឹង កំពុង​រង​ការ​ឈូសឆាយ​កាប់បំផ្លាញ

ព័ត៌មានជាតិ៨ ម៉ោង មុន

កម្ពុជា-ថៃ ជួបប្រជុំ​ទ្វេភាគី​លើក​ទី​១៤​ស្តីពី​កិច្ចសហប្រតិបត្តិការ​ប្រយុទ្ធ​ប្រឆាំង​គ្រឿងញៀន

Sokha Hotels

ព័ត៌មានពេញនិយម