ជីវិតកម្សាន្ដ

មកដឹង ៤ ចំណុច ធ្វើឲ្យ វណ្ណដា ទទួលជោគជ័យ និងល្បីរន្ទឺដូចសព្វថ្ងៃ

បានផុស

៥ years មុន

នៅ

ថ្ងៃពុធ ២ ធ្នូ ២០២០

ដោយ

អ្នកចម្រៀងរ៉េបវ័យក្មេង វណ្ណដា ដែលភាគច្រើនគ្រប់គ្នាស្គាល់ថាជាម្ចាស់បទ Time To Rise បាននិងកំពុងទទួលការគាំទ្រខ្លាំងពីសំណាក់យុវវ័យ និងហ្វេនស្រីៗ ហើយជាពិសេសនោះតារាវ័យក្មេងរូបនេះ ក៏បាននិងកំពុងកសាងកេរ្តិ៍ឈ្មោះឡើងខ្ពស់ស្ទើរមិនគួរឲ្យជឿ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងវ័យ ២៥ ឆ្នាំ វណ្ណដា បានកសាងភាពល្បីល្បាញមិនធម្មតាជាពិសេសមិនចាញ់តារារៀមច្បងប៉ុន្មាននោះទេ។ តារាចម្រៀងមកពីខេត្តព្រះសីហនុរូបនេះ ក៏បានធ្វើឲ្យបរទេសទទួលស្គាល់តាមរយៈបទចម្រៀងជាច្រើន ដែលលោកបានចេញនៅតាមបណ្ដាញសង្គមផ្សេងៗ។ ចំណែកនៅពីក្រោយភាពជោគជ័យ និងការតស៊ូជាច្រើនដែលវណ្ណដាឆ្លងកាត់បានជំរុញឲ្យតារាចម្រៀងរ៉េបរូបនេះឡើងទៅដល់ចំណុចកំពូលដោយនឹកស្មានមិនដល់ ទន្ទឹមនឹងនេះ ភាពជោគជ័យ និងកេរ្តិ៍ឈ្មោះល្បីរន្ទឺទាំងនេះ សុទ្ធសឹងតែកើតឡើងពីការខំប្រឹងប្រែងតស៊ូជម្នះឧបសគ្គ ព្យុះភ្លៀង ទម្រាំមានដូចសព្វថ្ងៃនេះ។

តើចំណុចណាខ្លះ ដែលធ្វើឲ្យវណ្ណដា ទទួលបានការគាំទ្រខ្លាំងយ៉ាងនេះ?

១. ទេពកោសល្យ

បើទោះបីជានៅក្មេង តែវណ្ណដាមានសមត្ថភាព ក្នុងការផលិតបទភ្លេង ទំនុកច្រៀង និងការច្រៀងដោយផ្ទាល់រួមជាមួយការរ៉េបដ៏ប៉ិនប្រសព្វ បានធ្វើឲ្យខ្លួនទទួលបានការគាំទ្របែបនេះ។

២. អត្ថន័យនៃបទចម្រៀង

ដោយសារតែការរ៉េប រួមជាមួយការនិពន្ធពាក្យពេចន៍ចាក់ដោត ចំនឹងបញ្ហាសង្គម ដែលបានធ្វើឲ្យយុវវ័យពេញចិត្ត នឹងមានការលើកសរសើរ ចំពោះបទចម្រៀងនីមួយៗរបស់ខ្លួន។

៣. បច្ចេកទេសនៃការផលិត

នៅក្នុងបច្ចេកទេសនៃការផលិតចម្រៀងរបស់វណ្ណដា សំឡេងភ្លេងនីមួយៗ ពិតជាល្អ អាចនិយាយបានថា មិនចាញ់បរទេសប៉ុន្មាននោះទេ។

៤. ការតស៊ូ

ពីជីវិតក្មេងកោសដូងនៅក្នុងផ្សារ ខ្លួនបានជម្នះគ្រប់បញ្ហា តស៊ូរៀនរស់ដោយខ្លួនឯង ដើម្បីសម្រេចក្ដីស្រមៃក្លាយជាតារារ៉េប។ តាំងពីគ្មានអ្វីសោះ វណ្ណដា បានស្នាក់នៅផ្ទះមិត្តភក្ដិ ដែលគេស្គាល់ឈ្មោះថា វណ្ណជេស្ដា ដោយធ្វើការផងផលិតបទចម្រៀងផង តាមចិត្តស្រលាញ់។ ទម្រាំមានថ្ងៃនេះ វណ្ណដា ក៏មានអ្នកមើលងាយមិនស្ទើរទេ ដៀលលោកថា ជាមនុស្សអត់កំណើត មនុស្សអត់បានការ គ្មានអាចធ្វើអ្វីបាន ដោយសារតែការមើលងាយទាំងអស់នេះ វាបានក្លាយជាកម្លាំងចិត្តធ្វើឲ្យវណ្ណដា មានថ្ងៃនេះនិងទទួលបានការគាំទ្រខ្លាំងពីហ្វេននិងមនុស្សជុំវិញខ្លួន។

ទន្ទឹមនឹងនេះ វណ្ណដា កំពុងជ្រកក្រោមដំបូលផលិតកម្មបារមី ដែលមានកញ្ញា ឡូរ៉ាម៉ម ជាម្ចាស់និងមានតារាវ័យក្មេងដែលពោរពេញទៅដោយទេពកោសល្យផ្អែកតែងនិពន្ធ ច្រៀង និងផលិតចម្រៀង Original ជាច្រើនរូបទៀតដូចជា វណ្ណដា ក្មេងខ្មែរ អូន ប៉ូឡារិច សង្ហា រិទ្ធី។

គួររំលឹកផងដែរថា វណ្ណដា ក៏បានចេញចម្រៀងជាច្រើនបទ ដែលទទួលបានការគាំទ្រខ្លាំងពីសំណាក់ទស្សនិកជន និងហ្វេនដូចជា Move On, J+O, Born This Way, Black Rose, Mama, Demon Time to rise, Solo, Solo again BOK KALO ។ នៅក្មុងពេលឆាប់នេះៗ វណ្ណដា នឹងនាំមកនូវការប្រគំតន្ដ្រីដំបូងរបស់ខ្លួន សម្រាប់អ្នកគាំទ្រជាមួយនឹង $KULLTHE ALBUM ដែលនឹងប្រព្រឹត្តិឡើងនៅថ្ងៃទី ៩ ខែមេសា ឆ្នាំ ២០២២ ខាងមុននេះ៕