Ed Sheeran ក្លាយជាតារាអង់គ្លេសមានជាងគេបំផុត ក្នុងវ័យ ៣០ឆ្នាំ

តារាចម្រៀងប្រុស លោក Ed Sheeran ក្នុងវ័យ ៣០ឆ្នាំ បានឈរលើតំណែងតារាអង់គ្លេសដែលមានជាងគេបំផុត ជាមួយនឹងទ្រព្យសម្បត្តិចំនួន ២៣៦.៥លានផោន (ជាង ៣២២លានដុល្លារអាមេរិក)។

ប្រភពចំណូលរបស់តារាប្រុសរូបនេះ ត្រូវបានសារព័ត៌មាន ​Daily Mail ទម្លាយថា ទទួលមកពីការចូលរួមប្រគុំតន្ត្រីទេសចរណ៍ Divide Tour ​ខណៈចំណូលមួយផ្នែកទៀតរកបានពីបទ Shape Of You ដែលជាចម្រៀងពេញនិយមមានអ្នកទស្សនាច្រើនបំផុត ក្នុងរយៈពេលប៉ុន្មានឆ្នាំជាប់ៗគ្នា។ មូលហេតុនេះហើយ ទើប Ed Sheeran អាចចំណូលបានរហូតដល់ ២៦.៥លានផោន (ជាង ៣៦លានដុល្លារអាមេរិក) ក្នុងមួយឆ្នាំ និងដណ្ដើមបានតំណែងជាតារាប្រុសវ័យក្មេងមានប្រាក់ច្រើនបំផុតក្នុងដៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនឹងនេះដែរ លោក Harry Styles ជាតារាចម្រៀងប្រុសសញ្ជាតិអង់គ្លេស ឈរនៅតំណែងទី២ ដែលមានប្រាក់សរុបប្រមាណ ៨០លានផោន (ជាង ១០៩លានដុល្លារអាមេរិក)។ ចាប់តាំងបំបែកខ្លួនពីក្រុម One Direction តារាប្រុសវ័យ ២៧ឆ្នាំរូបនេះ បានប្រឡូកក្នុងវិស័យសម្តែងយ៉ាងជោគជ័យ និងចុះកុងត្រាជាមួយប្រេនសម្លៀកបំពាក់ល្បីៗផងដែរ។ ការងារទាំងនេះហើយ ជាប្រភពចំណូលរបស់ Harry Styles ដែលនាំឱ្យលោកក្លាយជាតារាចម្រៀងមានទ្រព្យសម្បត្តិច្រើនជាងគេ បន្ទាប់ពី Ed Sheeran។

ដោយឡែក អ្នកឈរនៅលេខរៀងទី៣ ដែលមានទ្រព្យសម្បត្តិច្រើនបំផុតបានទៅលើក្រុមចម្រៀងស្រី Little Mix។ ប្រាក់ដែលក្រុមចម្រៀងអង់គ្លេសមួយនេះ កាន់កាប់មានប្រមាណ ៦៦.៧ លានផោន (ជាង ៩០លានដុល្លារអាមេរិក)៕

ប្រែសម្រួល៖ សន្យា

ចុចអាន៖ Elon Musk ក្លាយជាមនុស្សដំបូងគេលើលោក មានទ្រព្យជាង ៣០០ប៊ីលានដុល្លារ

ចុចអាន៖ ការពិតនានាពី Georgina មិត្តស្រីរបស់ Ronaldo គ្មាននរណាធ្លាប់ខ្វល់ឡើយ