ជីវិតកម្សាន្ដ

មន្ទីរបរិស្ថានខេត្តកំពតបង្កើតកម្មវិធីដាំកូនឈើនិងទីក្រុងស្អាតនៅវិទ្យាល័យ ហ៊ុន សែន ព្រែកត្នោត

បានផុស

៥ years មុន

នៅ

ថ្ងៃពុធ ៨ ធ្នូ ២០២១

ដោយ

ក្នុងគោលបំណងដើម្បីរួមគ្នាធ្វើកិច្ចការងារសង្គមនិងផ្សព្វផ្សាយឲ្យបានទូលំទូលាយនូវការអភិរក្សបរិស្ថានធម្មជាតិនាវិទ្យាល័យ ហ៊ុន សែន ព្រែកត្នោត ស្ថិតក្នុងក្រុងបូកគោមន្ទីរបរិស្ថានខេត្តកំពត បានបង្កើតកម្មវិធីដាំកូនឈើនិងទីក្រុងស្អាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីនេះបានធ្វើឡើងកាលពីថ្មីៗនេះក្រោមវត្តមានលោកជំទាវ ងិន ផលរ័ត្ន អភិបាលក្រុងបូកគោនិងដោយមានការចូលរួមឧបត្ថម្ភនិងគាំទ្រពីសមាគមធនាគារនៃកម្ពុជាព្រមទាំងសមាជិកជាច្រើនទៀត។ នៅក្នុងកម្មវិធីនេះផងដែរក៏មានការចែកសម្ភារៈសិក្សាដូចជា,កាតាបនិងសៀវភៅជូនដល់សិស្សានុសិស្សប្រមាណជាង២០០នាក់ផងដែរ។

លោកជំទាវ ងិន ផលរ័ត្ន បានមានប្រសាសន៍ថា សកម្មភាពបរិស្ថានគឺជាសកម្មភាពសង្គមមួយដែលយើងទាំងអស់គ្នាត្រូវយកចិត្តទុកដាក់ជាទីបំផុត ដូចដែលក្នុងថ្ងៃនេះយើងសង្កេតឃើញថាយើងបានធ្វើសកម្មភាពមួយដ៏អស្ចារ្យដែលបណ្តុះគំនិតប្អូនសិស្សានុសិស្ស រួមចំណែកយកចិត្តទុកដាក់លើបញ្ហាបរិស្ថានក៏ដូចជាការចូលរួមការពារប្រព័ន្ធអេកូ ឡូស៊ី ចូលរួមផ្សព្វផ្សាយឱ្យបានទូលំទូលាយក្នុងសកម្មភាពការពារបរិស្ថាន អភិរក្សធនធានធម្មជាតិ តាមរយៈសកម្មភាពផ្សេងៗដែលនឹងប្រែក្លាយក្រុងបូកគោ ខេត្តកំពត ជាតំបន់បៃតងនិងជាគោលដៅទេសចរណ៍ធម្មជាតិ។

លោកជំទាវថ្លែងទៀតថា សកម្មភាពនេះពិតជាសំខាន់ដែលមនុស្សគ្រប់គ្នាត្រូវយកចិត្តទុកដាក់បំពេញកាតព្វកិច្ចជាពលរដ្ឋល្អក្នុងការចូលរួមដាំដុះដើម្បីប្រែក្លាយតំបន់ដែលស្រអាប់ ក្តៅ ទៅជាតំបន់បៃតង ដែលមនុស្សគ្រប់គ្នាប៉ងប្រាថ្នា។ ដូចដែលថ្ងៃ នេះយើងបានមើលឃើញថាសកម្មភាពរបស់សមា គមធនាគារនិងសមាជិកដែលបានចូលរួមយ៉ាងស ស្រាក់សស្រាំក្នុងការធ្វើឲ្យសកម្មភាពនេះដែលអាចនិយាយបានថាជាសកម្មភាពដែលគ្រប់គ្នាចងចាំ និងបន្តនៅឆ្នាំក្រោយបន្ថែមទៀត៕

អត្ថបទ៖ ចាន់រ៉ា