ក្រោយបញ្ចប់វគ្គបង្ហាញឈុតតំណាងជាតិ ងិន ម៉ារ៉ាឌី ថ្លែងបែបនេះ ទៅកាន់ប្រជាជាតិខ្មែរ

ភ្នំពេញៈ នៅ លើទំព័រហ្វេសប៊ុករបស់បរវកញ្ញាកម្ពុជា កញ្ញា ងិន ម៉ារ៉ាឌី ក្រោយបញ្ចប់ការបង្ហាញឈុតតំណាងជាតិយប់មិញ នាងបានបញ្ចេញសារ មោទកភាព និងសុំអភ័យទោសប្រជាពលរដ្ឋខ្មែរ ចំពោះកំហុសដោយអចេតនារបស់នាង។

កញ្ញា ងិន ម៉ារ៉ាឌី បានលើកឡើងថា៖ “នាងខ្ញ៉ំពិតជាមានមោទនភាពខ្លាំងណាស់ក្នុងការបង្ហាញនូវឈុតដ៏អស្ចារ្យរបស់កម្ពុជាមួយនេះទៅ កាន់ពិភពលោក។ ឈុត វប្បការិកា ចត្វានិមិត្ត ដែលបានបង្ហាញអំពីវប្បធម៌ នឹងអរិយធម៌ដ៏ត្រចះត្រចង់របស់កម្ពុជា”។

កញ្ញា ងិន ម៉ារ៉ាឌី បានបញ្ជាប់បន្ថែមទៀតថា៖ “នាងខ្ញុំសូមអភ័យទោសរាល់កំហុសខុសឆ្គងដែលបានកើតឡើង”។

បវរកម្ពុជាកញ្ញា ងិន ម៉ារីឌី គ្រងឈុតតំណាងជាតិយ៉ាងល្អប្រណិតឈ្មោះថា “វប្បការិកា ចត្វានិមិត្ត” បង្ហាញលើឆាកអន្តរជាតិ និងត្រូវបានទស្សនិកជន និងអ្នកគាំទ្រជាច្រើនសរសើរ ចំពោះឆន្ទៈខ្ពស់របស់នាងដើម្បីតំណាងកម្ពុជា បើទោះបីមានបញ្ហារបូតក្បាំងស្បែកធំដែលស្ពាយពីក្រោយខ្នង នៅ កំឡុងពេលកំពុងប្រកួតនោះក្ដី។

យ៉ាងណាមិញសម្រាប់ការបង្ហាញខ្លួនរបស់បវរកញ្ញាកម្ពុជា ក្នុងវគ្គបង្ហាញឈុតតំណាងជាតិនៅ លើទឹកដីនៃប្រទេសអ៊ីស្រាអែល នារាត្រីយប់មិញនេះ កញ្ញា ងិន ម៉ារ៉ាឌី មិនត្រឹមតែធ្វើឱ្យទស្សនិកជន និងអ្នកគាំទ្ររំភើបខ្លាំងនោះទេ គឺថែមទាំងមានអ្នកខ្លះបានស្រក់ទឹកភ្នែកទៀតផង៕

អត្ថបទ៖ ចាន់រ៉ា